मत्ती 25:1 - Sunuwar Bible

¹ स्‍वर्ग ङा राज्‍य ओदेंशो दुम्‍ब, १० जना मीश आलमी तेल बत्ती कुरशा, ग्‍युम्‍ले ग्रुम्‍थ लाइनीम। लूका १२:३५-३६; प्रकाश १९:७

मत्ती 25:1 ပူးပေါင်းရင်းမြစ်များ

प्रकाश 19:7

गो नेल्‍ल ग्‍येरसय। गो नेल्‍लेमी ‘इन सक्ति नेल्‍ल क्‍येङा ठेयब बाक्‍ब’ देंय। गो नेल्‍लेमी परमप्रभु यावे कली मान पय। मारदे हना पाठा आ ग्‍युंबे दुम्‍चशो बाक्‍त। मिनु आ ग्‍युम्‍लीम आंम कली ग्‍योम्‍सीशा, ठीक दुम्‍शो बाक्‍त। प्रकाश २१:९

प्रकाश 21:9

मिनु नोले गो परमप्रभु यावे आ स्‍वर्ग ङा गेय पाइब का जाक्‍शो ताता। मेको सु बाक्‍त देंशा हना, ङोंइती ङा ७ जना श्‍येतमी ब्रीशो डप्‍का कुरबपुकी ङा का बाक्‍त। मेकोमी आं कली “एके पिवो, गो इ कली ग्‍युम्‍ली कोंइनुङ। मेको ग्‍युम्‍ली पाठा आ मीश बाक्‍ब” दे माइक्‍ती।

प्रकाश 21:2

परमप्रभु यावे आ सहर नक यरूसलेम माइश्‍शो परमप्रभु यावे आ बाक्‍तीके रे यिना यिन पाइश्‍शो ताता। मेको सहर ग्‍युम्‍ले कली ग्रुम्‍चशो ग्‍युम्‍ली खोदेंशो दुम्‍शा, ग्‍योम्‍सीशा यिशो बाक्‍त। गलाती ४:२६; हिब्रू १२:२२; प्रकाश १९:७-८

यूहन्‍ना 3:29

ग्‍युम्‍लेमी ग्‍युम्‍ली कली चाक्‍शो तशा, आ लोव़ नेंशा, आ वारच ग्‍येरसीब। मोपतीके गो थमा पा ग्‍येरसीनुङ। मत्ती ९:१५

मत्ती 13:24

मिनु अर्को कथा ओदें शेंताक्‍मी “स्‍वर्ग ङा राज्‍य ओदेंशो बाक्‍ब, मुर कामी आ रूमी रिम्‍शो वांचेर शोक्‍गा बाक्‍त।

यसैया 54:5

मारदे हना इ कली सेल्‍ब इ वोंइश बाक्‍‍ब। मेको आ नें मुर नेल्‍ल आन परमप्रभु यावे बाक्‍ब। इ कली श्‍येत रे प्रोंइब इस्राएली आन का ला बाक्‍शो परमप्रभु बाक्‍ब। मेको आ नें रागी नेल्‍ल ङा परमप्रभु बाक्‍ब।

प्रकाश 14:4

मिनु मेको मुरपुकी रागी ङा पाप रे ङोन बाक्‍शो बाक्‍तेक्‍म। मिनु मेकोपुकी पाठा तेक तेक लमे, मेक मेक लाइबाक्‍तेक्‍म। मेकोपुकी रागी ङा मुर आन दाते रे ग्रुंइशा, परमप्रभु यावे नु पाठा आस ङोंइती ङा योव़सीशो मुर बाक्‍तेक्‍म। १कोरिन्‍थी ७:१,८

तीतस 2:13

मोदेंशो दुम्‍शा, मान ताइब परमप्रभु यावे नु इं कली पाप रे प्रोंइब येसु ख्रीस्‍त आ छेङछेङ ग्रूब, दे गो आस पशा रिम्‍नय। १कोरिन्‍थी १:७; फिलिप्‍पी ३:२०; १थिस्‍सलोनिकी १:१०

मत्ती 22:2

“स्‍वर्ग ङा राज्‍य ओदेंशो बाक्‍ब, पिप कामी आ तौ आ ग्‍युंबे पा भोज पचवा बाक्‍त। यूहन्‍ना ३:२९

२ तिमोथी 4:8

मुल रे ठीक पतीके ङा सिरपेच गुप्‍चा दे आं कली वोइश्‍शो बाक्‍त। प्रभु ठीक निसाफ पाइब बाक्‍ब। मेकोमी आं कली आ नाक्‍तीम सिरपेच गेब। आं कली ला ममाइ, सु सुमी आ जाक्‍शो दाक्‍नीमी, मेको आन कली यो गेब। २तिमोथी २:५; १पत्रुस ५:४; याकूब १:१२; प्रकाश २:१०; मत्ती २५:२१

मत्ती 3:2

“इन थुं परमप्रभु यावे गे लेत्‍तीने। मारदे हना स्‍वर्ग ङा राज्‍य जाक्‍चशो बाक्‍ब” दे मुर आन कली शेंना शेंन बाक्‍माक्‍त। मत्ती ४:१७; रोमी १२:२

दानीएल 2:44

मेको पिप आन पालामी स्‍वर्ग ङा परमप्रभुमी अर्को राज्‍य का सेल्‍ब। मेको राज्‍य गेनायो ब्रोल चिल मदुम्‍ब। मेको राज्‍य ङा मुर खाल का ङा बाक्‍नीम। मेकोमी अरु राज्‍य नेल्‍ल आन कली रोब चिब पा थुम्‍पाइक्‍ब। तन्‍न मेको आ राज्‍य गेना हना यो लीब। दानीएल १४:२७; यसैया ९:६; १कोरिन्‍थी १५:२४; प्रकाश ११:१५

१ कोरिन्‍थी 11:2

इन कली शेंशो लोव़ का यो मप्रेंथु, टिशा बाक्‍तीनी दे तुइक्‍ताक्‍ङ। मिनु गे आ शेंशो नेल्‍ल पाइतीनी।

मत्ती 20:1

स्‍वर्ग ङा राज्‍य ओदेंशो बाक्‍ब, खिं का ङा होव़प सुनी कना बोक्‍शा, आ अङगुर रूमी गेय पाइब आन कली ब्रेत्‍थ लमाक्‍त।

मत्ती 13:47

स्‍वर्ग ङा राज्‍य ओदेंशो यो बाक्‍ब, समुन्‍द्रमी ङांइ रेत्‍चा कली ग्‍याइल आप्‍शो बाक्‍माक्‍त। मेको आप्‍शो ग्‍याइलीम शुश थरी ङा ङांइ ओव़मा बाक्‍त। मत्ती २२:९-१०

भजन संग्रह 45:14

मिनु बुटा आप्‍शो वा फेक्‍पाइश्‍शा, मेको कली पिप आ बाक्‍तीके चाक्‍नीम। मेको आ गेय पाइब मीश आल आ नोले खोइक्‍पाइश्‍शा, पिप आ बाक्‍तीकेमी जाक्‍नीम।

मत्ती 13:38

रू देंशो रागी बाक्‍ब। रिम्‍शो वांचेर देंशो राज्‍य ङा सन्‍तान नमी। सुवा देंशो सैतान आ सन्‍तान नम। १कोरिन्‍थी ३:९; यूहन्‍ना ८:४४

ठेयब कुम्सो 5:8

ए यरूसलेम ङा तमी “गो इन कली ‘गेपुकीम आं दाक्‍शो मुर कली ग्रुम्‍तीनी हना, मेको कली इन कली दाक्‍ब मुर दाक्‍तीकेम थशो बाक्‍ब’ देनीन” देंत। ठेयब कुम्‍सो २:५

प्रकाश 4:5

मिनु मेको नित्‍तीक रे चिला दाप्‍शो तांइसाक्‍व। मिनु बुंबु पशो रेयके नु सेंदापुकी नेंसाक्‍व। मिनु ठेयब नित्‍तीक आ ङोंइती ७ ओटा ब्रशो तोव़शी बाक्‍तेक्‍म। मेको ७ ओटा तोव़शी चहिं परमप्रभु यावे आ ७ ठाउंम बाक्‍शो सोक्‍त बाक्‍तेक्‍म। प्रस्‍थान १९:१६

२ कोरिन्‍थी 11:2

इन कली मिम्‍शा, गो परमप्रभु यावेमी रुश पशो खोदेंशो दुम्‍ती। मारदे हना रिम्‍शो ग्‍युम्‍ली ग्‍युंबे पा गेशो खोदेंशो पा, इन कली ख्रीस्‍त कली गेतन्‍नी। एफिसी ५:२६-२७

मत्ती 9:15

मिनु येसुमी “जन्‍तीपुकी ग्‍युम्‍ले नु काथा बाक्‍मानु, हिशेक पा ङाक्‍नीमी ङा? काबु ग्‍युम्‍ले नु फ्राचा पुंइसीनीम। मिनु मेना बर्त बाक्‍नीम। यूहन्‍ना ३:२९

मत्ती 5:16

मेको ब्रशो बत्ती खोदेंशो पा गेमी इन रिम्‍शो गेय रे पा इन छेङछेङ मुर आन कली कोंइदीने। मिनु इन रिम्‍शो पशो तशा, स्‍वर्गमी बाक्‍ब इन आफ कली ठेयब सुइश्‍शा मान पाइनीम। फि‍लिप्‍पी २:१४-१५; यूहन्‍ना १५:८; एफिसी ५:८-९

प्रेरित 20:8

आंइ बाक्‍शो तला तारी ङा कोठा शुश बत्ती दाशो बाक्‍त।

मत्ती 13:31

येसुमी “स्‍वर्ग ङा राज्‍य ओदेंशो यो बाक्‍ब, मुर कामी आ रूमी तोरी शोक्‍गा बाक्‍त।

ठेयब कुम्सो 5:16

ए यरूसलेम ङा मीश आलपुकी, मेको आ शोव़ ब्रोव़शो लोव़मी ब्रीशो बाक्‍ब। मेको थम दारशो बाक्‍ब। मेकोन आं दाक्‍शो वोंइश मुर नु आं वारच बाक्‍ब।

ठेयब कुम्सो 1:3

इन ख्रेक्‍तीक तेल ब्रोव़शो रिना पाइश्‍शो बाक्‍ब। इन नें ब्रोव़शो रिना पाइश्‍शो तेल मोइश्‍शो खोदेंशो बाक्‍ब। मोपतीके मीश आलपुकीमी इन कली दाक्‍नीमी।

मत्ती 25:7

मिनु छुल छाल बोक्‍शा, आन बत्ती का का पा जेत्‍नीम।

यूहन्‍ना 18:3

मिनु यहूदामी ठेयब चढ़ेब नु फरिसी आन सोइश्‍शो सिपाहीपुकी नु सिपाही आन ठेयब मुर आन कली येसु नु आ शेंसीब आन बाक्‍तीक चाक्‍तु। मेकोपुकी तोव़शी नु लालटिन दाशा, या कुरशा जाक्‍तेक्‍म।

प्रकाश 8:10

मिनु लीशो ५ जना परमप्रभु यावे आ स्‍वर्ग ङा गेय पाइब कामी तुराही ताप्‍तु। मिनु सरीङ रे मी ब्रशो रांको खोदेंशो ठेयब सोरुल खोला इनार नु ब्‍वाक्‍कु बुक्‍तीके ङा भाग सां ङा भाग का तार दोक्‍त। यसैया १४:१२