मत्ती 20:34 - Sunuwar Bible

³⁴ मिनु येसुमी मेको आस कली शिशी पा आस मिक्‍च थिवानु, मिक्‍च ताइब दुम्‍शा, येसु आ नोले खोइक्‍ताक्‍स।

मत्ती 20:34 ပူးပေါင်းရင်းမြစ်များ

भजन संग्रह 119:67

गो श्‍येत जचा क्‍येङा ङोंइती हेंथे लां खोइश्‍शो नङ। तन्‍न मुल इन लोव़ टीनुङ।

भजन संग्रह 119:71

गे आं कली श्‍येत जपाइक्‍तीनी, मेको रिम्‍शो बाक्‍त। मोपा इन फुल्‍लुम मुशा ब्रेक्‍शो लोव़ शेंसाक्‍यी।

भजन संग्रह 145:8

परमप्रभु यावे दाक्‍ब नु शिशी पाइब बाक्‍ब। मेको रीब पा मगाइक्‍ब। मिनु मेको आ गेना हना यो दाक्‍तीके ठेयब बाक्‍ब। प्रस्‍थान ३४:६

मत्ती 14:14

मिनु येसु डोंगा रे तोइश्‍शा, शुश मुर देल्‍शो तशा, मेको आन कली शिशी पा रोइ पाइब आन कली सापाइक्‍तीमी।

मत्ती 15:32

मिनु येसुमी आ शेंसीब आन कली ब्रेश्‍शा “एको शुश मुर आन कली शिशी पाइनुङमी। मारदे हना नाक्‍त सां सम्‍म गो नु काथा बाक्‍तेक्‍मे। मिनु आन के जचा मारेइ मबा। जचा मगेथु, आन खिं सोइक्‍चा मदाक्‍नुङ। सोइक्‍ताक्‍ङमी हना, लांमी बेक्‍नीम” दे माइक्‍तीमी। मत्ती १४:१३-२१

मत्ती 20:33

“प्रभु, आंस कली मिक्‍च ताइब सेलीने” दे पुंइताक्‍स।

मत्ती 21:1

मिनु यरूसलेम आ नेक्‍था जैतून डांडा ङा बेथफागे माइश्‍शो गाउं जाक्‍दीत्‍तेक्‍म।

मत्ती 8:15

मिनु आ गुइ थिवानु, जरोम थु प्रोना बाक्‍त। मिनु छुल बोक्‍शा, येसु कली जचा तूचा गेवा बाक्‍त।

मत्ती 9:29

मिनु येसुमी आस मिक्‍च थिशा “इस थमा सुइश्‍शो बुदी दुम्‍ल” देंत। मत्ती ८:१३

मत्ती 9:36

शुश मुर आन कली तशा, शिशी पाइक्‍तीमी। मारदे हना गोठला मबाक्‍शो भेडापुकी खोदेंशो पा दशो बाक्‍मा बाक्‍त। १राजा २२:१७; इजीकीएल ३४:५; मर्कूस ६:३४

मर्कूस 7:33

मिनु येसुमी मेको नोफा मनेंब कली हुल रे फ्राशा लदा बाक्‍त। मिनु आ ब्रेप्‍चो मुर आ नोफामी ओंइशा, थुथु पा तोक्‍शा, नाक्‍चुकमी आ लें थिशा,

लूका 18:43

मो मदानु, आ मिक्‍च ब्रा साशा, मिक्‍च ताइब दुम्‍शा, येसु आ नोले खोइश्‍शा, परमप्रभु यावे कली मान पवा बाक्‍त। मेको कली मिक्‍च ताइब दुम्‍शो तशा, मुर नेल्‍लेमी यो परमप्रभु यावे कली ठेयब सेल्‍मे बाक्‍त।

लूका 22:51

येसुमी मेको ख्रोइश्‍शो तशा “दुम्‍त मपने” दे नोफा सेस सेला बाक्‍त।

लूका 7:13

मिनु येसुमी मेको कली तशा, शिशी पा “मङाक्‍को” देंमाक्‍त।

प्रेरित 26:18

मारदे हना मेकोपुकी मिक्‍च ताइब दुम्‍मल। छिङछिङमी बाक्‍शोपुकी छेङछेङमी बाक्‍चा तामेक्‍ल। सैतान आ अधिकारमी बाक्‍शोपुकी परमप्रभु यावे आ अधिकारमी बाक्‍ब दुम्‍मल। मेको आन पाप क्‍याम्‍चा पुंइसीशा, आं कली थमा सुइश्‍शोमी आं मुरपुकी नु काथा दुम्‍शा, आं मुर दुम्‍मल’ देंशो नेंता। प्रेरित २०:३२

हिब्रू 2:17

मोपतीके मेको आ लोक्‍ब खोदेंशो दुम्‍चा माल्‍ताक्‍व। मोपा परमप्रभु यावे आ गेय पा मुर आन पाप क्‍याम्‍चा कली शिशी पाइब नु गेनायो आ दाक्‍चा मप्रोंइब ठेयब चढ़ेब दुम्‍त। फिलिप्‍पी २:७

१ पत्रुस 3:8

मिनु नोले गे नेल्‍ल थुं का ङा दुम्‍शा, मुर आन कली दाक्‍शा, इन लोक्‍ब नु दाक्‍मुने। ब्रेम्‍शो थुं पाइश्‍शो मुर दुमीन।