मत्ती 27:19 - Sunuwar Bible

¹⁹ मिनु निसाफ पचा कली बाक्‍मेनु, आ मीशेमी “मेको सुइ कली मरिम्‍शो मपाइब कली मारेइ मपतीने। मारदे हना मुलाक्‍दो इम्‍ङानु, मेको आ पर्बम गो शुश श्‍येत जचा ङा ङोमु ताता” दे शोव़थ सोइक्‍ता बाक्‍त।

मत्ती 27:19 ပူးပေါင်းရင်းမြစ်များ

उत्पत्ती 31:11

मिनु परमप्रभु आ स्‍वर्ग ङा गेय पाइबमी आं कली ङोमुमी ‘याकूब’ दे ब्रेत्‍ताक्‍यी। ‘मिनु गो बाक्‍ती’ दे लोव़ लेत्‍ताक्‍ङ।

उत्पत्ती 31:24

मिनु परमप्रभुमी अरामी लाबान कली ङोमुमी “गे होस पावो। याकूब कली मारेइ मपावो” देंमाक्‍त।

उत्पत्ती 31:29

इ कली श्‍येत गेचा आं गुइमी बाक्‍ब। तन्‍न सिनाक्‍दो इ आफ आ परमप्रभुमी आं कली ‘गे होस पावो। याकूब कली मारेइ मरिम्‍शो मपावो’ दे लोव़ पाप्‍तु।

हितोपदेस 29:1

शुश हुइक्‍चा पुंइसीशा यो, काइ मटीब दुम्‍तेक्‍म हना, मेको आन मतुइक्‍थु वारच पाइक्‍चा मपुंइसीथु, खतम दुम्‍नीम। हितोपदेस १५:१०

यसैया 53:11

मेको आ श्‍येत जशो रे मेकोमी छेङछेङ ताइब। मेको आ तुइक्‍तीकेमी शुश मुर आन कली ठीक पतीके तुइक्पाइक्‍ब। मेकोमी आन मरिम्‍शो पशो कुरब। १कोरिन्‍थी १:३०; यूहन्‍ना १:२९

जकरिया 9:9

सियोन आ तमी, साप्‍पा ग्‍येरसो। यरूसलेम आ तमी ग्‍येरशा ठेयब सेंदा पा ग्रीङो। मारदे हना इ पिप इ बाक्‍तीकेमी जाक्‍ना जाक्‍न बाक्‍ब। मेको ग्राशा ग्‍येरसीशा जाक्‍ब। मेको ब्रेम्‍शो बाक्‍ब। मेको गधा तार ङोइश्‍शा जाक्‍ब। गधा आ चाइक्‍ब तार ङोइश्‍शा जाक्‍ब। सेफन्‍याह ३:१४; मत्ती २१:५

गन्‍ती 12:6

मिनु मेकोमी “आं लोव़ नेनीन। गेपुकी इन दातेमी परमप्रभु यावे आ लोव़ पाइब बाक्‍त हना, गो मेको कली कोंइतीकेम तपांइसीनुङ। गो मेको नु आ ङोमुमी लोव़ पाइनुङ।

मत्ती 1:20

मिनु “गो प्रोंइचा दुम्‍ती” दे मिम्‍ना मिम्‍न बाक्‍मेनु, काबु ङोमु तवा बाक्‍त। मिनु ङोमु तवानु, परमप्रभु यावे आ स्‍वर्ग ङा गेय पाइबमी “दाऊद आ तौ योसेफ नेनो। मरीयम कली प्रोंइनुङ, दे ममिम्‍तो। महिंथु इ खिं लाइश्‍शा वोंइसो। आ कोव़जम बाक्‍शो चहिं परमप्रभु यावे आ सोक्‍त के बाक्‍त।

मत्ती 2:19

मिनु नोले पिप हेरोद बेक्‍माक्‍त। मिनु काबु इजीप्‍त रागीम बाक्‍शो योसेफ ङोमु तवानु, परमप्रभु यावे आ स्‍वर्ग ङा गेय पाइबमी

मत्ती 2:22

मिनु लेश्‍शा जाक्‍दीश्‍शा, यहूदीया रागीमी हेरोद आ तौ अरकीलाउस पिप दुम्‍शो बाक्‍त देंशो नेंशा, यहूदीया रागीमी बाक्‍चा हिंमाक्‍त। मिनु लेंशा ङोमुमी “यहूदीयामी मबाक्‍कीन। गालील रागी लशा बाक्‍कीन” दे माइक्‍चा पुंइसे बाक्‍त। मिनु गालील रागी लमा बाक्‍त।

मत्ती 27:18

मारदे हना आन थुं चोशा, येसु कली ग्‍याइक्‍पदमे बाक्‍त, दे तुइक्‍ता बाक्‍त, मोपतीके येसु कली प्रोंइचा माला बाक्‍त। यूहन्‍ना १२:१९

मत्ती 27:24

मुरपुकीमी मोदेंशो रेयके पा प्रेक्‍शो तशा “मुल येसु कली प्रोंइने मचबु” दे मिम्‍शा “एको सुइ कली मरिम्‍शो मपाइब आ हुश इन गुइमी ला लुम्‍सेक्‍ल, आं गुइमी मलुम्‍सेक्‍ल” देंशा, नेल्‍ल आन कुल आ गुइ चिक्‍शा कोंइदीमी बाक्‍त। ब्‍यवस्‍था २१:६

मत्ती 27:4

“रिम्‍शो मुर कली ग्‍याइक्‍पाइक्‍चा वारच पा पाप पाता” देंमेनु “गोपुकीमी मार पाइनीकी? गे आंमा तुइक्‍तो” देंमा बाक्‍त।

लूका 23:41

गो सजाइ जचा माल्‍शो नस। मारदे हना खुइ पाइतस। एको मुरुमी चहिं मारेइ मरिम्‍शो मपावो” दे हुइक्‍ता बाक्‍त।

लूका 23:47

मेकेर बाक्‍ब कप्‍तानमी मो दुम्‍शो तशा “थमा पा, एको मुरुमी मरिम्‍शो गेय मपशो बाक्‍माक्‍त” देंशा, परमप्रभु यावे कली ठेयब सेला बाक्‍त।

यूहन्‍ना 19:13

मिनु यहूदी आन लोव़ नेंशा, पिलातसमी येसु कली खिं रे ग्रुंइताक्‍व। मिनु पिलातस निसाफ पाइब आ नित्‍तीकेमी निस्‍‍साक्‍व। मेको निसाफ नित्‍तीक आ खपीमी फुल्‍लु ब्रशो बाक्‍तेक्‍म। मेको कली हिब्रू लोव़मी गाब्‍बाथा देंनीम।

प्रेरित 12:21

मिनु काबु पिप हेरोदमी रकारी वा फेक्‍शा, आ ठेयब नित्‍तीकेमी निश्‍शा, मेको आन कली आ लोव़ नेंपाइक्‍मी बाक्‍त।

प्रेरित 18:12

आकाया रागीमी गाल्‍लीयो माइश्‍शो हुकुम पाइब बाक्‍मेनु, यहूदीपुकी खुम्‍सीशा, पावल कली ग्‍याइश्‍शा, हुकुम पाइब आ ङोंइती चाक्‍दीत्‍मे बाक्‍त।

प्रेरित 18:16

मिनु मेको आन कली सोइक्‍ता बाक्‍त।

प्रेरित 18:17

यहूदीपुकीमी ग्रुम्‍तीक खिं ङा ठेयब मुर सोस्‍थेनेस कली ग्‍याइश्‍शा, हुकुम पाइब आ ङोंइती तुप्‍मे बाक्‍त। मोपा तुम्‍मुमानु यो, गाल्‍लीयोमी मारेइ मपवा बाक्‍त।

प्रेरित 25:10

मिनु पावलमी “मदुम्‍ब हजुर, मारदे हना सिजर आ निसाफ पाइबपुकीमी कका आं मुददा कोव़चा माल्‍नीम। यहूदी आन कली मरिम्‍शो मारेइ मपङ, दे हजुर, गे यो तुइक्‍नीनी।

प्रेरित 25:17

मिनु दोस गेबपुकी एक जाक्‍मा आ दीसा नाक्‍त कछडी वोइश्‍शा ग्रुम्‍पदुमीनु,

प्रेरित 25:6

मिनु ८, १० नाक्‍त बाक्‍शा, सिजरिया लेश्‍शा यि‍माक्‍त। मिनु आ दीसा नाक्‍ती कछडी वोइश्‍शा, पावल कली चाक्‍पाइश्‍शा, आ ङोंइती राप्‍पदा बाक्‍त।

१ पत्रुस 2:22

मेकोमी काइ पाप मपवो। जोल यो मपवो। यूहन्‍ना ८:४६; यसैया ५२:९

१ यूहन्‍ना 2:1

मिनु आं आलपुकी, इन कली मारदे ब्रेक्‍ताक्‍ङ देंशा हना, गो इन कली “मरिम्‍शो मपने” दें‍चा कली ब्रेक्‍ताक्‍ङ। मिनु थमा सुइक्‍ब कामी पाप पाप्‍तु हना, मेको आ पर्बम आ आफ कली पुंइब का बाक्‍ब। मेको पुंइब सु बाक्‍ब देंशा हना, मेको नेल्‍ल ठीक पाइब येसु ख्रीस्‍त बाक्‍ब।