मत्ती 18:17 - Sunuwar Bible

¹⁷ मेको आन लोव़ यो मबिस्‍साक्‍व हना, मुर पुक्‍शा लोव़ पावो। मिनु मेको आन लोव़ यो मबिस्‍साक्‍व हना, अर्को रागी ङा मुर खोदेंशो बाक्‍माक्‍त, दे तिल्‍शा सोइक्‍तो। १कोरिन्‍थी ५:१३; २ थिस्‍सलोनिकी ३:६; तीतस ३:१०

मत्ती 18:17 ပူးပေါင်းရင်းမြစ်များ

एज्रा 6:21

लेश्‍शा जाक्‍शो ग्‍याइश्‍शा लाइक्‍चा पुंइसीब इस्राएलीपुकीम मेको ब्‍वाम्‍तेक्‍म। मिनु रागी ङा मरिम्‍शो दुम्‍तीके रे दिल्‍शो परमप्रभु यावे, इस्राएली आन परमप्रभु कली ठेयब सेल्‍ब मुरपुकी मेको नु गारशा ब्‍वाम्‍तेक्‍म। ब्‍यवस्‍था १६:१-८

इजीकीएल 11:12

मेना गेपुकीम गो परमप्रभु यावे नङ, दे तुइक्‍नीनी। गेपुकीम आं फुल्‍लु मुशा ब्रेक्‍शो लोव़ मटिनी। आं निसाफ पतीक लोव़ यो मटिनी। तन्‍न गे इन एर ओंथ बाक्‍ब रागी रागी ङा मुर आन पतीक लोव़ पाइ‍तीनी’ ” दे परमप्रभु यावेमी देंत।

मत्ती 10:3

फिलीप नु बारथोलोमाइ, थोमास, तिरो पोक्‍ब मत्ती, अल्‍फयस आ तौ याकूब, थदेयस,

मत्ती 11:19

रागीम जरमेशोमी चहिं जचा तूचा थोव़क नेल्‍ल जाइब तूब। मेको कली तशा ‘धोक्रे, शांबु राकसीमी दुक्‍ब, तिरो पोक्‍ब नु पापी आन वारच बाक्‍माक्‍त’ देंनीम। मेको के दोशो तुइक्‍तीक बाक्‍मे, मेको आ गेय रे पा तुंइ‍सीब” दे येसुमी मुर आन कली शेंताक्‍मी। मत्ती ९:१०-१५; यूहन्‍ना २:२; १कोरिन्‍थी १:२४-३०

मत्ती 5:46

इन कली दाक्‍ब आन कली ला दाक्‍ताक्‍नी हना, मार इनाम ताइनीनी ङा? तिरो पोक्‍बपुकीमी यो मो मपाइनीम ङा?

मत्ती 6:7

परमप्रभु यावे कली प्रार्थना पनीनु, अर्को रागी ङा मुरपुकीमी खोदेंशो पा हेंथे शुश लोव़ मपने। मारदे हना शुश लोव़ पशोमी आन पुंइशो ताइनीम, दे मिम्‍नीम। यसैया १:१५

लूका 15:1

मिनु शुश तिरो पोक्‍ब नु पापीपुकी येसु आ लोव़ नेंथ जाक्‍मा बाक्‍त।

लूका 18:11

फरिसीमी मुर नेल्‍ल आन कली तपांइसीशा, चढ़ेतीक आ नेक्‍था राप्‍शा ‘परमप्रभु यावे, गे रिम्‍शो पाइब बाक्‍नीनी। मारदे हना गो अरु मुर खोदेंशो पा मुर आन मार मार रोइक्‍ब मनङ। गो जोल पाइब यो मनङ। मीश वोंइश आस नाता ख्रोइक्‍ब मनङ। मेरे तिरो पोक्‍ब खोदेंशो पापी मनङ। यसैया ५८:२-३

१ कोरिन्‍थी 5:9

इन कली ङोंइती ब्रेक्‍शो चिठीमी “पात्‍के पाइब नु काथा बाक्‍चा मदुम्‍ब” दे ब्रेक्‍ताक्‍न्‍नी।

१ कोरिन्‍थी 6:1

इन दाते ङा का निक्‍शी जिम्‍तेक्‍म। मिनु मारदे निसाफ पाइब आन ङोंइती लाइश्‍शा मुददा कोप्‍शा, थमा मसुइक्‍ब निसाफ पाइब आन गुइमी गेनीनी? आंमा इन दातेम गारपाइक्‍चा माल्‍शो ननी।

२ थिस्‍सलोनिकी 3:6

आंइ लोक्‍बपुकी, गोपुकीमी इं प्रभु येसु ख्रीस्‍त आ नेंमी इन कली मार देंनीकी देंशा हना, गेपुकी नु बाक्‍शो लोक्‍ब सु सुम गेय पचा मदाक्‍थु बाक्‍मा, मोदेंशो पा आंइ शेंशो मटीमे, मेको नु काइ मबाक्‍कीन। २थिस्‍सलोनिकी २:१५; मत्ती १८:१७; रोमी १६:१७

१ तिमोथी 6:5

मेकोपुकीमी मुर आन दातेमी जिचा पोक्‍नीम। आन थुं गशो खोदेंशो दुम्‍शा, थमा लोव़ रुप्‍‍ने मचाप्‍नीम। परमप्रभु यावे कली मिम्‍चा, दाक्‍चा क्‍येट चेम्‍तीके बाक्‍ब, दे मिम्‍नीम।

यहोसु 22:15

मिनु मेकोपुकी रूबेन आ थर, गाद आ थर नु मनस्‍से आ उइक्‍थ थर बाक्‍तीक गिलाद रागी जाक्‍दीश्‍शा, मेको आन कली