मत्ती 2:2 - Sunuwar Bible

² मिनु यरूसलेममी जाक्‍शा “यहूदी आन पिप ते जरमेसे? मारदे हना गोपुकीमी पूर्ब ङा रागीम आ सोरुल ताइतक। मिनु गो मेको कली ठेयब सेल्‍थ जाक्‍तक। ते बाक्‍मा?” देंमा बाक्‍त। गन्‍ती २४:१७

मत्ती 2:2 ပူးပေါင်းရင်းမြစ်များ

भजन संग्रह 2:6

मिनु मेकोमी “गो आं सियोन डांडामी आं तेल लुक्‍शा सोइश्‍शो पिप कली वोइक्‍ता” देंत। जकरिया ८:३

भजन संग्रह 45:11

पिपमी इ दारस तशा, इ कली दाक्‍शो बाक्‍ब। मेको कली जिम्‍मा गेंसीशा मान पावो। मारदे हना मेको इ प्रभु बाक्‍ब।

यसैया 60:3

रागी रागी ङा मुरपुकी इ छेङछेङम जाक्‍नीम। पिपपुकी इ सुनी ङा छेङछेङम जाक्‍नीम। यसैया २:२-३; प्रकाश २१:२४

येरमीया 23:5

परमप्रभु यावेम “गो दाऊद आ मुर रे ठीक पाइब राशी का वा‍पाइक्‍नुङ। मेको नाक्‍त थमा पा जाक्‍ना जाक्‍न बाक्‍ब। पिप कामी आ जोक्‍तीक तुइक्‍तीकेम सासन पाइब। मिनु मेकोमी आ रागीमी ठीक निसाफ नु ठीक गेय पाइब। जकरिया ३:८; यसैया ३२:१

येरमीया 30:9

तन्‍न मेकोपुकीम परमप्रभु यावे, आन परमप्रभु, आं कली नु आं सेल्‍शो पिप दाऊद आ गेय पाइनीम।

जकरिया 9:9

सियोन आ तमी, साप्‍पा ग्‍येरसो। यरूसलेम आ तमी ग्‍येरशा ठेयब सेंदा पा ग्रीङो। मारदे हना इ पिप इ बाक्‍तीकेमी जाक्‍ना जाक्‍न बाक्‍ब। मेको ग्राशा ग्‍येरसीशा जाक्‍ब। मेको ब्रेम्‍शो बाक्‍ब। मेको गधा तार ङोइश्‍शा जाक्‍ब। गधा आ चाइक्‍ब तार ङोइश्‍शा जाक्‍ब। सेफन्‍याह ३:१४; मत्ती २१:५

गन्‍ती 24:17

गो मेको कली ताइनुङ, तन्‍न मुल ममाइ। गो मेको कली कोव़नुङ। तन्‍न आ नेक्‍था रे ममाइ। याकूब रे पा सोरुल का दाप्‍ब। मिनु इस्राएली रे पा पिप का ग्रूब। मिनु मेकोमी मोआब रागी आ सांद रे पा खतम सेल्‍ब। मिनु शेथ आ थर ङा मुर आन कली खतम पोक्‍ब। मत्ती २:२; लूका १:७८; उत्‍पत्ती ४९:१०; २सामुएल ८:२

मत्ती 2:3

मिनु पिप हेरोद नु यरूसलेममी बाक्‍बपुकीमी मेको आन लोव़ नेंशा, आन थुं ग्‍येत्‍थ लुक्‍च दुम्‍मा बाक्‍त।

मत्ती 21:5

“सियोन ङा तमी कली ओदें तुइक्‍पतीन। कोव़ङीन, इन पिप ब्रेम्‍शो दुम्‍शा, गधा गधैनी आ चाइक्‍ब ङोइश्‍शा, इन बाक्‍तीके गे पिन पिन बाक्‍ब” दे ब्रेक्‍शो बाक्‍ब। जकरिया ९:९

मत्ती 27:11

येसु सरकार ङा ठेयब मुर आ ङोंइती राम्‍मेनु, मेकोमी “यहूदी आन पिप नवे?” दे हिल्‍लो पवानु “गे आंमा देंतीनी” देंमाक्‍त।

लूका 19:38

“परमप्रभु यावे आ नेंमी जाक्‍ब पिप ठेयब बाक्‍ब। सरीङम यो ग्‍येरसमल। इर ङा नेल्‍ल रिम्‍शो दुम्‍ल” दे रेयके पामे बाक्‍त। भजन संग्रह ११८:२६; लूका २:१४

लूका 2:11

एको ग्‍येरपाइक्‍ब लोव़ दोदेंशो बाक्‍ब देंशा हना, मुलाक्‍दो पिप दाऊद आ सहरम आल का जरमेसाक्‍व। मेको नक जरमेशो आल पाप रे प्रोंइब, प्रभु येसु ख्रीस्‍त बाक्‍ब।

लूका 23:3

मिनु पिलातसमी येसु कली “यहूदी आन पिप नवे?” दे हिल्‍लो पवानु “गे आंमा देंतीनी” दे लोव़ लेत्‍ता बाक्‍त।

लूका 23:38

येसु कली क्‍याइश्‍शो शीमी “यहूदी आन पिप बाक्‍ब” दे ब्रेक्‍शा वोदमे बाक्‍त।

यूहन्‍ना 1:49

मिनु नथानेलमी “शेंब, गे परमप्रभु यावे आ तौ ननी। गे इस्राएल ङा मुर आन पिप ननी” देंत। यूहन्‍ना ६:६९; भजन संग्रह २:७; येरमीया २३:५; मत्ती १४:३३; मत्ती १६:१६

यूहन्‍ना 12:13

मिनु खजूर रवा आ सफा शेशा, येसु कली ग्रुम्‍थ जाक्‍तेक्‍म। मेकोपुकीमी “होसन्‍ना, परमप्रभु आ नेंमी जाक्‍ब इस्राएली आन पिप आसीक रशो बाक्‍ब” दे ग्‍येरशा, ग्रीना ग्रीन येसु कली ग्रुम्‍थ जाक्‍तेक्‍म। होसन्‍ना आ देंशो “परमप्रभु वारच पने” बाक्‍ब। भजन संग्रह ११८:२५-२६

यूहन्‍ना 18:37

पिलातसमी “मिनु गे पिपन ननी?” दे हिल्‍लो पाप्‍तु। मिनु येसुमी “गो पिप नङ, दे गे आंमा देंतीनी। मिनु थमा मार बाक्‍बा, दे कोंइचा कली रागीम जरमेशा जाक्‍ती। सु थमामी बाक्‍बा, मेकोमी आं सेंदा नेंब” देंत। १तिमोथी ६:१३

यूहन्‍ना 19:19

मिनु पिलातसमी “नासरथ ङा येसु, यहूदी आन पिप” दे ब्रेक्‍स ब्रेक्‍शा, येसु आ शीमी केप्‍शा वोइक्‍तु।

यूहन्‍ना 20:28

थोमासमी “आं प्रभु, आं परमप्रभु यावे” देंत। यूहन्‍ना १:१

यूहन्‍ना 5:23

मो दुम्‍मेनु, आं आफ कली मान पाइबपुकीमी आ तौ कली यो आफ कली खोदेंशो पा मान पाइनीम। सुमी तौ कली मान मपाइबा, मेकोमी तौ कली सोइक्‍ब आं आफ कली यो मान मपाइब। फि‍लिप्‍पी २:१०-११; १यूहन्‍ना २:२३

यूहन्‍ना 9:38

“प्रभु, गो थमा सुइक्‍नुङ” देंशा, पोक्‍च थेक्‍शा, येसु कली ठेयब सेल्‍तु।

हिब्रू 1:6

आ ङोंइती जरमेशो तौ कली रागीम सोइक्‍तानु “आं स्‍वर्ग ङा गेय पाइब नेल्‍लेमी मेको कली मान पा ठेयब सेल्‍मेक्‍ल” देंत। भजन संग्रह ९७:७; रोमी ८:२९

प्रकाश 22:16

मिनु येसुमी “गो येसु नङ। गो दाऊद पिपी क्‍येङा ङोंइती बाक्‍ती। मिनु आ चच युइ यो नङ। गो टल्‍केशो सुक्‍कुर सोरुल यो नङ। गो परमप्रभु यावे आ स्‍वर्ग ङा गेय पाइब कली थमा सुइक्‍ब आन ग्रुम्‍तीकेमी शेंथ सोइक्‍ताक्‍ङ” देंत। यसैया ११:१०; लूका १:७८