मत्ती 22:13 - Sunuwar Bible

¹³ मिनु पिपमी आ गेय पाइब आन कली ‘एको आ गुइ खोइल फ्रेंशा ग्रुंइशा, छिङछिङमी ताइक्‍तीने। मेकेर मुरपुकी आन ख्रुइ शेप्‍शा ङाक्‍नीम’

मत्ती 22:13 ပူးပေါင်းရင်းမြစ်များ

भजन संग्रह 112:10

मिनु परमप्रभु आ अरेशो मटीबपुकीमी मेको नेल्‍ल तशा आन थुं खुरसीनीम। मेको आन ख्रुइ शेप्‍शा, थाम्‍पा गाइक्‍नीम। मेको आन मिम्‍शो गेनायो मजाक्‍दीप्‍ब।

भजन संग्रह 37:12

मिनु परमप्रभु आ अरेशो मटीबपुकीमी ठीक पाइब मुर आन पर्बम “दोपा श्‍येत गेचा नमी” दे मिम्‍शा, आन ख्रुइ शेप्‍शो बाक्‍नीम।

यसैया 52:1

मिनु परमप्रभुमी “बोक्‍को। सियोन बोक्‍को। सक्ति पाइश्‍शो दुमो। इ दारशो वा फेक्‍सो। यरूसलेम, गे परमप्रभु यावे आ सहर बाक्‍नेवे। मुल रे ख्रोइक्‍तीक चिनु मख्रोइश्‍शो नु ग्रांग्रा दिचा ङा मुर मेकेर ओव़ने मचाप्‍नीम।

दानीएल 3:20

मिनु मेकोमी आ लडाइ पाइब आन नेल्‍ल क्‍येङा बोल्‍यो मुर आन कली “शद्रक, मेशक नु अबेद-नेगो आन कली फ्रेंशा, मेको ठेयब मी ब्रतीकेमी हुम्‍चा” दे हुकुम पाप्‍तु।

मत्ती 12:29

नेनीने, बोल्‍यो मुर आ खिं खुइ पाइबमी ङोंइती मेको खिं ङा मुर कली ग्‍याइश्‍शा फ्रेंशा मवोइक्‍तु हना, आ खिं ङा मारेइ मारेइ दोपा लाइक्‍ने चाप्‍बा ङा? पाइश्‍शा नोले ला मेको आ खिं ङा मारेइ मारेइ लाइक्‍ने चाप्‍ब। मत्ती ४:१-११; यसैया ४९:२४

मत्ती 13:30

मोपतीके रिक्‍ची मजाक्‍म सम्‍म बाक्‍ल। रुप्‍ची जाक्‍मेनु, आं गेय पाइब आन कली ङोंइती सुवा रिक्‍शा फ्रेंशा चोचा कली तिल्‍शा वोतीने। मिनु चेरब रिक्‍शा तुप्‍शा आं भकारीम कुर पा वोतीने, दे माइक्‍नुङमी’ देंमाक्‍त” दे शेंताक्‍मी। मत्ती ३:१२; मत्ती १५:३; प्रकाश १४:१५

मत्ती 13:42

ठेयब मीम हुम्‍नीम। मेकेर मुरपुकी आन ख्रुइ शेप्‍शा ङाक्‍नीम।

मत्ती 13:50

ठेयब मीम हुम्‍नीम। मेकेर मुरपुकी आन ख्रुइ शेप्‍शा ङाक्‍नीम।

मत्ती 24:51

मिनु मेको कली तुप्‍शा, फस सेल्‍शा कपटीपुकी नु काथा वोइक्‍ब। मेकेर मुरपुकी आन ख्रुइ शेप्‍शा ङाक्‍नीम।

मत्ती 25:30

एको काम मलाप्‍शो अल्‍से कली ग्रुंइशा, लाङगा ङा छिङछिङमी ताइक्‍तीने। मेकेर मुरपुकी आन ख्रुइ शेप्‍शा ङाक्‍नीम।

मत्ती 8:12

एको राज्‍य ङा मुरपुकी चहिं तिल्‍शा, छिङछिङमी सोइक्‍चा पुंइसीनीम। मेकेर मुरपुकी आन ख्रुइ शेप्‍शा ङाक्‍नीम” देंमाक्‍त।

लूका 13:28

मोदेंशो पा खेरचा पुंइसीशा, ङाक्‍शा इन ख्रुइ शेप्‍नीनी। मारदे हना इं किकी पिपी अब्राहाम, इसहाक, याकूब नु परमप्रभु यावे आ लोव़ पाइब नेल्‍ल आन कली परमप्रभु यावे आ राज्‍यम ओव़शा, बाक्‍शो ताइनीनी। गे चहिं खेरचा पुंइसीनीनी। मत्ती ८:११-१२

यूहन्‍ना 21:18

नोफा दाइश्‍शा नेनो, गे ठिटा बाक्‍ङेनु, किप्‍शुर किम्‍सीशा, इ दाक्‍शो लां खोइक्‍तीवी। खाल्‍पा दुमेनु, इ गुइ हाम्‍नेवे। मिनु अर्कोमी इ कली किप्‍शुर किप्‍शा, इ मदाक्‍शो लां लाइक्‍ब” दे माइक्‍तु।

प्रेरित 21:11

मिनु गोपुकी नु बाक्‍शा, पावल आ किप्‍शुरम आंम गुइ खोइल फ्रेंसीशा, “परमप्रभु यावे आ सोक्‍तीमी ‘एको किप्‍शुर किप्‍ब मुर कली यरूसलेमम जाक्‍दीश्‍शा बाक्‍मेनु, यहूदीपुकीमी एको ओं पा फ्रेंनीमी। मिनु अर्को रागी ङा मुर आन गुइमी जिम्‍मा गेनीमी’ ” दे नोले दुम्‍ब लोव़ पाप्‍तु। प्रेरित २०:२३

प्रेरित 7:54

स्‍तीफानसमी मोदें हुइक्‍तीमीनु, नेल्‍ल गाइश्‍शा, लल गोंगों जिशा, ख्रुइ शेप्‍शा प्रेक्‍मा बाक्‍त।

२ थिस्‍सलोनिकी 1:9

मेको मुरपुकी गेना हना यो साम्‍सीशो दुम्‍शा, प्रभु आ कुल मताइनीम। आ सक्ति ङा छेङछेङ यो मताइनीम।

२ पत्रुस 2:17

मेको दूली शेंबपुकी ब्‍वाक्‍कु मयीब धारा नु फशेम बेरपाइश्‍शो गोस्‍स खोदेंशो बाक्‍नीम। मेको नेल्‍ल क्‍येङा छिङछिङ ङा बाक्‍तीकेमी वोइक्‍चा पुंइसीनीम।

२ पत्रुस 2:4

का निक्‍शी परमप्रभु यावे आ स्‍वर्ग ङा गेय पाइबपुकी यो पाप पतीके शिशी मतामे। परमप्रभु यावेमी मेको आन कली नरकमी ताइश्‍शा, नेल्‍ल क्‍येङा मरिम्‍शो बाक्‍तीकेमी सोइक्‍ताक्‍मी। मिनु निसाफ पची नाक्‍त सम्‍म छिङछिङमी चोक्‍शा वोइक्‍तीमी।

यहूदा 1:13

मेको समुन्‍द्र ङा ठेयब हिंचा ङा छाल खोदेंशो बाक्‍नीम। आंम मुने ङा बोग्‍यो ग्रुंइनीम। दोक्‍शो सोरुल खोदेंशो बाक्‍नीम। मेको आन कली नेल्‍ल क्‍येङा मरिम्‍शो छिङछिङ ङा बाक्‍तीके वोइश्‍शो बाक्‍ब। यसैया ५७:२०

यहूदा 1:6

परमप्रभु यावे आ स्‍वर्ग ङा गेय पाइब का निक्‍शीमी परमप्रभु यावे कली मटिथु आन बाक्‍तीके प्रोंइतेक्‍म। परमप्रभु यावेमी मेको आन कली ठेयब निसाफ पची नाक्‍त सम्‍म गेना हना यो मप्रोंइचा ङा पा साङलोमी पाइश्‍शा, नेल्‍ल क्‍येङा मरिम्‍शो बाक्‍तीक छिङछिङमी वोइश्‍शो बाक्‍ब। उत्‍पत्ती ६:२-४

प्रकाश 21:27

मिनु जाम्‍शा लाइबपुकी, ग्रांग्रा दिचा ङा गेय पाइबपुकी नु जोल पाइबपुकी चहिं मेको सहरमी ओव़चा मताइनीम। पाठा आ ब्रोंइतीक किताबमी नें ब्रेक्‍शोपुकी ला ओव़चा ताइनीम।