मत्ती 19:7 - Sunuwar Bible

⁷ मिनु फरिसीपुकीमी “मो हना मारदे मोसामी ‘छोड पत्र गेशा, मीश प्रोंइने चाम्‍सीब’ दे मुर आन कली शेंदा?” देंमानु, मत्ती ५:३१

मत्ती 19:7 ပူးပေါင်းရင်းမြစ်များ

यसैया 50:1

मिनु परमप्रभु यावेमी “गोम इन ममा कली प्रोंइशा गेशो छोड पत्र ते बाक्‍म? गो तेको आं कली जेर गेब कली इन कली ले‍यन्‍नी? ममाइ, गे इन पापम पतीके लेयसीशो ननी। इन हेंथे पतीकेमी इन ममा प्रोंइचा पुंइसीशो बाक्‍ब। यसैया ५४:६; ब्‍यवस्‍था २४:१; यसैया ५२:३

येरमीया 3:8

मेको थमा सुइक्‍ने मचाप्‍ब इस्राएल कली आ शुश तेल्‍लेम पतीके, गो छोड पत्र गेशा, सोइक्‍ताक्‍ङ, दे तुइश्‍शो बाक्‍त। मो हना यो आ लोक्‍ब देंखु पशो यहूदामी मेको तशा महिंथु। मेकोमी यो तेल्‍लेम पाप्‍तु।

मलाकी 2:16

मारदे हना परमप्रभु यावे, इस्राएली आन परमप्रभुमी गो मीश, वोंइश कली प्रोंइब मुर काइ मदाक्‍नुङ। आन जिशो मदाक्‍नुङ। मोपतीके इन थुं फ्रेंदीन। इन मीश मप्रोंइब दुमीन। ब्‍यवस्‍था २४:१

मत्ती 1:19

मिनु योसेफमी “मरीयम आल कुरशो बाक्‍माक्‍त” दे तुइश्‍शा “मुल प्रोंइचा दुम्‍ती” दे मिम्‍ता बाक्‍त। योसेफ रिम्‍शो मुर बाक्‍माक्‍त। मोपतीके “मरीयम कली मुने मतोक्‍चा” दे मिम्‍शो बाक्‍माक्‍त।

मत्ती 19:6

मोपतीके वोंइश मीश निक्‍शी मनसी। निम्‍फा का नस, दे ब्रेक्‍शो बाक्‍ब। परमप्रभु यावेमी कांइचीक सेल्‍शो मुरुमी मफ्रादमेक्‍ल” दे माइक्‍तीमी। १कोरिन्‍थी ७:१०-११; उत्‍पत्ती २:२४

मत्ती 19:8

येसुमी “मुरपुकीमी शिशी मपाइनीम, दे तुइश्‍शा, परमप्रभु यावेमी मोदेंशो पा इन मीश प्रोंइचा गेप्‍तु। तन्‍न ङोंइती रे मोदेंशो मबाक्‍शो बाक्‍त।

मत्ती 5:31

सु आ मीश नु ब्राबा, मेकोमी छोड पत्र ब्रेक्‍शा गेचा माल्‍ब, दे यो देंशो बाक्‍ब। ब्‍यवस्‍था २४:१; मत्ती १९:३-९; मर्कूस १०:४-१२

मर्कूस 10:4

“छोड पत्र ब्रेक्‍शा, सोइक्‍चा दुम्‍ब देंत” देंमा बाक्‍त। ब्‍यवस्‍था २४:१; मत्ती ५:३१-३२