मत्ती 26:10 - Sunuwar Bible

¹⁰ मिनु येसुमी मेको आन थुं मनुशो तुइश्‍शा “एको मीश मुर कली मारदे आ थुं खाइक्‍पाइक्‍नीनी? आं कली थम रिम्‍शो पाइक्‍ती।

मत्ती 26:10 ပူးပေါင်းရင်းမြစ်များ

नेहेम्‍याह 2:18

मिनु आं परमप्रभु आ शिशी आं तारी बाक्‍तीके नु पिपमी आं कली देंशो लोव़ यो मेको आन कली शेंताक्‍ङमी। मिनु मेकोपुकीमी “लो, गो एको गेय पय” दे ग्‍येरशा, आन थुं बारपाइक्‍‍तेक्‍म।

अय्‍युब 13:7

गेपुकी परमप्रभु आ लोव़ पखु पाइनीनी? मोदेंशो जोल लोव़ कली थमा बाक्‍ब, दे थमा सेल्‍नीनी?

मत्ती 26:11

श्‍येत जशो मुर गेना हना यो थित्‍नीनी, आं कली चहिं मथित्‍नीनी। ब्‍यवस्‍था १५:११

मत्ती 26:9

लेयशा हना, शुश क्‍येट पी वा। मिनु श्‍येत जशो आन कली योक्‍शा, वारच पने जाम वा” दे आन थुं मनुमा बाक्‍त।

मर्कूस 14:6

मिनु येसुमी “महुइक्‍तीने, मारदे आ थुं खाइक्‍पाइक्‍नी? आं कली रिम्‍शो पाइक्‍ती।

लूका 8:49

येसुमी मेको मीश मुर नु लोव़ पवानु, याइरस आ खिं ङा मुर का जाक्‍शा, याइरस कली “शेंब कली श्‍येत मगेने। इन तमी बेक्‍त” देंमाक्‍त।

२ कोरिन्‍थी 9:8

परमप्रभु यावेमी इन कली माल्‍शो क्‍येङा शुश गेने चाप्‍ब। मिनु मारेइ मारेइम गाप्‍शा, मारेइ वारच पचा ङा गेय बाक्‍त हना यो, गे पने चाप्‍नीनी।

गलाती 1:7

थमा लोव़ चहिं का ला बाक्‍ब, दे रुपीन। ख्रीस्‍त आ ग्‍येरपाइक्‍ब लोव़ दूली पा शेंबपुकी जाक्‍शा, आन दूली शेंशोमी इन थुं क्‍याल्‍पाइक्‍तेक्‍म। प्रेरित १५:१,२४

गलाती 5:12

इन थुं क्‍याल्‍पाइक्‍बपुकीमी आंम आन रांमी चिनु ख्रोदमेनु, खसी पशो दुम्‍मल, देंनुङ।

गलाती 6:17

मुल ङा मेरे सुइमी श्‍येत मगेयीमील। येसु आ नेंमी श्‍येत जशा, तुप्‍चा, युक्‍चा पुंइसीशो चिनु आं रांमी शुश बाक्‍ब। २कोरिन्‍थी ४:१०

एफिसी 2:10

गोपुकी परमप्रभु यावे रे ख्रीस्‍त येसु आ पतीकेमी सेल्‍शो बाक्‍नय। परमप्रभु यावेमी इं कली रिम्‍शो गेय वोइश्‍शो बाक्‍त। मेको पचा माल्‍नय। तीतस २:१४

कलस्‍सी 1:10

इन ङोंइती शिरशो मुर दुम्‍मल। आन पशो नेल्‍लेमी इन कली ग्‍येरपदमेक्‍ल। रिम्‍शो पामेनु, इन कली तुइक्‍तीके आन थुंमी बारना बारन लल। एफिसी ४:१; फिलिप्‍पी १:२७

२ थिस्‍सलोनिकी 2:17

इन थुं बारपाइश्‍शा, इन कली रिम्‍शो गेय नु रिम्‍शो लोव़ पचा गेम्‍सेक्‍ल।

१ तिमोथी 3:1

सुमी थमा सुइक्‍ब आन कली कोव़ब दुम्‍चा दाक्‍बा, मेको ठेयब नु रिम्‍शो गेय माल्‍ब बाक्‍ब। एको लोव़ थमा बाक्‍ब। प्रेरित २०:२८; तीतस १:५-९

१ तिमोथी 5:10

आ तमी तौ रिम्‍शो पा कोल्‍पाइश्‍शा, मुर आन कली बास बाक्‍चा गेशा, थमा सुइक्‍ब आन खोइली चिक्‍शा, श्‍येत जाइब आन कली वारच पशा, नेल्‍लेमी रिम्‍शो पना पन बाक्‍ब, दे मुरपुकीमी तुइश्‍शो मीश मुर आ नें ला ब्रेक्‍सीब। हिब्रू १३:२; यूहन्‍ना १३:१४

२ तिमोथी 2:21

सु आ मरिम्‍शो पशो शोव़शा माफ ताइबा, मेको रिम्‍शो गेय ङा बोस खोदेंशो दुम्‍ब। आ होव़प कली जिम्‍मा गेंसीशो नु मेको रिम्‍शो गेय पचा कली रिम्‍शो बाक्‍ब।

तीतस 1:16

मिनु मेकोपुकीमी “गो परमप्रभु यावे कली तुइक्‍नुङ” देंखु पाइनीमी। तन्‍न आन पतीकेमी मतुइक्‍ब बाक्‍नीम, दे तुंइसीब। मोपा मेकोपुकी ग्रांग्रा दिचा ङा मुर बाक्‍नीम। मिनु मटीब दुम्‍शा, रिम्‍शो गेय यो पने मचाप्‍नीम। २तिमोथी ३:५

तीतस 2:14

येसु ख्रीस्‍तम आंम कली काइ ममिम्‍थु, साइक्‍चा पुंइसाक्‍व। मारदे साइक्‍चा पुंइसाक्‍व देंशा हना, इं कली मटितीके रे प्रोंइचा कली साइक्‍चा पुंइसाक्‍व। मिनु इं कली परमप्रभु यावे आ योव़शो मुर सेल्‍चा नु इं कली शुश रिम्‍शो गेय पपाइक्‍चा कली आंम कली साइक्‍चा, दे जिम्‍मा गेसाक्‍व। गलाती १:४; १तिमोथी २:६; प्रस्‍थान १९:५; एफिसी २:१०

तीतस 3:1

मिनु गेमी हुकुम पाइब नु सरकार ङा अधिकार पाइश्‍शो मुर आन कली टिचा, दे थमा सुइक्‍ब आन कली मिम्‍पतो। थमा सुइक्‍बपुकी टीब मुर दुम्‍चा माल्‍नीम। मिनु मार मार रिम्‍शो गेय बाक्‍मे, मेको पचा माल्‍नीम। रोमी १३:१; १पत्रुस २:१३

तीतस 3:14

मिनु इं मुरपुकीमी यो रिम्‍शो गेय पचा कली शेंसीचा माल्‍नीमी। मोपा शुश श्‍येत जाइब आन कली वारच पशा, फल सिप्‍ब रवा खोदेंशो दुम्‍नीम। तीतस २:१४; मत्ती ७:१९

तीतस 3:8

एको लोव़ थमा बाक्‍ब। मिनु एको लोव़ शुश शेंदो। मोदेंशो पा शेंताक्‍वी हना, परमप्रभु यावे कली थमा सुइक्‍ब दुम्‍शो मुरपुकी रिम्‍शो गेय पचा कली होस पा बाक्‍नीम। आं देंशो शेंतीके मुर आन कली रिम्‍शो नु गारचा ङा बाक्‍ब।

हिब्रू 13:21

परमप्रभु यावेमी येसु ख्रीस्‍त रे पा इन थुं रिम्‍शो सेलल, आ दाक्‍शो गेय पपदल, आ कली ग्‍येरपाइक्‍ब सेलल। येसु ख्रीस्‍त कली गेना हना यो ठेयब सेल्‍य। आमेन। आमेन आ अर्थ “गो यो मेकोन मिम्‍नुङ” बाक्‍ब।

१ पत्रुस 2:12

थमा मसुइक्‍ब आन दातेमी रिम्‍शो पने। मेकोपुकीमी इन पर्बम “मरिम्‍शो पाइब बाक्‍नीम” दे मरिम्‍शो लोव़ पाम्‍तेक्‍म हना यो, इन रिम्‍शो पतीक तशा, परमप्रभु यावे नु ग्रुम्‍ची ना मेकोपुकीमी परमप्रभु यावे कली ठेयब सेल्‍मेक्‍ल। मत्ती ५:१६