मत्ती 18:3 - Sunuwar Bible

³ “नोफा दाइश्‍शा नेनीने, गेपुकीमी दोपा ठेयब दुम्‍चा, दे मिम्‍चा प्रोंइशा, आल खोदेंशो मदुम्‍तीनी हना, स्‍वर्ग ङा राज्‍य दोपा यो ओव़चा मताइनीनी। मत्ती १९:१४

मत्ती 18:3 ပူးပေါင်းရင်းမြစ်များ

भजन संग्रह 131:2

मिनु आं थुं ग्‍येत्‍थ लुक्‍च मपथु, नाइश्‍शा बाक्‍‍ब। आं थुं आ ममा नु बाक्‍शो आइक्‍च आल खोदेंशो दुम्‍ब। आं थुं सिक्‍सी पा बाक्‍ब आल खोदेंशो बाक्‍ब। भजन संग्रह ६२:२

यसैया 6:10

मेको आन थुं खकटा सेलो। आन नोफा मनेंब नु आन मिक्‍च मताइब सेलो। मोदेंशो दुम्‍शा, मेको आन मिक्‍च मताइब नु नोफा मनेंब दुम्‍नीम। मोदेंशो मदुम्‍त हना, मेको आं गे लेत्‍नीम। मिनु गो मेको आन कली सापाइक्‍चा माल्‍नुङ” देंत। ब्‍यवस्‍था २९:३; रोमी ११:८

मत्ती 13:15

मेको मुर आन थुं ग्‍याम्‍शो बाक्‍नीम। आन नोफा थांइशो बाक्‍नीम। आन मिक्‍च क्रिप्‍शो बाक्‍नीम। मोदेंशो मपशो नम हना, आन मिक्‍चीम ताम वा, नोफाम नेंनेम वा, थुंमी रुबेम वा, मिनु आं गे लेम्‍म वा, मिनु गो सापदुमी वा’ दे ब्रेक्‍शो बाक्‍त। यसैया ६:९-१०; यूहन्‍ना ९:३९

मत्ती 18:2

मिनु येसुमी आल का कली ब्रेश्‍शा, आन दातेमी राप्‍पाइश्‍शा

मत्ती 18:4

एको आल खोदेंशो ब्रेम्‍शोपुकी स्‍वर्ग ङा राज्‍यमी नेल्‍ल क्‍येङा ठेयब बाक्‍नीम।

मत्ती 19:14

मिनु येसुमी “आल आन कली आं बाक्‍तीके जाक्‍चा गेन। मारदे हना स्‍वर्ग ङा राज्‍य मेको आन केन बाक्‍ब” देंत। मत्ती १८:२-३

मत्ती 19:23

मिनु येसुमी आ शेंसीब आन कली “नोफा दाइश्‍शा नेनीने, शुश शोंप पाइश्‍शो मुर स्‍वर्ग ङा राज्‍य हेरा ओव़चा मताइनीम।

मत्ती 5:18

नोफा दाइश्‍शा नेनीने, सरीङ नु रागी मग्‍याम्‍म सम्‍म परमप्रभु यावे आ लोव़ का यो मग्‍याम्‍ब। नेल्‍ल थमा दुम्‍ब। लूका १६:१७

मत्ती 5:20

सास्‍त्री नु फरिसी आन पशो क्‍येङा गे रिम्‍शो ठीक गेय मपाइतीनी हना, गेपुकी यो स्‍वर्ग ङा राज्‍य ओव़चा मताइनीनी, दे इन कली देंनुङ। मत्ती २३:२-३३

मत्ती 6:16

बर्त बाक्‍नीनु, राव कीशो कुल मसेलीने। कपटीपुकीमी आंइ बर्त बाक्‍शो तांइसेक्‍ल, दे आन कुल राव कीपा कोंइनीम। नोफा दाइश्‍शा नेनीने, मेको आन तचा ङा इनाम मारेइ मबाक्‍ब। यसैया ५८:५-६

मत्ती 6:2

श्‍येत जाइब, मथीब आन कली मारेइ गेनीनु, इन ङोंइती तुराही मतापीने। कपटीपुकीमी ग्रुम्‍तीक खिंमी, लांमी मुर आन कली आन रिम्‍शो पतीके कोंइशा ठेयब सेल्‍पांइसीनीम। नोफा दाइश्‍शा नेनीने, मेको आन तचा ङा इनाम मारेइ मलीब। १कोरिन्‍थी १३:३

मत्ती 6:5

परमप्रभु यावे कली प्रार्थना पनीनु, कपटीपुकीमी पशो खोदेंशो पा मपने। मेकोपुकीमी ग्रुम्‍तीक खिंमी, लांमी मुर आन कुल राप्‍शा कोव़पांइसीशा, प्रार्थना पाइनीम। नोफा दाइश्‍शा नेनीने, मेको आन तचा ङा इनाम मारेइ मबाक्‍ब।

मर्कूस 4:12

मारदे हना आन मिक्‍चीमी कोव़नीम, तन्‍न मताइनीम। आन नोफामी नेंनीम तन्‍न मरुप्‍‍नीम। कोव़शा रुप्‍‍तेक्‍म हना, आन थुं लेश्‍शा, आन पाप क्‍याम्‍चा ताम वा” देंमाक्‍त। यसैया ६:९-१०

लूका 13:24

मिनु येसुमी “आइक्‍च लाप्‍चो रे ओव़चा मालो। मेकेर रे शुश मुर ओव़चा दाक्‍नीम, तन्‍न ओव़ने मचाप्‍नीम। मत्ती ७:१३-१४

लूका 22:32

गो चहिं इ पर्बम परमप्रभु यावे कली ‘पत्रुस कली थमा सुइक्‍चा प्रोंइपाइक्‍चा मगेने’ दे पुंइता। गे नोले थमा पा इ थुं परमप्रभु यावे गे लेश्‍शा थमा सुइक्‍नेवे। मिनु थमा सुइक्‍ब आन कली ‘थमा सुइक्‍चा मप्रोनीन’ दे आन थुं बारपतो” दे अर्ती गेवा बाक्‍त। यूहन्‍ना १७:११,१५

यूहन्‍ना 1:51

मिनु लोव़ बोइश्‍शा “नोफा दाइश्‍शा नेनीने, गेपुकीमी सरीङ रोक्‍शो ताइनीनी। मिनु परमप्रभु यावे आ स्‍वर्ग ङा गेय पाइबपुकी रागीमी जरमेशो आ तार जुक्‍शो नु स्‍वर्ग गे लेश्‍शा लशो ताइनीनी” दे माइक्‍तीमी। उत्‍पत्ती २८:१२; मत्ती ४:११

यूहन्‍ना 3:3

मिनु येसुमी “नोफा दाइश्‍शा थमा लोव़ नेनीन, मुर लेंशा, इर रे नक पा मजरमेसाक्‍व हना, परमप्रभु यावे आ राज्‍य तने मचाप्‍ब” देंत। १पत्रुस १:२३

यूहन्‍ना 3:5

मिनु येसुमी “नोफा दाइश्‍शा थमा लोव़ नेनीन, ब्‍वाक्‍कु रे नु परमप्रभु यावे आ सोक्‍त रे जरमेशो मुरपुकी ला परमप्रभु यावे आ राज्‍य ओव़ने चाप्‍नीम। इजीकीएल ३६:२५-२७; मत्ती ३:११; तीतस ३:५

प्रेरित 14:22

मेको सांफा सहर ङा थमा सुइक्‍ब आन कली “मार दुम्‍त हना यो, थमा सुइक्‍चा मप्रोनीन। इन खोइल थेक्‍शा बाक्‍कीने। ख्रीस्‍त आ नेंमी शुश श्‍येत जचा पुंइसीशा ला परमप्रभु यावे आ राज्‍य ओव़चा ताइनय, दे रुपीने” दे आन थुं बारपदसे बाक्‍त। रोमी ५:३-५; १थिस्‍सलोनिकी ३:३

प्रेरित 28:27

मेको मुर आन थुं ग्‍याम्‍शो बाक्‍नीम। आन नोफा थांइशो बाक्‍नीम। आन मिक्‍च क्रिप्‍शो बाक्‍नीम। मोदेंशो मपशो नम हना, आन मिक्‍चीमी ताम वा, आन नोफाम नेंनेम वा, थुंमी रुबेम वा, आं गे ले‍म वा, गो सापदुमी वा” दे ब्रेक्‍शो बाक्‍त’। यसैया ६:९-१०

प्रेरित 3:19

मुल चहिं इन थुं परमप्रभु यावे गे लेश्‍शा, ख्रीस्‍त कली थमा सुतीन। मिनु मेकोमी इन पाप क्‍याम्‍ब। प्रेरित २:३८

१ कोरिन्‍थी 14:20

आं लोक्‍बपुकी, आलमी मिम्‍शो खोदेंशो पा ममिम्‍तीने। मरिम्‍शो गेय पचा कली मजोक्‍ब आल खोदेंशो दुम्‍शा बाक्‍कीने। तन्‍न इन मिम्तीकेमी निप्‍स पाइश्‍शो मुरुम मिम्‍शो खोदेंशो पा मिम्‍तीन। एफिसी ४:१४; यसैया २८:११-१२

१ पत्रुस 2:2

नक थिशो आलम दूध तूचा माल्‍शो खोदेंशो पा, गे यो परमप्रभु यावे आ लोव़ तुइक्‍चा मालीन। गे मोदेंशो पाइतीनी हना, इन पाप रे ब्रोंइशो थुं बारना बारन लाइब। हिब्रू ५:१२-१३; मत्ती १८:३

२ पत्रुस 1:11

मिनु नोले पाप रे प्रोंइब इं प्रभु येसु ख्रीस्‍तमी इन कली आ गेना हना यो लीब राज्‍यमी रिम्‍शो पा ओव़चा गेब।