मत्ती 24:31 - Sunuwar Bible

³¹ मिनु रागीम जरमेशोमी परमप्रभु यावे आ स्‍वर्ग ङा गेय पाइब आन कली तुराही ताप्‍पा, रागी तेइ तेइ रे परमप्रभु यावे आ योव़शो नेल्‍ल आन कली खुप्‍शा चाक्‍थ सोइक्‍ब।

मत्ती 24:31 ပူးပေါင်းရင်းမြစ်များ

भजन संग्रह 22:27

रागी रागी ङा मुरपुकीमी आं कली मिम्‍शा, परमप्रभु यावे गे लाइनीम। मिनु रागी ङा खिं खिं ङा मुरपुकी परमप्रभु आ ङोंइती बाप्‍नीम।

भजन संग्रह 67:7

परमप्रभुम, इं कली आसीक गेना गेन बाक्‍ब। मिनु रागी ङा मुर नेल्‍ले मेको कली मान पा हिंनीम।

भजन संग्रह 81:3

औंसी, पूर्ने नु इं ठेयब चाड नाक्‍त तुराही तापीन। लेवी २३:२४

प्रस्‍थान 19:16

मिनु मेको आ नित्‍थ नाक्‍ती डांडा तार बुंबु पा, चिला पा, ठेयब गोस्‍स का ग्रूत। मिनु तुराही का थम ठेयब सेंदा पा ग्री‍त। मेको नेंशा, इस्राएलीपुकी हिंशा, ङोन लशा, बाक्‍तेक्‍म।

यसैया 11:12

मेकोमी रागी रागी ङा मुर आन कली चिन्‍ड का वोइक्‍ब। मिनु इस्राएल ङा प्रोक्‍शो मुर आन कली खुप्‍ब। यहूदा ङा ब्रशो मुर आन कली यो तेइ तेइ रे खुप्‍ब।

यसैया 13:5

मेकोपुकी ङोन रागी रे जाक्‍नीम। रागी ङा सुर रे पा जाक्‍नीम। मिनु परमप्रभु यावेमी गाइश्‍शा, या शेशा रागी नेल्‍ल खतम सेल्‍पाइक्‍ब। योएल १:१५

यसैया 27:13

मेको नाक्‍ती ठेयब तुराही का ग्रीब। मिनु अस्‍सुर रागीम जाम्‍शो नु इजीप्‍त रागीम खेदा पचा पुंइसीशो मुरपुकी जाक्‍नीम। मिनु यरूसलेम ङा परमप्रभु यावे आ डांडामी आ कली ठेयब सेल्‍नीम। यसैया ११:११-१२; योएल ३:५

यसैया 42:10

परमप्रभु यावे कली नक कुम्‍सो का पने। रागी आ सुर ङा मुरपुकी परमप्रभु यावे कली कुम्‍सो पशा ठेयब सेलीन। समुन्‍द्र नु समुन्द्रम बाक्‍बपुकी परमप्रभु कली ठेयब सेलीन। समुन्‍द्र आ नेक्‍था बाक्‍ब नेल्‍लेमी मेको कली ठेयब सेलीन। भजन संग्रह ३३:३

यसैया 43:6

गो उत्तर कली ‘प्रोंइशा सोइक्‍तीमी’ माइक्‍नुङ। दक्‍खिन कली ‘मतेक्‍मी’ आं तौ आन कली ङोन रागी रे चाक्‍कीन। मिनु आं तमी आन कली रागी आ सुर रे चाक्‍कीन।

यसैया 45:22

आं गे ले‍तीन। मिनु पाप रे प्रोंइचा पुंइसीन। रागी ङा सुर सम्‍म मो पने। मारदे हना गो परमप्रभु नङ। आं ङा लाक्‍शा अरु सुइ परमप्रभु मबाक्‍ब।

यसैया 49:18

कोव़ङो, मिक्‍च हिरशा कोव़ङो। मेको नेल्‍ल ग्रुम्‍शा, इ बाक्‍तीक जाक्‍नीम। परमप्रभु यावेमी “गो ब्रोंइशा बाक्‍शो खोदेंशो पा, गे मेको लेश्‍शा जाक्‍ब आन कली माला खोदेंशो पा रेल्‍सीचा माल्‍नेवे। ग्‍युम्‍ली खोदेंशो पा मेकोपुकीमी ग्‍योम्‍सीचा माल्‍नेवे। यसैया ६०:४

यसैया 60:4

इ मिक्‍च हिरशा, कोव़ङो। इ मुर नेल्‍ल ग्रुम्‍शा, इ बाक्‍तीके जाक्‍नीम। इ तौपुकी ङोन रागी रे जाक्‍नीम। इ तमी आन कली मुप्‍शा कुरशा चाक्‍नीम। यसैया ४९:१८; यसैया ४९:२२; यसैया ६६:१२

दानीएल 7:2

मिनु दानीएलमी गो, दानीएल, इप्‍शा ङोमु पा, कोंइतीक का ताता, सरीङ पूर्ब, पच्‍छिम, उत्तर, दक्‍खिन रे फश पा ठेयब समुन्‍द्र कली छाल पोक्‍पाइश्‍शो ताता।

जकरिया 14:5

गेपुकी परमप्रभु यावे आ डांडा ङा बेंसी रे पा प्रोक्‍चा माल्‍नीनी। मेको आस दाते ङा बेंसी आसाल सम्‍म जाक्‍दीश्‍शो बाक्‍ब। गेपुकी यहूदा ङा पिप उज्‍जीयाह आ पालामी कुशो ख्रिनुमी मुरपुकी प्रोक्‍शो खोदेंशो पा प्रोक्‍नीनी। मिनु नोले परमप्रभु यावे, आं परमप्रभु आ मुर नेल्‍ल नु यीब। आमोस १:१

जकरिया 2:6

परमप्रभु यावेमी “जाक्‍कीन जाक्‍कीन, उत्तर ङा रागी रे प्रोक्‍शा जाक्‍कीन। मारदे हना गो इन कली एर ओंथ ङा फशेमी खोदेंशो पा फ्राता” दे परमप्रभु यावेमी देंत।

जकरिया 6:5

मिनु मेको परमप्रभु यावे आ स्‍वर्ग ङा गेय पाइबमी आं कली “एको स्‍वर्ग ङा ४ ओटा फश नम। एको ग्रूशा लचा कली रागी नेल्‍ल ङा परमप्रभु यावे आ ङोंइती जाक्‍‍तेक्‍म। जकरिया ४:१४

जकरिया 9:10

गो एफ्राइम रे पा बग्‍गीपुकी नु यरूसलेम रे पा लडाइ पाइब शारा लाइक्‍नुङ। लडाइ पाइब आन लिब्रा जिक्‍ब। मेकोमी रागी रागी ङा मुर आन कली थुं नाइश्‍शा बाक्‍चा गेब। मेकोमी समुन्‍द्र का रे अर्को समुन्‍द्र सम्‍म नु युफ्रेटीस खोला रे रागी ङा सुर सम्‍म सासन पाइब। मीका ५:९

जकरिया 9:14

मिनु नोले परमप्रभु यावे इन क्‍येङा इर ग्रूब। मेको आ ब्रा चिला आप्‍शो खोदेंशो पा बेरनीम। परमप्रभु, परमप्रभु यावेमी तुराही ताप्‍ब। मिनु दक्‍खिन ङा फश गिवारम गाक्‍शा लाइब।

मत्ती 13:41

रागीम जरमेशोमी परमप्रभु यावे आ गेय पाइब आन कली सोइक्‍ब। मिनु मेकोपुकीमी आ राज्‍य रे पाप पपाइक्‍ब नु पाप पाइब नेल्‍ल आन कली खुप्‍शा, मत्ती २४:३१

मत्ती 24:22

मोदेंशो श्‍येत जतीक नाक्‍त शुश नाक्‍त दुम्‍त हना, सुइ मब्रोंइनीम वा। तन्‍न आ योव़शो आन पर्बम परमप्रभु यावेमी मेको श्‍येत शुश नाक्‍त लीचा मगेब।

मत्ती 24:24

मारदे हना शुशेमी ‘गो ख्रीस्‍त नङ’ दे जोल पा गाक्‍नीम। ‘परमप्रभु यावे आ लोव़ पाइब नकी’ दे जोल पाइबपुकीमी चिन्‍ड नु छक लाक्‍चा ङा गेय कोंइनीम। मो पशोमी परमप्रभु यावे आ योव़शो आन कली यो लां प्रोंइपाइक्‍चा माल्‍नीम। ब्‍यवस्‍था १३:२-४; २थिस्‍सलोनिकी २:८-९; प्रकाश १३:१३

मत्ती 24:32

फोव़शी रवा कोव़शा शेंसीने। फोव़शी रवा आ कोच्‍वा दाप्‍शा कुशो तनीनु, बर्खा ओव़माक्‍त, दे तुइक्‍नीनी।

मत्ती 25:31

रागीम जरमेशो परमप्रभु यावे आ स्‍वर्ग ङा गेय पाइबपुकी नु आ छेङछेङमी जाक्‍शा, आ ठेयब नित्‍तीकेम निस्‍सीब। मत्ती १६:२७; प्रकाश २०:११-१३

मत्ती 28:18

मिनु येसु नेल्‍ल आन नेक्‍था जाक्‍शा “स्‍वर्ग नु रागी ङा अधिकार नेल्‍ल आं कली गेशो बाक्‍ब। मत्ती ११:२७; एफिसी १:२०-२२

मर्कूस 13:27

मिनु रागीम जरमेशोमी परमप्रभु यावे आ गेय पाइब आन कली रागी तेइ तेइ रे परमप्रभु यावे आ योव़शो नेल्‍ल आन कली खुप्‍शा चाक्‍थ सोइक्‍ब। मत्ती १३:४१

लूका 24:47

मिनु यरूसलेम रे पा रागी नेल्‍ल ङा मुर आन कली ‘गे इन थुं परमप्रभु यावे गे लेत्‍चा माल्‍नीनी। मिनु येसु ख्रीस्‍त आ नेंमी पाप क्‍याम्‍चा तांइसीब’ दे नेंपाइक्‍चा माल्‍ब” देंमाक्‍त। प्रेरित २:३८ प्रेरित १७:३०

यूहन्‍ना 11:52

इस्राएल रागी ङा मुर आन कली ला ममाइ, तन्‍न ब्रशा बाक्‍शो परमप्रभु यावे आ तमी तौ नेल्‍ल आन कली काथा दुम्‍पाइक्‍चा, दे येसु साइक्‍चा पुंइसीब दुम्‍त। यूहन्‍ना ७:३५; यूहन्‍ना १०:१६; १यूहन्‍ना २:२

रोमी 10:18

मार, येसु ख्रीस्‍त आ लोव़ यहूदीपुकीम मनेन्‍मे ङा? नेंतेक्‍म। “एको लोव़ तेइ तेइ रागी नेल्‍लेमी ब्रशो बाक्‍त” दे ब्रेक्‍शो बाक्‍ब। भजन संग्रह १९:४

१ कोरिन्‍थी 15:52

मेको छिन काम दुम्‍ब। याम काम दुम्‍ब। नोले ङा नाक्‍त ङा तुराही ताप्‍ची ना मेको दुम्‍ब। मारदे हना मेको तुराही नेंसीब। बेक्‍शो मुर, मबेक्‍चा ङा पा सेंसीनीम। मिनु गो फाइक्‍चा पुंइसीनय। मत्ती २४:३१

एफिसी 1:10

मिनु मेको नेल्‍ल ठीक दुम्‍मेनु, परमप्रभु यावेमी ख्रीस्‍त कली रागीमी सोइक्‍ताक्‍व। मोपा रागी नु स्‍वर्गमी बाक्‍ब, इस्राएली नु अर्को रागी ङा मुर नेल्‍ल आन कली ख्रीस्‍तमी का सेल्‍तु। गलाती ४:४

ब्‍यवस्‍था 30:4

मिनु गे शुश ङोन रागी सम्‍म खेरचा पुंइसाक्‍नी हना यो परमप्रभु यावे, इन परमप्रभुमी इन कली खुप्‍शा एक चाक्‍ब। ब्‍यवस्‍था २८:६४; नेहेम्‍याह १:९

ब्‍यवस्‍था 4:32

मिनु गे इन क्‍येङा ङोंइती ङा नाक्‍त मिम्‍तीन। परमप्रभुमी मुर नु रागी सेल्‍शो रे मुल सम्‍म ओदेंशो ठेयब गेय पशो आ पर्बम लोव़ नेंनी? तनी?

१ थिस्‍सलोनिकी 4:16

मारदे हना प्रभुमी आ मुर आन कली “कुन” दे ब्रेत्‍तानु, नेल्‍ल क्‍येङा ठेयब परमप्रभु यावे आ स्‍वर्ग ङा गेय पाइबमी यो ब्रेप्‍ब। परमप्रभु यावे आ तुराही ताप्‍शो नेंनीम। मेना प्रभु सरीङ रे यीब। ख्रीस्‍त कली थमा सुइश्‍शा बेक्‍शो मुरपुकी ङोंइती सेंसीनीम।

२ थिस्‍सलोनिकी 2:1

आंइ लोक्‍बपुकी, इं प्रभु येसु ख्रीस्‍त यिशा, गोपुकी नु ग्रुम्‍चा आ पर्बमी १थिस्‍सलोनिकी ४:१३-१७

हिब्रू 12:19

मिनु तुराही ताप्‍शो ठेयब रेयके खोदेंब पा परमपभु यावे आ लोव़ नेन्‍मे बाक्‍त। मेको लोव़ नेंने मचाप्‍थु “मुल ङा मेरे ओं देंब लोव़ मपचा” दे थम हिंशा पुन्‍मे बाक्‍त। प्रस्थान २०:१९

प्रकाश 1:20

मिनु आं ग्‍युरा गुइमी बाक्‍शो ७ ओटा सोरुल नु ७ ओटा खपीम बाक्‍शो सुन के दियारी आ ख्रुइश्‍शो अर्थ मार बाक्‍ब देंशा हना, मेको आं गुइमी तशो ७ ओटा सोरुलपुकी मेको एसीया ङा ७ ओटा सहर ङा थमा सुइक्‍ब आन ग्रुम्‍तीके ङा शेंब नम। मेको ७ ओटा दियारी चहिं मेको एसीया ङा ७ ओटा सहर ङा थमा सुइक्‍ब आन ग्रुम्‍तीके ङा मुर नम” दे माइक्‍ती।

प्रकाश 11:15

मिनु मेको नोले ङा परमप्रभु यावे आ स्‍वर्ग ङा गेय पाइबमी आ तुराही ताप्‍तु। मिनु स्‍वर्गमी ठेयब सेंदापुकी नेंता। मेकोपुकीमी “आंइ परमप्रभु नु आ ख्रीस्‍तमी रागी नेल्‍ल कली सासन पाइब दुम्‍ताक्‍से। मिनु गेना हना यो सासन पना पन बाक्‍नीसी” देंशो नेंता।

प्रकाश 7:1

मिनु नोले गो ४ जना परमप्रभु यावे आ स्‍वर्ग ङा गेय पाइबपुकी रागी ङा ४ कुनामी राप्‍शो तातामी। मेकोपुकी रवा आ सफा काइ यो महिम्‍पाइक्‍चा, रागी नु समुन्‍द्रमी फश मपपाइक्‍चा कली राप्‍शो बाक्‍तेक्‍म। दानीएल ७:२

प्रकाश 8:2

मिनु नोले गो ७ जना परमप्रभु यावे आ स्‍वर्ग ङा गेय पाइबपुकी परमप्रभु यावे आ ङोंइती राप्‍शो तातामी। मिनु मेकोपुकीमी तुराही का का ताक्‍तेक्‍म। मत्ती २४:३१