मत्ती 16:4 - Sunuwar Bible

⁴ मरिम्‍शो पाइब नु देवी देवता नु परमप्रभु यावे खाल्‍ब पालाम चिन्‍ड कोव़कोव़ दाक्‍नीम। मेको आन कली योना आ चिन्‍ड ङा लाक्‍शा मारेइ चिन्‍ड मकोंइनुङमी” देंशा, मेको आन कली प्रोंइशा गाक्‍त। मत्ती १२:३९-४०

मत्ती 16:4 ပူးပေါင်းရင်းမြစ်များ

उत्पत्ती 6:3

मिनु परमप्रभु यावेमी “आं सोक्‍त मुर आन कली शुश बर्स बाक्‍चा मगेनुङ। मुर बेक्‍चा माल्‍नीम। आन ब्रोंइतीक सहे का २० बर्स ला दुम्‍ब” देंमाक्‍त।

यसैया 57:3

“तन्‍न गेपुकी एक जाक्‍कीन। गे मन्‍तर तन्‍तर पाइब आ तमी तौ नु हेंथे गाक्‍ब वोंइश मुर नु तेल्‍लेम आ आलपुकी एक जाक्‍कीन। होसे २:४

होसे 4:17

एफ्राइम मूर्ति आन वारच दुम्‍शो बाक्‍ब। मोपतीके मेको कली प्रोनीन।

होसे 9:12

मेकोपुकीमी आल थिशा कोल्‍पाइक्‍तेक्‍म हना यो, गो का सम्‍म यो मप्रोंइथु लाइक्‍नुङ। मिनु गो मेको आन कली प्रोंइशा ङोन लाइक्‍नुङ। मिनु मेको आन कली ठेयब श्‍येत दुम्‍ब।

योना 1:1

परमप्रभु यावेमी अमीत्‍तै आ तौ योना कली मार लोव़ पवा बाक्‍त देंशा हना, २राजा १४:२५

योना 1:17

मिनु परमप्रभु यावेमी योना कली दाक्‍पाइक्‍चा कली ठेयब ङांइ का सोइक्‍ता बाक्‍त। मेको ङांइमी योना कली ग्रु दाक्‍गानु, योना सां नाक्‍दो नाक्‍ती आ कोव़जीम बाक्‍माक्‍त। मत्ती १२:४०; मत्ती १६:४

मत्ती 15:14

मेकोपुकीमी मारेइ पामेक्‍ल। मिक्‍च मताइब लां कोंइब नम। मिक्‍च मताइबमी मिक्‍च मताइब कली कीशा लां कोंइताक्‍व हना, निम्‍फा खाल्‍टाम बिक्‍नीस” देंत। मत्ती २३:२४; लूका ६:३९; रोमी २:१९

मत्ती 16:5

मिनु समुन्‍द्र शोक्‍शा, आइक्‍ची हांबु जाक्‍दीम्‍मानु, शेंसीबपुकीमी “ला, शोब्‍ले कुरचा प्रेंसे बाक्‍त” दे ति फ्रुक्‍शा देंमुम्‍तेक्‍म।

मर्कूस 8:12

मिनु येसुमी लाइश्‍शो सोक्‍त कीशा “सिनाक्‍त मुलाक्‍त ङा मुरपुकीमी मारदे चिन्‍ड कोव़चा माल्‍नीमी? नोफा दाइश्‍शा नेनीन, चिन्‍ड का यो मकोंइनन्‍नी” देंमाक्‍त।

मर्कूस 8:38

सुमी हेंथे गाक्‍ब नु पाप पाइब आन पालामी आं पर्बम नु आं लोव़ आ पर्बम मुर आन कली देंचा मुने पाइबा, मेको आ पर्बम रागीम जरमेशोमी यो आ आफ आ छेङछेङ नु आ स्‍वर्ग ङा गेय पाइबपुकी नु जाक्‍मेनु मेको कली तशा मुने पाइब” दे माइक्‍मी बाक्‍त। मत्ती १०:३३

प्रेरित 18:6

मिनु यहूदीपुकीमी आ शेंशो थमा मसुइक्‍थु शुक्‍शी पामेनु, पावलमी आ फेक्‍शो वा ङा फुरकु थुर थुर पा मेको आन कली “गे बेक्‍शा जाम्‍शा लाइतीनी हना, आं कली मारेइ देंचा मताइनीनी। मुल ङा मेरे यहूदी इन कली शेंचा प्रोंइशा, अर्को रागी ङा मुर आन कली शेंथ गाक्‍नुङ” दे मेको आन कली प्रोंइशा गाक्‍माक्‍त। प्रेरित १३:५१; नेहेम्‍याह ५:१५; प्रेरित २०:२६

प्रेरित 2:40

मिनु पत्रुसमी शुश शेंशा “थमा मसुइक्‍ब मदुमीने। मरिम्‍शो पाइब रे ङोन बाक्‍कीने” दे शुश अर्ती गेशा माइक्‍मी बाक्‍त। मत्ती १७:१७; फिलिप्‍पी २:१५