मत्ती 23:9 - Sunuwar Bible

⁹ एको रागीमी सुइ आन कली आफ मदेनीने। मारदे हना इन आफ का ला स्‍वर्गम बाक्‍ब।

मत्ती 23:9 ပူးပေါင်းရင်းမြစ်များ

२ राजा 13:14

एलीशा रोइ पवा बाक्‍त। मिनु नोले मेको रोइ रे बेक्‍माक्‍त। मिनु इस्राएल ङा पिप योआश मेको कली कोव़‍थ लमाक्‍त। मिनु मेको आ ङोंइती ङाक्‍शा “ए, आं आफ! ए, आं आफ! इस्राएल ङा बग्‍गी नु शारा ङोइक्‍बपुकी” देंमाक्‍त। २राजा २:१२

२ राजा 2:12

मिनु एलीशाम मेको तशा, वाइ ब्रेश्‍शा “ए आं आफ! ए आं आफ! इस्राएल ङा बग्‍गी नु शारा ङोइक्‍बपुकी” देंमाक्‍त। मिनु मेना रे एलीशाम एलीया कली लेंशा मतवा बाक्‍त। मिनु नोले मेकोमी आ वा जेर खाक्‍गा बाक्‍त। २राजा ६:२१; २राजा १३:१४

२ राजा 6:21

मिनु इस्राएल ङा पिपमी मेको आन कली तशा, एलीशा कली “आं आफ, मार गो एको आन कली सदुमी। एको आन कली सदुमी?” दे हिल्‍लो पवा बाक्‍त।

मलाकी 1:6

मिनु मुर नेल्‍ल आन परमप्रभु यावेमी आ नें आइक्‍च सेल्‍ब चढ़ेब आन कली “तौपुकीमी आन आफ कली मान पाइनीम। मिनु गेय पाइबपुकीमी आन होव़प कली यो मान पाइनीम। गो इन आफ नङ हना, मारदे आं कली मान मपाइनीनी? गो इन होव़प नङ हना, मारदे आं कली मान पा महिंनीनी?” देंत। मिनु गेपुकीमी “गो दोपा इन नें आइक्‍च सेल्‍का?” देंतीनी। प्रस्‍थान २०:१२

मत्ती 23:10

गे इन कली सुइमी होव़प मदेंमल। मारदे हना इन होव़प का ला ख्रीस्‍त बाक्‍ब।

मत्ती 6:32

मारदे हना अर्को रागी ङा मुरपुकीमी ला मोदेंशो मिम्‍नीम। इन स्‍वर्ग ङा आफोमी इन माल्‍शो नेल्‍ल तुइक्‍ब।

मत्ती 7:11

गेपुकी मरिम्‍शो बाक्‍तीनी हना यो, इन तमी तौ आन कली रिम्‍शो थोव़क गेस जोक्‍नीनी। इन पशो क्‍येङा स्‍वर्गमी बाक्‍ब इन आफोमी आ कली पुंइब आन कली रिम्‍शो थोव़क मगेब ङा?

प्रेरित 22:1

मिनु पावलमी हिब्रू लोव़ पा “आं आफ नु लोक्‍बपुकी, लोव़ का निक्‍शी नेनीने” देंमेनु, मेकोपुकी थम सिक्‍सी पा नोफा दाइश्‍शा बाक्‍मा बाक्‍त।

१ कोरिन्‍थी 4:15

ख्रीस्‍त आ पर्बम अर्ती गेब शेंब मुर शुश बाक्‍मा माइ। तन्‍न इन आफ खोदेंशो मुर शुश मबाक्‍नीम। मारदे हना गो इन कली येसु ख्रीस्‍त आ ग्‍येरपाइक्‍ब लोव़ शेंशा, इन आफ दुम्‍ती। १कोरिन्‍थी ९:२; गलाती ४:१९

२ कोरिन्‍थी 6:18

मिनु गो इन आफ दुम्‍नुङ। मिनु गेपुकी आं तमी तौ दुम्‍नीनी” दे नेल्‍ल सक्ति पाइश्‍शो परमप्रभु यावेमी देंत, दे ब्रेक्‍शो बाक्‍ब। यसैया ५२:११; इजीकीएल २०:४१; २सामुएल ७:१४; यसैया ४३:६; होसे २:१

हिब्रू 12:9

एको रागी ङा इं आफोमी इं कली तुप्‍तेक्‍म हना यो, मेको आन कली मान पा आन लोव़ टीतय। मिनु गेना हना यो आ नु काथा बाक्‍चा कली स्‍वर्ग ङा आफ आ देंशो टिचा ममाल्‍नया ङा?

१ यूहन्‍ना 3:1

इं आफोमी इं कली शुश दाक्‍शा “परमप्रभु यावे आ तमी तौ” दे नें वोइश्‍शो बाक्‍त। मिनु गोपुकी आ तमी तौ दुम्‍तय। मोपतीके रागी ङा मुरपुकीमी इं कली मतुइक्‍नीम। मारदे मतुइक्‍नीम देंशा हना, मेकोपुकीमी येसु ख्रीस्‍त कली यो मतुइक्‍नीम। यूहन्‍ना १:१२; यूहन्‍ना १६:३