मत्ती 20:7 - Sunuwar Bible

⁷ मिनु मेकोपुकीमी ‘सुइमी गेय मगेमे। मिनु गो मार पाइनीकी?’ देंमानु ‘गे यो लशा, आं अङगुर रूमी गेय पने’ दे माइक्‍मी बाक्‍त।

मत्ती 20:7 ပူးပေါင်းရင်းမြစ်များ

उपदेसक 9:10

इ ङोंइती मार गेय बाक्‍मे, मेको इ सक्ति नेल्‍लेमी पावो। मारदे हना बेक्‍शो मुर आन बाक्‍तीकेम मारेइ मिम्‍तीके, जोक्‍तीके नु तुइक्‍तीके मबाक्‍ब।

मत्ती 20:1

स्‍वर्ग ङा राज्‍य ओदेंशो बाक्‍ब, खिं का ङा होव़प सुनी कना बोक्‍शा, आ अङगुर रूमी गेय पाइब आन कली ब्रेत्‍थ लमाक्‍त।

मत्ती 20:6

मिनु क्‍यारश चोक्‍ची सम्‍म यो गेय मथिप्‍ब आन कली तशा ‘गे सुनी रे मार गुइ फ्रेंशा बाक्‍नी’ दे हिल्‍लो पवा बाक्‍त।

मत्ती 20:8

मिनु नां रिक्‍शा गेय प्रोन्‍मे नोले, होव़पमी आ क्‍येट योक्‍ब मुर कली ‘गेय पाइब आन कली ब्रेश्‍शा, आन गाल्‍च योक्‍शा गेमी। नेल्‍ल क्‍येङा नोले जाक्‍शो आन कली ङोंइती योक्‍शा गेमी’ देंमाक्‍त।

यूहन्‍ना 9:4

मिनु गोपुकीमी आं कली सोइक्‍ब आ गेय नाक्‍ती पचा माल्‍नय। नां रिक्‍मेनु, सुइमी गेय पने मचाप्‍नीम। यूहन्‍ना ५:१७; येरमीया १३:१६

प्रेरित 4:16

मिनु लोव़सी पा “खोइल मदुक्‍ब कली सापाइश्‍शा मेको निक्‍शीमी ठेयब छक लाक्‍चा ङा गेय कोंइताक्‍स। इं यरूसलेममी बाक्‍बपुकीमी थमा लोव़ बाक्‍माक्‍त, दे नेल्‍लेमी तुइक्‍नीमी। मिनु गोपुकीमी थमा ममाइ देंने मचाप्‍नय। यूहन्‍ना ११:४७

रोमी 16:25

परमप्रभु यावेमी इन कली आ ग्‍येरपाइक्‍तीक लोव़ नु येसु ख्रीस्‍त आ पर्बम शेंतीक नेंशा, बोल्‍यो पा थमा सुइक्‍ब सेल्‍ने चाप्‍ब, दे तुइक्‍ताक्‍ङ। मोपा साइ ङा ख्रुइश्‍शो लोव़ नेल्‍ल तुइक्‍पाइश्‍शो बाक्‍ब। १कोरिन्‍थी २:७; एफिसी १:९; एफिसी ३:४-९

एफिसी 6:8

मिनु मुरुमी दोपा रिम्‍शो पाइबा, मेको खोदेंशो पा प्रभु रे ताइब, दे तुइक्‍चा माल्‍नीनी। प्रभुमी वाइलीम वाइल नु ठेयब मुर आन कली खाल का ङा पा कोव़ब। २कोरिन्‍थी ५:१०

कलस्‍सी 1:26

साइ ङोंइती रे परमप्रभु यावे आ मिम्‍शो ख्रुइश्‍शो बाक्‍त। मुल चहिं मेको आ मुर आन कली कोंइशो बाक्‍त। रोमी १६:२५; एफिसी ३:३-६

हिब्रू 6:10

मारदे हना परमप्रभु यावे आ नेंमी अरु थमा सुइक्‍ब आन कली वारच पा रिम्‍शो पाइतीनी। मुल यो रिम्‍शो पाइनीनी। मिनु मेकोमी इन रिम्‍शो पशो गेनायो मप्रेंब। हिब्रू १०:३२-३४