मत्ती 26:15 - Sunuwar Bible

¹⁵ “येसु कली इन गुइमी ग्‍याइक्‍पाइक्‍ता हना, दोशो गेनीनी” देंमेनु, ३० टुक्रा चांदी गेमे बाक्‍त। यूहन्‍ना ११:५७; जकरिया ११:१२

मत्ती 26:15 ပူးပေါင်းရင်းမြစ်များ

प्रस्‍थान 21:32

ब्‍यफोम सुइ आन वाइलीम वाइल आन कली ख्रुप्‍तु हना, मेको ब्‍यफ आ होव़पमी वाइलीम वाइल आन होव़प कली ३० शेकेल चांदी गेचा माल्‍ब। मिनु ब्‍यफ कली चहिं फुल्‍लु आप्‍शा साइक्‍चा माल्‍ब” देनो। शेकेल का ११.५ ग्राम, तोला खोदेंशो बाक्‍ब। ३० शेकेल चांदी ३४५ ग्राम बाक्‍ब।

२ पत्रुस 2:3

मेको आन शीम पतीकेमी इन कली दूली लोव़ पा, इन क्‍येट योल्‍नीम। मेकोपुकी ङोंइती रे नरक लचा चिक्‍शो बाक्‍नीम।

१ तिमोथी 3:3

राकसी शांबु तूशा दुक्‍ब नु तुप्‍ब मुर थमा सुइक्‍ब आन कली कोव़ब दुम्‍ने मचाप्‍ब। थमा सुइक्‍ब आन कली कोव़ब रिम्‍शो थुं पाइश्‍शो बाक्‍चा माल्‍ब। जिचा पोक्‍ब नु क्‍येट शुश दाक्‍बमी एको गेय पने मचाप्‍ब।

प्रेरित 1:18

मेकोमी येसु कली ग्‍याइक्‍ब आन कली लां कोंइशा, वारच पा क्‍येट ताक्‍गा बाक्‍त। मिनु मेको क्‍येटमी रू ग्‍यबा बाक्‍त। मोपा मरिम्‍शो गेय पतीके क्‍यूली पा दोक्‍‍शा, आ कोव़ज ब्रोल्‍शा आ क्‍यी ग्रूशा बेक्‍माक्‍त। मत्ती २७:३-१०

न्‍यायाधीस 17:10

मिनु मीकाहमी “गो नु बाक्‍को। मिनु आं आफ नु आं चढ़ेब दुमो। गो इ कली बर्स बर्समी १० ओटा चांदी के शेकेल गेनन। मिनु जचा फेक्‍चा यो गेनन” देंमाक्‍त।

न्‍यायाधीस 16:5

मिनु पलिस्‍ती आन ठेयब मुरपुकी मेको मीश मुर कली ग्रुम्‍थ लमा बाक्‍त। मिनु मेको कली “सिम्‍सोन कली लेम्‍शा ‘इ कली सुमी बोल गेबा? दोपा इ कली फ्रेंने चाप्‍नीकी’ दे हिल्‍लो पावो। मिनु गो आंइ कली शेंदो। मारदे हना गो ग्‍याइक्‍चा दाक्‍नीकी। मिनु ग्‍याइश्‍शा गो का का पा इ कली ११, ११ सहे चांदी के शेकेल गेनीकी” देंमा बाक्‍त।

उत्पत्ती 38:16

मिनु मेको कली “आं कली ओव़चा गेयी” देंमाक्‍त। मारदे हना आ चाइमी बाक्ब, दे मतुइक्‍ता बाक्‍त। मिनु तामारमी “गे गो नु बाक्‍शो ङा आं कली मार गेनीनी?” दे हिल्‍लो पवा बाक्‍त। लेवी १८:१५

यसैया 56:11

कुचुमपुकी शुश जचा ब्‍वचा दाक्‍नीम। गेनायो मरूनीम। मेको गोठला यो मोदेंशो मरुप्‍ब बाक्‍नीम। मेको नेल्‍ल आंम आन लां खोइक्‍ब बाक्‍नीम। मारेइ मारेइ आंम के सेल्‍चा दाक्‍‍नीम। मेको नेल्‍ल खाल का ङा बाक्‍नीम। येरमीया ६:१३

मत्ती 10:4

कनानी सिमोन नु इस्‍कारीयोत ङा यहूदा बाक्‍तेक्‍म। मेको यहूदा नोले येसु कली साइक्‍चा, दे माल्‍ब आन कली वारच पाइब दुम्‍बाक्‍माक्‍त।

मत्ती 26:16

मिनु मेको चांदी ताक्‍गा रे “गेना नु दोपा ग्‍याइक्‍चा वारच पदुमी” दे योव़की पना पन गाक्‍माक्‍त।

लेवी 27:4

मीश मुर आ पर्बम बाक्‍त हना, मेकोम ३० शेकेल गेचा माल्‍ब। ३० शेकेल ३६० ग्राम चांदी बाक्‍ब।