मत्ती 16:24 - Sunuwar Bible

²⁴ मिनु येसुमी आ शेंसीब आन कली “सुमी आं नोले खोइक्‍चा थुं पाइबा, मेकोमी आंम दला दाक्‍स पचा प्रोंइशा, श्‍येत जचा महिंथु, आ नोले खोइय्‍यील। मत्ती १०:३८-३९; १पत्रुस २:२१

मत्ती 16:24 ပူးပေါင်းရင်းမြစ်များ

मत्ती 10:38

सुमी आं नोले खोइश्‍शा, श्‍येत फाल्‍ने मचाप्‍बा, मेको आं नोले खोइक्‍चा मशिरब। मत्ती १६:२४-२५

मत्ती 27:32

मिनु लना लन पामेनु, साइरेनी ङा सिमोन नें पाइश्‍शो मुर का ग्रुम्‍मे बाक्‍त। मिनु मेको कली येसु कली क्‍याइक्‍तीक शी “लो, कुर कि कुर” दे कुरपदमे बाक्‍त।

मर्कूस 10:21

येसुमी मेको आ कुल शिरशा कोव़शा, मेको कली दाक्‍शा “का चहिं मपवी। लशा, इ शोंप नेल्‍ल लेयशा, जचा फेक्‍चा मताइब आन कली योक्‍शा गेमी। मिनु लेश्‍शा, आं नोले खोइय्‍यी। मिनु इ शोंप स्‍वर्गमी बाक्‍ब” देंमाक्‍त। मर्कूस ८:३४; मत्ती १०:३८

मर्कूस 15:21

मिनु लना लन बाक्‍मानु, आ गाउं रे पिशो साइरेनी ङा सिमोन ग्रुम्‍मे बाक्‍त। मेको सिमोन अलेकजन्‍डर नु रुफुस आस आफ बाक्‍माक्‍त। मेको कली ग्रुम्‍शा, येसु कली क्‍येप्‍तीक शी “लो, कुर कि कुर” दे कुरपदमे बाक्‍त। रोमी १६:१३

मर्कूस 8:34

मिनु आ शेंसीबपुकी नु मेकेर देल्‍शो आन कली ब्रेश्‍शा “सुमी आं नोले खोइक्‍चा थुं पाइबा, मेकोमी आंम दला दाक्‍स पचा प्रोंइशा, श्‍येत जचा महिंथु, आं नोले खोइय्‍यील।

लूका 14:27

सु सुमी आन श्‍येत कुरशा, आं कली मखोइक्‍नीमी, मेको आं शेंसीब दुम्‍ने मचाप्‍नीम। लूका ९:२३

लूका 23:26

मिनु सिपाइपुकीमी येसु कली लदमे बाक्‍त। सहर रे ग्रुंइदमेनु, आ रू रे पिशो साइरेनी ङा सिमोन कली ग्‍याइश्‍शा, येसु कली क्‍याइक्‍तीक शी कुरपा, येसु आ नोनोले खोइक्‍पाइश्‍शा लदमे बाक्‍त।

यूहन्‍ना 19:17

मिनु नोले यहूदीपुकीमी येसु कली लाइक्‍तेक्‍म। मिनु आ कली कांटी थोक्‍शा क्‍याइश्‍शा साइक्‍तीक शी आंमा कुरपाइश्‍शा, खप्‍परे माइक्‍तीकेमी लाइक्‍तेक्‍म। हिब्रू लोव़मी मेको कली गोल्‍गथा देंनीम।

यूहन्‍ना 21:19

येसुमी पत्रुस दोपा परमप्रभु यावे आ सक्ति कोंइशा, साइक्‍चा पुंइसीबा, दे मोदेंशो देंत। मिनु येसुमी “आं नोले खोइय्‍यी” देंत। यूहन्‍ना १३:३६

यूहन्‍ना 21:22

मिनु येसुमी “गो लेंशा मजाक्‍ङा सम्‍म मेकोमी रिम्‍शा बाक्‍चा माल्‍ब, दे मिम्‍ताक्‍ङ हना यो, इ कली मार दुम्‍बा ङा? गे आं नोले खोइय्‍यी” दे माइक्‍तु।

प्रेरित 14:22

मेको सांफा सहर ङा थमा सुइक्‍ब आन कली “मार दुम्‍त हना यो, थमा सुइक्‍चा मप्रोनीन। इन खोइल थेक्‍शा बाक्‍कीने। ख्रीस्‍त आ नेंमी शुश श्‍येत जचा पुंइसीशा ला परमप्रभु यावे आ राज्‍य ओव़चा ताइनय, दे रुपीने” दे आन थुं बारपदसे बाक्‍त। रोमी ५:३-५; १थिस्‍सलोनिकी ३:३

कलस्‍सी 1:24

मुल गो इन पर्बम श्‍येत जाता हना यो, ग्‍येरसाक्‍यी। मारदे हना आं रांमी ख्रीस्‍त आ लीशो श्‍येत थुम्‍पाइक्‍नुङ। ख्रीस्‍त आ लीशो श्‍येत थमा सुइक्‍ब आन पर्बम बाक्‍ब। मेकोपुकी ख्रीस्‍त आ रां बाक्‍नीम। एफिसी ३:१३; २तिमोथी २:१०

१ थिस्‍सलोनिकी 3:3

सुइमी श्‍येत जशा थमा सुइक्‍चा मप्रोन्‍मेक्‍ल। मारदे हना गोपुकीमी श्‍येत जचा माल्‍नय, दे तुइक्‍नीनी। प्रेरित १४:२२; एफिसी ३:१३; हिब्रू १०:३९; २तिमोथी ३:१२

२ तिमोथी 3:12

सु सु ख्रीस्‍त येसुमी परमप्रभु यावे कली मिम्‍शा, दाक्‍शा ब्रोंइनीमी, मेकोपुकी खेदा पचा पुंइसीनीम। मत्ती १६:२४; प्रेरित १४:२२; १थिस्‍सलोनिकी ३:३

१ पत्रुस 2:21

मोदेंशो पचा, दे योव़शो ननी। ख्रीस्‍त यो इन पर्बम श्‍येत जशा, इन कली कोंइतीक दुम्‍त। मोपतीके गे आ खोदेंशो पचा माल्‍नीनी। १पत्रुस ३:१८; मत्ती १६:२४