मत्ती 17:2 - Sunuwar Bible

² मिनु मेको आन ङोंइती येसु फांइसेनु, मेकोपुकीमी आ कुल नां खोदेंशो नु आ फेक्‍शो वा बुबु पा जिलील पा बुश दुम्‍शो तामे बाक्‍त। २पत्रुस १:१६-१८; प्रकाश १:१६

मत्ती 17:2 ပူးပေါင်းရင်းမြစ်များ

भजन संग्रह 104:2

गे छेङछेङ कली वा फेक्‍शो खोदेंशो पा फेक्‍शो बाक्‍नीनी। मिनु सरीङ कली ताम्‍बु खोदेंशो पा प्राक्‍शा कीशो बाक्‍नीनी।

ठेयब कुम्सो 6:10

सुनी खोदेंशो पा दारशो, तास्‍ला खोदेंशो पा दाप्‍शो, नां खोदेंशो पा छेङछेङ देंशो, हिंचा ङा लडाइ पाइब खोदेंशो सु बाक्‍बा?

मत्ती 17:1

मिनु ६ नाक्‍त नोले येसुमी पत्रुस, याकूब नु आ लोक्‍ब यूहन्‍ना सां आन कली सुइ मबाक्‍तीके लाइश्‍शो डांडामी लदा बाक्‍त। मत्ती २६:३७; मर्कूस ५:३७; मर्कूस १३:३; मर्कूस १४:३३; लूका ८:५१

मत्ती 17:3

मिनु मोसा नु एलीया जाक्‍शा, येसु नु लोव़सी पशो तामे बाक्‍त।

मत्ती 28:3

मेको आ कुल चिला पशो खोदेंशो नु आ वा बुबु पा छेङछेङ तांइसे बाक्‍त। मत्ती १७:२; प्रेरित १:१०

मर्कूस 9:3

दोपा फांइ‍से बाक्‍त देंशा हना, आ फेक्‍शो वा बुबु पा जिलील बुश दुम्‍शो तामे बाक्‍त। मोदेंशो बुश सुइमी सेल्‍ने मचाप्‍नीम।

लूका 9:29

मिनु येसुमी प्रार्थना पवानु, फांइसी‍शा आ कुल बुबु देंशो नु आ फेक्‍शो वा यो बुबु पा तांइसे बाक्‍त।

यूहन्‍ना 1:14

मिनु लोव़ माइश्‍शो मुर दुम्‍शा, गोपुकी नु बाक्‍शो बाक्‍त। मेको शिशी पाइब नु परमप्रभु यावे आ लां कोंइब बाक्‍त। गोपुकीमी “परमप्रभु यावे आ कांइचीक तौ बाक्‍ब” दे तुइश्‍शा, मेको कली परमप्रभु यावे आ छेङछेङ, आ शिशी नु आ थमा पतीकेमी ब्रीशो ताइतक। १तिमोथी ३:१६; प्रस्‍थान ३३:१८; यसैया ६०:१; २पत्रुस १:१६-१७

यूहन्‍ना 17:24

आं आफ, आं कली गेशो मुरपुकी गो नु काथा बाक्‍मल, दे पुंइनुङ। गे रागी सेल्‍चा ङोंइती आं कली दाक्‍शा, इन सक्ति आं कली गेतीनी। मिनु मेकोपुकीमी यो आं सक्ति तामेक्‍ल। यूहन्‍ना १२:२६; हितोपदेस ८:२२-३१

रोमी 12:2

परमप्रभु यावे कली मटीब आन पशो खोदेंशो मपने। तन्‍न परमप्रभु यावे कली इन थुं कली फाइक्‍चा गेन। मो पाइतीनी हना, परमप्रभु यावे आ मिम्‍‍शो मार में, रिम्‍शो मार में, आ दाक्‍शो मार में नु नेल्‍लेम ठीक दुम्‍शो तुइक्‍नीनी। एफिसी ४:२३; एफिसी ५:१०,१७

प्रकाश 10:1

मिनु नोले गोमी सक्ति पाइश्‍शो परमप्रभु यावे आ स्‍वर्ग ङा गेय पाइब का गोस्‍सुमी गिल्‍सीशा, रागीमी यिशो ताता। मेको आ पियामी वाक्‍श दाप्‍शो बाक्‍त। मिनु मेको आ कुल नां खोदेंशो नु आ खोइली हुरुर पा ब्रशो मी के थाम खोदेंशो तांइसाक्‍व।

प्रकाश 20:11

मिनु नोले गो ठेयब बुश नित्‍तीके का नु मेकेर निप्‍ब कली ताता। रागी नु स्‍वर्ग मेको कली तशा प्रोक्‍ताक्‍स। मिनु मेको आस कली बाक्‍तीके मबा। मत्ती २५:३१-४६; २पत्रुस ३:७,१०,१२