मत्ती 16:25 - Sunuwar Bible

²⁵ आ गिंम प्रोंइचा दाक्‍बमी मेको साम्‍‍ब। आं पर्बम आ गिंम साम्‍बमी आ गिंम प्रोंइब। प्रकाश १२:११

मत्ती 16:25 ပူးပေါင်းရင်းမြစ်များ

एस्‍तर 4:14

मो देंशो दुम्‍मेनु, गे सिक्‍सी पा बाक्‍तीनी हना, यहूदी आन कली वारच पा प्रोंइचा कली अर्को मुर रे यो जाक्‍ब। तन्‍न गे नु इं आफ आ खिं ङा मुरपुकी चहिं खतम दुम्‍चा माल्‍नीम। गे यहूदी आन कली प्रोंइचा कली पिपीम दुम्‍शो बाक्‍नेवे, कों?” दे एस्‍तर कली माइक्‍चा, दे हथाक कली सोइक्‍ताक्‍व। उत्‍पत्ती ४५:७

एस्‍तर 4:16

“सुसा सहरमी लशा, यहूदी नेल्‍ल आन कली आं पर्बम माइजा बाक्‍चा कली पुक्‍कीन। नाक्‍त सां नु नाक्‍दो सां सम्‍म मारेइ मजने, मारेइ मतूङीन। मिनु गो नु आं गेय पाइबपुकी यो गे खोदेंशो पा माइजा बाक्‍नीकी। मिनु में नोले ऐन कानुनमी मगेशो बाक्‍त हना यो, गो पिप आ बाक्‍तीकेम लाइनुङ। गो खतम दुम्‍ती हना, यो दुम्‍ङल” दे लोव़ सोइक्‍ताक्‍व।

उपदेसक 3:6

माल्‍तीक ना बाक्‍ब। मिनु साम्‍तीक ना बाक्‍ब। वोइक्‍तीक ना बाक्‍ब। मिनु ताइक्‍तीक ना बाक्‍ब।

मत्ती 10:39

आंम कली प्रोंइचा दाक्‍ब जाम्‍शा लाइब। आं पर्बम जाम्‍शा लाइब चहिं ब्रोंइचा ताइब। लूका ९:२४; यूहन्‍ना १३:२०; गलाती ४:१४

मत्ती 16:26

रागी नेल्‍ल आंम के सेल्‍शा, आ गिंम चहिं खतम दुम्‍त हना, मार रिम्‍शो दुम्म ङा? खतम दुम्‍शो गिंम मार गेशा लेन्‍ने चाप्‍बा ङा? लूका १२:२०; भजन संग्रह ४९:९

मर्कूस 8:35

सुमी आंम कली प्रोंइचा माल्‍बा, मेको जाम्‍शा लाइब। सुमी आं पर्बम नु परमप्रभु यावे आ लोव़ आ पर्बम आंम कली जिम्‍मा गेबा, मेको ब्रोंइब। मत्ती १०:१९

लूका 17:33

आ गिंम प्रोंइचा माल्‍ब के आ गिंम योल्‍ब। आ गिंम सोइक्‍बमी आ गिंम प्रोंइब। लूका ९:२४

यूहन्‍ना 12:25

सुमी आंम दला दाक्‍स पाइबा, मेको गेना हना यो ब्रोंइशा बाक्‍चा मताइब। सुमी चहिं रागीमी बाक्‍शा, आंम कली ममिम्‍थु, परमप्रभु यावे आ देंशो टीबा, मेको गेना हना यो ब्रोंइशा बाक्‍चा ताइब। मत्ती १०:३९; मत्ती १६:२५; लूका १७:३३

प्रकाश 12:11

मिनु थमा सुइक्‍बपुकीमी सैतान कली ग्राशो बाक्‍तेक्‍म। दोपा सैतान कली ग्राशो बाक्‍तेक्‍म देंशा हना, पाठा आ हुश चढ़ेशोमी नु आन सांकछी आन पतीके सैतान कली ग्राशो बाक्‍तेक्‍म। मेकोपुकीमी आंम कली ममिम्‍थु, येसु ख्रीस्‍त आ पर्बम साइक्‍चा पुंइसीचा यो महिंम। प्रकाश ७:१४; प्रकाश ६:९