मत्ती 22:8 - Sunuwar Bible

⁸ मिनु आ गेय पाइब आन कली ‘आं तौ आ ग्‍युंबे भोज ठीक सेल्‍ता। ब्रेश्‍शोपुकी चहिं भोजम जाक्‍चा मशिरसीशो बाक्‍मा बाक्‍त।

मत्ती 22:8 ပူးပေါင်းရင်းမြစ်များ

मत्ती 22:7

मिनु पिपमी मोदेंशो दुम्‍शो तुइश्‍शा चुरशा, आ सिपाही आन कली ‘लने, मुर साइक्‍ब आन कली साइश्‍शा, आन सहर गाउं क्रोइश्‍शा गेने’ दे सोइक्‍तीमी बाक्‍त। मत्ती २४:२

मत्ती 22:9

मोपतीके मुल लां पित्‍थ लशा, सु सु आन कली थिन्‍नी, मेको आन कली चाक्‍कीने’ दे सोइक्‍तीमी बाक्‍त। मत्ती १३:४७

मत्ती 9:15

मिनु येसुमी “जन्‍तीपुकी ग्‍युम्‍ले नु काथा बाक्‍मानु, हिशेक पा ङाक्‍नीमी ङा? काबु ग्‍युम्‍ले नु फ्राचा पुंइसीनीम। मिनु मेना बर्त बाक्‍नीम। यूहन्‍ना ३:२९

लूका 20:35

तन्‍न बेक्‍शो रे सेंसीशा परमप्रभु यावे नु बाक्‍चा शिरशोपुकी ग्‍युंबे मपांइसीनीम, ग्‍युंबे पा यो मगेनीम।

लूका 21:36

मोपतीके आं देंशो मिम्‍शा बाक्‍कीन। परमप्रभु यावे कली ‘श्‍येत नेल्‍ल फाल्‍शा, थमा सुइक्‍तीक सक्ति गेकी। मिनु रागीम जरमेशो जाक्‍मेनु, सासीशा ग्रुम्‍चा तकल’ दे पुंइना पुंइन बाक्‍कीन” दे अर्ती गेमी बाक्‍त।

प्रेरित 13:46

मिनु पावल नु बारनाबासमी यो महिंथु ठेयब थुं पा “अरु आन क्‍येङा ङोंइती इन कली परमप्रभु यावे आ लोव़ नेंपाइक्‍चा माल्‍शो। गेपुकीमी चहिं मनेंनीनी, नोफा मदाइक्‍नीनी, थमा मसुइक्‍नीनी। इन मोदेंशो पशोमी गेना हना यो ब्रोंइशा बाक्‍चा मताइनीनी। जाम्‍शा लाइनीकी, दे तुइक्‍तीने। मुल ङा मेरे इन कली शेंचा प्रोंइशा, अर्को रागी ङा मुर आन कली शेंथ गाक्‍नस्‍कु। प्रेरित ३:२५-२६; मत्ती १०:५-६

२ थिस्‍सलोनिकी 1:5

गेपुकी परमप्रभु यावे आ राज्‍यम शिरशो मुर दुम्‍तीनी। मिनु मेको राज्‍य आ पर्बम श्‍येत जाइनीनी। परमप्रभु यावेमी इन कली श्‍येत जचा गेप्‍तु हना यो, ठीक निसाफ पाइब बाक्‍ब। फिलिप्‍पी १:२८

प्रकाश 22:14

ग्‍येरसीशो मुर सु सु बाक्‍नीम देंशा हना, सु सुमी आन वा मुरमे, मेको आन कली ब्रोंइचा गेब रवा आ फल ब्‍वचा गेनुङ। मिनु मेको मुरपुकी मेको सहर ङा लाप्‍चो रे ओव़चा ताइनीम। प्रकाश ७:१४

प्रकाश 3:4

मिनु सारडीस सहर ङा थमा सुइक्‍ब आन ग्रुम्‍तीकेमी का निक्‍शी रिम्‍शो पा थमा सुइक्‍ब यो बाक्‍नीम। मेकोपुकीमी पाप मपाम, मोपा आन वा मलुम्‍सीशो बाक्‍ब। मारदे हना मेको आन नाक्‍त किंत ङा गेय परमप्रभु यावे कली गारब। मोपतीके मेकोपुकी गो नु बुश वा फेक्‍शा, हिरचा शिरनीम। यहूदा :२३