मत्ती 18:14 - Sunuwar Bible

¹⁴ मेको बुदी स्‍वर्ग ङा इन आफोमी आइक्‍च का यो मजाम्‍मल, दे मिम्‍ब।

मत्ती 18:14 ပူးပေါင်းရင်းမြစ်များ

यसैया 40:11

आ बगाल कली गोठलाम खोदेंशो पा योव़ब। मेकोमी आ पाठा पाठी आन कली मुप्‍शा कुरब। दूध तुंइब आन कली आन चाप्‍चा ङा पा गाक्‍पाइश्‍शा खुल्‍ब। यूहन्‍ना १०:११

जकरिया 13:7

मिनु मुर नेल्‍ल आन परमप्रभु यावेमी मार देंत देंशा हना ‘तरवार, आं गोठला आ पर्बम बोक्‍को। नेल्‍ल क्‍येङा आं नेक्‍था ङा मुर आन पर्बम बोक्‍को। गोठला कली तुपो। मिनु भेडापुकी ब्रमल। मिनु गो आं गुइ आइक्‍च गोठला आन पर्बम क्‍युक्‍नुङ। मत्ती २६:३१

मत्ती 18:13

नोफा दाइश्‍शा नेनीने, थिदानु, मजाम्‍शो ९९ भेडा क्‍येङा मेको थिशो का आ पर्बम शुश ग्‍येरसीब।

मत्ती 18:15

इ लोक्‍बमी इ कली मरिम्‍शो पाप्‍तु हना, गे निक्‍शी बाक्‍सीनु, एको ओदेंशो मरिम्‍शो पाप्‍तीवी, दे तुइक्‍पतो। इ लोव़ बीसाक्‍व हना, मेको कली आम के सेल्‍नेवे। लेवी १९:१७; लूका १७:३; गलाती ६:१

मत्ती 5:16

मेको ब्रशो बत्ती खोदेंशो पा गेमी इन रिम्‍शो गेय रे पा इन छेङछेङ मुर आन कली कोंइदीने। मिनु इन रिम्‍शो पशो तशा, स्‍वर्गमी बाक्‍ब इन आफ कली ठेयब सुइश्‍शा मान पाइनीम। फि‍लिप्‍पी २:१४-१५; यूहन्‍ना १५:८; एफिसी ५:८-९

मत्ती 6:32

मारदे हना अर्को रागी ङा मुरपुकीमी ला मोदेंशो मिम्‍नीम। इन स्‍वर्ग ङा आफोमी इन माल्‍शो नेल्‍ल तुइक्‍ब।

मत्ती 6:9

ओदें प्रार्थना पने ‘स्‍वर्गम बाक्‍ब आंइ आफ, इन नें ठेयब बाक्‍ल। लूका ११:२-४; इजीकीएल ३६:२३

लूका 12:32

गे आइक्‍च बगाल, महिनीन। मारदे हना इन आफोमी इन कली आ राज्‍यम वोइक्‍चा दाक्‍ब। लूका २२:२९

यूहन्‍ना 17:12

गो आं कली गेशो मुरपुकी नु बाक्‍ङानु, इन नें ङा सक्तिमी रिम्‍शो कोव़शा वोइक्‍तामी। सुइ मजाम्‍म। इन ब्रेक्‍पाइश्‍शो लोव़ थमा दुम्‍चा, दे का चहिं जाम्‍शा, नरक लाइब दुम्‍त। यूहन्‍ना ६:३९; भजन संग्रह ४१:१०

यूहन्‍ना 21:15

मिनु जने थुम्‍शा, येसुमी सिमोन पत्रुस कली “योआन्‍नेस आ तौ सिमोन, गे आं कली एको आन क्‍येङा दाक्‍नेवे?” दे हिल्‍लो पाप्‍तु। मिनु पत्रुसमी “दाक्‍नन्‍नी, प्रभु, गे तुइक्‍नीनी” दे माइक्‍तु। मिनु येसुमी “आं पाठा आन कली थुल्‍मी” देंत। यूहन्‍ना १:४२

२ तिमोथी 2:10

मोपतीके गो योव़शो मुर आन कली मिम्‍शा, श्‍येत नेल्‍ल फाल्‍नुङ। मोपा मेकोपुकीमी ख्रीस्‍त येसुमी पाप रे प्रोंइशो दुम्‍शा, गेना हना यो परमप्रभु यावे आ छेङछेङमी ब्रोंइशा बाक्‍चा तामेक्‍ल। कलस्‍सी १:२४

हिब्रू 12:13

लां ब्रेम्‍शो सेल्‍शा, रिम्‍शो पा थेक्‍शा गाक्‍कीन। सुइ दशा, खोइली खाइश्‍शा, आन पोक्‍च मबुइक्‍ल। रिम्‍शो पा गाक्‍शा, आन दशो सामल। हितोपदेस ४:२६-२७

२ पत्रुस 3:9

प्रभुम आ देंशो लोव़ ठीक पा पाइब। तन्‍न का निक्‍शी मुरपुकीमी “प्रभुम आ देंशो मपाइब। नोले ला जाक्‍ब” देंनीम। तन्‍न प्रभुमी “सुइ जाम्‍शा मलमल। आं गे लेम्‍मल” दे रिम्‍ब। हबकुक २:३; १तिमोथी २:४