मत्ती 23:3 - Sunuwar Bible

³ मेको आन शेंशो टिने, तन्‍न आन पशो खोदेंशो मपने। मारदे हना मेकोपुकीमी देंनीम, तन्‍न मपाइनीम। मलाकी २:७-८; रोमी २:२१-२३

मत्ती 23:3 ပူးပေါင်းရင်းမြစ်များ

२ इतिहास 30:12

परमप्रभु यावेमी यहूदा ङा मुर यो थुं का दुम्‍पदा बाक्‍त। मिनु मेकोपुकीमी पिप नु सरकार ङा ठेयब मुर आन कली देंशो, परमप्रभु यावे आ लोव़ खोदेंशो पा पामे बाक्‍त।

प्रस्‍थान 18:23

गे आं देंशो पाप्‍तीवी हना, परमप्रभुमी यो इ कली मोदेंशो पचा गेब। गे मेको गेय फाल्‍ने चाप्‍नेवे। मिनु इ मुर नेल्‍ल दुशा गारशा, आंम आन बाक्‍तीके लाइनीम” दे यित्रोमी मोसा कली अर्ती गेप्‍तु।

मत्ती 21:30

मिनु आफोमी कान्‍छा कली यो ‘आं तौ, मुलाक्‍ती अङगुर रूमी गेय पथ लावो’ देंमाक्‍त। मेकोमी ‘दुम्‍ब, गो लाइनुङ’ देंमाक्‍त। तन्‍न मल‍माक्‍त। मत्ती ७:२१

मत्ती 23:2

“सास्‍त्री नु फरिसीपुकी इं किकी पिपी मोसा आ पा ङा दुम्‍शो बाक्‍नीम।

मत्ती 23:4

हेल्‍शो भारी सेल्‍शा, मुर आन कली कुरपाइक्‍नीम। मेकोपुकीम चहिं ब्रेप्‍चो कामी यो नेप्‍शा मगेनीम। मत्ती ११:२८-३०; प्रेरित १५:१०,२८

प्रेरित 5:29

मिनु पत्रुस नु येसु आ सोइश्‍शो नेल्‍लेमी “गोपुकीमी मुर आन लोव़ क्‍येङा परमप्रभु यावे आ लोव़ टिचा, दे थुं फ्रेंताक्‍क। प्रेरित ४:१९; दानीएल ३:१७-१८

रोमी 13:1

गो नेल्‍लेमी सरकार आ हुकुम टिचा माल्‍नय। मारदे हना रागी ङा नेल्‍ल सासन पाइब आन कली परमप्रभु यावेमी योव़शा, अधिकार गेशा वोइश्‍शो बाक्‍नीम। तीतस ३:१; हितोपदेस ८:१५; यूहन्‍ना १९:११

ब्‍यवस्‍था 4:5

मिनु परमप्रभु यावे, आं परमप्रभुमी आं कली अरेशो खोदेंशो पा, गो इन कली आ फुल्‍लुम मुशा ब्रेक्‍शो लोव़ नु आ निसाफ पतीक लोव़ शेंतान्‍नी। मारदे शेंतान्‍नी देंशा हना, गे जाक्‍शा इन के सेल्‍चा चिक्‍शो रागीमी मेको नेल्‍ल पचा, दे शेंतान्‍नी।

ब्‍यवस्‍था 5:27

गे आ नेक्‍था लने। मिनु परमप्रभु यावे, इं परमप्रभु आ देंशो लोव़ नेंशा, आंइ कली नेल्‍ल शेंदीन। मिनु मेको नेंशा पाइनीकी” देंतीनी।

२ तिमोथी 3:5

मोदेंशो मुरुमी परमप्रभु यावे कली मिम्‍शा दाक्‍चा देंखु पाइनीम। तन्‍न आन आगामी सक्ति मबाक्‍तीके कोंइनीम। मेकोपुकी नु ङोन बाक्‍को। मत्ती ७:१५-२१; तीतस १:१६

तीतस 1:16

मिनु मेकोपुकीमी “गो परमप्रभु यावे कली तुइक्‍नुङ” देंखु पाइनीमी। तन्‍न आन पतीकेमी मतुइक्‍ब बाक्‍नीम, दे तुंइसीब। मोपा मेकोपुकी ग्रांग्रा दिचा ङा मुर बाक्‍नीम। मिनु मटीब दुम्‍शा, रिम्‍शो गेय यो पने मचाप्‍नीम। २तिमोथी ३:५