मत्ती 22:24 - Sunuwar Bible

²⁴ “हे शेंब, मोसामी ब्रेक्‍शो लोव़मी ‘मुर कामी आल मथिथु बेक्‍त हना, आ लोक्‍बमी आ भोग्‍यु वोंइसीशा, आ दाग्‍यु आ पा ङा सन्‍तान मजाम्‍मल, तमी तौ थिवल’ दे ब्रेक्‍शो बाक्‍ब। ब्‍‍यवस्‍था २५:५-६

मत्ती 22:24 ပူးပေါင်းရင်းမြစ်များ

उत्पत्ती 38:11

मिनु यहूदामी आ चाइमी तामार कली “इ आफ आ खिंम बाक्‍शा, शेलाह मकोल्‍म सम्‍म रिम्‍दो” दे लेम्‍दा बाक्‍त। मारदे हना यहूदामी “मेको नु बाक्‍शा, आ लोक्‍ब निक्‍शी खोदेंशो पा, अर्को यो बेक्‍बा कों” दे मिम्‍ता बाक्‍त। मिनु तामार आ आफ आ खिं लमाक्‍त।

उत्पत्ती 38:8

मिनु यहूदामी ओनान कली “रिउम पतीक गेय पा इ लोक्‍ब आ मीश नु बाक्‍को। इ लोक्‍ब कली आल सेलो” दे मदा बाक्‍त। ब्‍यवस्‍था २५:५-१०

मत्ती 22:16

मिनु आन शेंसीब नु हेरोद आ वारच आन कली येसु आ बाक्‍तीके ओं माइक्‍थ सोइक्‍तीमी बाक्‍त “हे शेंब, गे थमा पाइब ननी। मुर आन कुल मकोव़थु सुइ नु महिंथु, परमप्रभु यावे आ लोव़ थमा पा शेंनीनी, दे तुइक्‍नीक। यूहन्‍ना ३:२

मत्ती 22:25

खिं कामी ७ जना लोक्‍ब बाक्‍तेक्‍म। मिनु ङोंइती जरमेशोमी ग्‍युंबे पाप्‍तु।

मत्ती 22:36

“हे शेंब, परमप्रभु यावे आ अरेशो लोव़ ङा तेको नेल्‍ल क्‍येङा तुइक्‍चा माल्‍शो बाक्‍बा?” दे आ थुं थाम्‍चा कली हिल्‍लो पाप्‍तु।

मत्ती 7:21

आं कली प्रभु, प्रभु देंशा ला स्‍वर्ग ङा राज्‍य ओव़चा मताइनीम। स्‍वर्गमी बाक्‍ब आं आफ आ दाक्‍शो पाइबपुकी ला ओव़चा ताइनीम। रोमी २:१३; याकूब १:२२

मर्कूस 12:19

“ए शेंब, मोसामी ब्रेक्‍शो लोव़मी ‘सुइ आ लोक्‍ब आल मथिथु बेक्‍त हना, मेकोमी आ भोग्‍यु वोंइसीशा, आ लोक्‍ब आ खिं ङा मुर मजाम्‍मल, दे तमी तौ थिवल’ दे ब्रेक्‍शो बाक्‍त। ब्‍‍यवस्‍था २५:५-६

लूका 20:28

मेको जाक्‍बपुकीमी येसु कली “शेंब, मोसामी ब्रेक्‍शो लोव़मी ‘मुर का आल मथिथु बेक्‍त हना, आ लोक्‍बमी आ भोग्‍यु वोंइसीशा, आ दाग्‍यु आ पा ङा खिं ङा मुर मजाम्‍मल, दे तमी तौ थिल’ दे ब्रेक्‍शो बाक्‍ब। ब्‍‍यवस्‍था २५:५-६

लूका 20:33

मुर बेक्‍शो रे सेंसीशा ब्रोंइमानु, मेको ७ जना वोंइश आन मीश दुम्‍शो मीश मुर तेको आ मीश दुम्‍बा?” दे हिल्‍लो पामे बाक्‍त।

लूका 6:46

मारदे आं कली प्रभु, प्रभु, देंनीनी। तन्‍न आं देंशो मटीनीनी? मलाकी १:६; मत्ती ७:२१

रूथ 1:11

मिनु नाओमीमी “आं चाइमी निक्‍शी लेतीसे। मारदे गो नु लचा दाक्‍नीसी? मार, गो इस वोंइश दुम्‍पाइक्‍चा कली तौ थीने चाप्‍नुङा ङा?

रूथ 3:13

मुलाक्‍दो एके बाक्‍को। दीसा सुनी मेको मुरुमी इ नेक्‍था ङा मुर आ पचा माल्‍शो गेय पाइब, मपाप्‍तु हना, परमप्रभु यावे ब्रोंइ‍शा बाक्‍शो खोदेंशो पा, गो एको गेय पाइनुङ। नां मसोव़म सम्‍म इपो” देंमाक्‍त।

रूथ 4:5

मिनु बोआजमी “नाओमी रे मेको रू ग्यबी नाक्‍ती, गे बेक्‍शो मुर आ मीश मोआबी रूथ यो ताइनेवे। मेको बेक्‍शो मुर आ नें आ थेरशो रू नु लील, दे मो दुम्‍चा माल्‍ब” देंमाक्‍त। ब्‍यवस्‍था २५:५-६