मत्ती 2:13 - Sunuwar Bible13 मेकोपुकी लमा नोले काबु योसेफमी ङोमुमी परमप्रभु यावे आ स्वर्ग ङा गेय पाइब का फो ग्रूशो तवा बाक्त। मेकोमी “मोबु आस कली लाइश्शा, एकेर रे प्रोक्शा, इजीप्त रागी जाक्दीश्शा, लेत्तीन मदेंङ सम्म बाक्कीन। मारदे हना पिप हेरोदमी आल कली साइक्चा, दे माल्चा चिक्ताक्व” दे मदा बाक्त। အခန်းကိုကြည့်ပါ။ |
मत्ती 2:13
29 ပူးပေါင်းရင်းမြစ်များ
पिप हेरोदमी मार पवा बाक्त देंशा हना “मेको सोरुल कोव़शा जोक्ब तुइक्बपुकीमी जोल पाइयीमी बाक्त” दे तुइश्शा चुरमाक्त। मिनु आन देंशो लोव़मी “पिप मेना जरमेसीब” दे मिम्शा, मेको पिप दुम्ब आल कली थिन्ने मचाप्तीके बेथलेहेम सहर एर ओंथ गाउं ङा बर्स निक्शी मलाक्शो वोंइश आल नेल्ल आन कली माल्ना माल्न साइक्पाइक्मी बाक्त।
मिनु मेकोपुकीमी “कोरनेलीयस आ सोइश्शो नकी। कोरनेलीयस कप्तान बाक्ब। परमप्रभु कली मान पा हिंब, रिम्शो मुर बाक्ब। यहूदीपुकीमी यो रिम्शो मुर बाक्ब, दे मिम्नीम। परमप्रभु आ स्वर्ग ङा गेय पाइब कामी कोरनेलीयस कली ‘योप्पा सहरमी सिमोन पत्रुस माइश्शो कली माल्शा चाक्शा आ लोव़ नेंचा’ देंतीके इन कली ब्रथ जाक्तक” देंमा बाक्त।
मिनु मार दुम्माक्त देंशा हना, परमप्रभु यावे आ स्वर्ग ङा गेय पाइब का फो ग्रूशा, पत्रुस आ ङोंइती राम्माक्त। मिनु कोठा छेङछेङ तांइसे बाक्त। मिनु परमप्रभु यावे आ स्वर्ग ङा गेय पाइबमी पत्रुस कली “छुल बोक्को” दे चुशा पोक्गा बाक्त। मिनु बोक्मेनु, आ गुइमी पाइश्शो साङलो बुइश्शा खपीमी देल्माक्त। प्रेरित ५:१९
ကြော်ငြာတွေ