मत्ती 27:2 - Sunuwar Bible

² मिनु फ्रेंशा लाइश्‍शा, पिलातस, सरकार ङा ठेयब मुर आ गुइमी जिम्‍मा गेमे बाक्‍त।

मत्ती 27:2 ပူးပေါင်းရင်းမြစ်များ

उत्पत्ती 22:9

मिनु परमप्रभुमी देंशो रागी जाक्‍दीस्‍सानु, अब्राहाममी फुल्‍लु चाक्‍शा, चढ़ेतीक सेला बाक्‍त। मिनु चढ़ेतीक तारी शी प्रोव़ङा बाक्‍त। मिनु आ तौ इसहाक कली गुइ खोइल फ्रेंशा, शी तारी वोदा बाक्‍त।

मत्ती 20:19

शुक्‍शी पा युक्‍शा, शीम केप्‍शा कांटी थोक्‍शा, क्‍याइश्‍शा साइक्‍थ अर्को जात ङा मुर आन गुइमी गेनीम। बेक्‍शो आ नित्‍थ नाक्‍त बेक्‍शो रे सेंसीब” दे माइक्‍तीमी।

मत्ती 28:14

सरकार ङा ठेयब मुरुमी नेंतु हना, नेल्‍ल गारपाइक्‍नीकी, इन कली मारेइ मदुम्‍ब” देंमा बाक्‍त।

लूका 13:1

मोपा शेंदीमीनु, आ लोव़ नेंब का निक्‍शीमी “साइ गालील रागी ङा मुरपुकीमी मारेइ मारेइ क्‍योरशा जारदमेनु, पिलातसमी सिपाइ सोइश्‍शा, मेको जारब आन कली क्‍योरपाइश्‍शा, मेको आन जारशो हुश नु ब्‍वाइक्‍ताक्‍व” देंमा बाक्‍त।

लूका 20:20

सास्‍त्री नु ठेयब चढ़ेबपुकीमी मुर योव़शा, येसु आ थुं नाक्‍शा, आ लोव़ खुइ पथ सोइक्‍तमे बाक्‍त। मारदे हना दोस गेशा हुकुम पाइब आ गुइमी गेचा माल्‍शो बाक्‍मा बाक्‍त। मेको सोइश्‍शोपुकीमी येसु आ लोव़ नेंशा, थमा सुइश्‍शो खोदेंशो प‍खु पामे बाक्‍त। लूका ११:५४; लूका २३:२

लूका 23:1

मिनु मेकेर रे येसु कली पिलातस आ ङोंइती चाक्‍दीत्‍मे बाक्‍त।

लूका 23:12

ङोंइती हेरोद नु पिलातस जोरी सत्रु खोदेंशो दुम्‍शो बाक्‍सा बाक्‍त। मेको नाक्‍त रे वारच्‍बु दुम्‍सा बाक्‍त।

लूका 3:1

सिजर तिबेरीयुस आ हुकुम पशो १५ बर्स दुम्‍मेनु, इस्राएल रागीम सासन पाइब सु सु बाक्‍मा बाक्‍त देंशा हना, यहूदीया रागीम पन्तीयस पिलातस, गालील रागीम हेरोद, इतुरीया नु त्राकोनीतीस रागीम हेरोद आ लोक्‍ब फिलीप नु अबीलेने रागीम लुसानीयस बाक्‍मा बाक्‍त।

यूहन्‍ना 18:12

मिनु सिपाहीपुकी, आन कप्‍तान नु यहूदी आन ठेयब मुरपुकीमी येसु कली ग्‍याइश्‍शा फ्रेंताक्‍म।

यूहन्‍ना 18:24

मिनु हन्‍नासमी येसु कली फ्रेंशो मप्रुइक्‍थु, नेल्‍ल क्‍येङा ठेयब चढ़ेब काइयाफास आ बाक्‍तीकेमी सोइक्‍ताक्‍व।

यूहन्‍ना 18:28

मिनु नोले मेको ग्‍याइक्‍बपुकीमी येसु कली काइयाफास आ बाक्‍तीक रे पिलातस आ खिं गे लाइक्‍तेक्‍म। मेना नां सोव़चशो बाक्‍माक्‍त। मिनु मेकोपुकी पास्‍सा चाड ङा भोज जचा कली ठीक दुम्‍शा बाक्‍शो बाक्‍तेक्‍म। मोपतीके मेकोपुकी पिलातस रोमी दुम्‍शो आ पर्बम मथिचा ङा बाक्‍त, दे आ खिं आगा मओव़म।

प्रेरित 12:6

हेरोदमी पत्रुस कली मुर आन ङोंइती राप्‍पाइक्‍चा देंशो नाक्‍त आ ङोंइती नाक्‍दो पत्रुस साङलो निक्‍शीमी पाइश्‍शा, सिपाही निक्‍शी आस दातेम इप्‍पाइश्‍शो बाक्‍माक्‍त। लाप्‍चो आ ङोंइती यो खाल पाइबपुकी बाक्‍मा बाक्‍त।

प्रेरित 21:33

मिनु लडाइ पाइब आन ठेयब मुरुम पावल कली ग्‍याइक्‍पाइश्‍शा, साङलो निक्‍शी लिक्‍तीने देंशा लिक्‍पाइश्‍शा आ ङोंइती राप्‍पदा बाक्‍त। मिनु “एको मुर ते ङा बाक्‍मे? मार पवा?” दे मुर आन कली हिल्‍लो पचा गोवा बाक्‍त। प्रेरित २०:२३

प्रेरित 22:25

मिनु सिपाहीपुकीमी पावल कली फ्रेंशा कोर्रामी युक्‍चा चिक्‍तमेनु, पावलमी मेकेर आ नेक्‍था राप्‍शा बाक्‍ब कप्‍तान कली “इं रोमी ऐन कानुनमी रोमी नागरिक आन कली मारेइ दोस मग्रुंइथु, गे कोर्रामी युक्‍चा ताइनीनी?” देंमाक्‍त। प्रेरित १६:३७; प्रेरित २३:२७

प्रेरित 22:29

मेको लोव़ नेंशा, कोर्रामी युक्‍शा हिल्‍लो पचा चिक्‍बपुकीमी “हेत्‍त, मो पचा मदुम्‍शो बाक्‍माक्‍त” देंमा बाक्‍त। मेको मुर रोमी नागरिक बाक्‍माक्‍त, दे तुइक्‍तमे ङा मेरे लडाइ पाइब आन ठेयब मुर यो हिंमाक्‍त। मारदे हना रोमी नागरिक आन कली फ्रेंपाइक्‍चा लायो मदुम्‍बाक्‍माक्‍त।

प्रेरित 24:27

मोपा ब्रेत्‍ता ब्रेत्‍ता बर्स निक्‍शी योल्‍माक्‍त। मिनु फेलीक्‍स अर्को रागीमी याक्‍से बाक्‍त। आ पा ङा हुकुम पाइब पोरसीयस फेस्‍तस जाक्‍माक्‍त। फेलीक्‍समी यहूदी आन कली ग्‍येरपाइक्‍चा, दे पावल आ मुददा मख्रोइक्‍थु, चोक्‍स ङा चोक्‍स वोइश्‍शा गाक्‍माक्‍त।

प्रेरित 28:20

इन कली एको लोव़ नेल्‍ल रुप्‍पाइक्‍थ ब्रेश्‍शा खुप्‍ताक्‍न्‍नी। आं दोस चहिं मार बाक्‍ब देंशा हना, इं इस्राएलीपुकीमी परमप्रभु यावेमी पाप रे प्रोंइब ख्रीस्‍त कली रागीमी सोइश्‍शो देंशो लोव़ थमा सुइश्‍शो आ पर्बम साङलो पाइक्‍चा पुंइसाक्‍ङ” दे माइक्‍तीमी। प्रेरित २६:६-७

प्रेरित 3:13

इ किकी पिपी अब्राहाम, इसहाक नु याकूब आन परमप्रभु यावेमी आ गेय पाइब येसु कली ठेयब सेल्‍तु। गेपुकी चहिं मेको कली ग्‍याइक्‍पाइक्‍तीनी। पिलातसमी मेको कली प्रोंइचा थुं पवानु यो, गे मबिस्‍सीनी।

प्रेरित 4:27

मोपा साइ इन पपाइश्‍शो लोव़ सिनाक्‍त मुलाक्‍त गाम्‍ना गाम्‍न पित। मारदे हना इन सोइश्‍शो, इन गेय पाइब येसु, आ जोरी सत्रु आंइ मिक्‍चीमी ताइतक। पिप हेरोद का, पन्‍तीयस पिलातस का, अर्को रागी ङा मुर नु इस्राएल ङा मुर नेल्‍ल गारशा, आंइ सहरमी बुक्‍शो ताइतक। लूका २३:१२

प्रेरित 9:2

मिनु काबु यरूसलेममी बाक्‍ब ठेयब चढ़ेब आन कली ग्रुम्‍शा, दमस्‍कस सहर ङा ग्रुम्‍तीक खिं खिं ङा ठेयब मुर आन कली कागज ब्रेक्‍शा गेचा नङ देंशा पुना बाक्‍त। सावल आ पुंइशो लोव़ मार बाक्‍त देंशा हना “दमस्‍कसमी बाक्‍ब येसु आ लां खोइक्‍ब मीश मुर वोंइश मुर सु सु थिदुमी, मेको नेल्‍ल आन कली ग्‍याइश्‍शा फ्रेंशा, यरूसलेम चाक्‍नुङमी” दे पुंइशो बाक्‍माक्‍त।

१ तिमोथी 6:13

नेल्‍ल आन कली ब्रोंइचा गेब परमप्रभु यावे नु ख्रीस्‍त येसु पन्‍तीयस पिलातस कली रिम्‍शो सांकछी गेब बाक्‍त। गो इ कली परमप्रभु यावे नु ख्रीस्‍त येसु आस ङोंइती अरेनुङ। यूहन्‍ना १८:३६-३७; प्रकाश १:५

२ तिमोथी 2:9

मेको ग्‍येरपाइक्‍ब लोव़ शेंतीके, गो मरिम्‍शो पाइब खोदेंशो पा साङलोम पाइक्‍चा पुंइसीशा श्‍येत जाइनुङ। तन्‍न परमप्रभु यावे आ लोव़ दा मपांइसीशो बाक्‍ब। फिलिप्‍पी १:१२-१४

हिब्रू 13:3

जेल्‍खानम चोक्‍चा पुंइसीशो आन कली काथा बाक्‍शो मिम्‍शा वारच पने। श्‍येत गेचा पुंइसीब आन कली तशा, आंम श्‍येत जशो खोदेंशो मिम्‍तीने। मत्ती २५:३६

न्‍यायाधीस 15:12

मिनु मेकोपुकीमी “गो दा इ कली फ्रेंशा पलिस्‍ती आन गुइमी गेचा कली जाक्‍तक” देंमा बाक्‍त। मिनु सिम्‍सोनमी “मो हना आं कली मसाइक्‍नीक, देंशा, कसम जने” देंमाक्‍त।