मत्ती 16:23 - Sunuwar Bible

²³ मिनु येसुमी नोले हिरशा पत्रुस कली कोव़शा “ए सैतान, इ कुल मकोंइदी। मारदे हना आं लां तेक्‍ब बाक्‍ङे बाक्‍त। गे परमप्रभु यावे आ मिम्‍शो मपथु, मुरुमी मिम्‍शो लोव़ कका पाप्‍तीवी” दे हुइक्‍ताक्‍व।

मत्ती 16:23 ပူးပေါင်းရင်းမြစ်များ

उत्पत्ती 3:17

मिनु आदम कली “मारदे हना गे इ मीश आ लोव़ नेंशा, मब्‍वचा देंशो रवा आ फल ब्‍वाप्‍तीवी, इ पतीके आ पर्बम इ रू नेल्‍लेमी सराप ताइनीम। इ जचा थोव़क श्‍येत पा ख्रुम्‍चा माल्‍नेवे। उत्‍पत्ती ८:२१-२२; अय्‍युब ३१:३८-३९

२ सामुएल 19:22

तन्‍न दाऊदमी “सेरूयाह आ तौ, गे आं कली काइ मगारब मुर बाक्‍नीसी। गे मुलाक्‍ती आं जोरी सत्रु दुम्‍तीसी? मुलाक्‍ती इस्राएलमी तेकोइ मुर साइक्‍चा मदुम्‍ब। मुलाक्‍ती गो इस्राएल ङा पिप दुम्‍ती, दे गो मतुइक्‍नुङा ङा?” देंमाक्‍त। २सामुएल १६:१०

१ इतिहास 21:1

मिनु सैतानमी इस्राएली आन कली मरिम्‍शो पचा कली दाऊद कली आ मुर इस्राएली आन कली हिक्‍पाइक्‍मी बाक्‍त।

यसैया 8:14

परमप्रभु इन कली नेल्‍ल क्‍येङा ङोंइती ङा मिम्‍तीके दुम्‍ल। तन्‍न इस्राएल आ खिं निक्‍शी ङा मुर आन कली दाइल पाइक्‍तीके नु लां तेक्‍तीके फुल्‍लु दुम्‍ब। मेको यरूसलेम ङा मुर आन कली रेप्‍पाइक्‍ब ब्‍वारद दुम्‍ब। रोमी ९:३३

मत्ती 16:22

मिनु काबु लेंशा शेंदानु, पत्रुसमी येसु कली आइक्‍ची ब्रेश्‍शा लाइश्‍शा “परमप्रभु यावेमी इन कली शिशी पवल। प्रभु, इन देंशो खोदेंशो गेनायो मदुम्‍ल” देंमाक्‍त।

मत्ती 18:7

पाप पपाइक्‍ब आन पर्बम, आबी आबी। एको रागीमी पाप पपाइक्‍ब शुश जाक्‍‍नीम। तन्‍न सुमी अरु आन कली पाप पपाइक्‍बा, मेको आन कली आबी आबी।

मत्ती 4:10

मिनु येसुमी “लावो, सैतान। मारदे हना ‘परमप्रभु यावे कली ला सेउ पावो। मिनु ठेयब सेलो’ देंशा ब्रेक्‍शो बाक्‍ब” देंमाक्‍त। ब्‍‍यवस्‍था ६:१३

मर्कूस 8:33

मिनु येसु हिरशा, अर्को शेंसीबपुकी गे कोव़शा “ए सैतान, इ कुल मकोंइदी। परमप्रभु यावे आ मिम्‍शो ममाइ, मुर आन देंशो नेंबाक्‍ते” दे पत्रुस कली हुइक्‍ता बाक्‍त।

लूका 4:8

मिनु येसुमी “परमप्रभु यावे आ लोव़मी ‘परमप्रभु यावे कली ला ठेयब सेलो। मेको कली ला गेय पावो’ दे ब्रेक्‍शो बाक्‍ब” देंमाक्‍त। ब्‍‍यवस्‍था ६:१३

यूहन्‍ना 6:70

मिनु येसुमी “गो गे १२ जना इन कली योव़तन्‍नी। तन्‍न इन दातेमी सैतान का बाक्‍ब” देंत।

रोमी 14:13

मोपतीके आंम आंमा मनाक्‍मुय। थमा सुइक्‍ब लोक्‍ब आन थुं खाइक्‍पाइक्‍चा ङा गेय मपमुय। १कोरिन्‍थी १०:३३

रोमी 14:21

मोपतीके श्‍ये मब्‍वथु, अङगुर शांबु मतूथु, इन लोक्‍ब आन कली थुं मखाइक्‍पाइक्‍थु, बाक्‍चा रिम्‍शो दुम्‍ब। रोमी १४:२; १कोरिन्‍थी १०:२५-२७

फिलिप्‍पी 3:19

नोले मेकोपुकी जाम्‍शा लाइनीम। आन कोव़ज कली परमप्रभु यावे क्‍येङा ठेयब बाक्‍ब, दे मुने पचा ङा गेयमी आंम कली ठेयब सेल्‍सीशा, आन थुंमी रागी ङा माल्‍शो ला मिम्‍नीम। रोमी १६:१८

कलस्‍सी 3:2

इन थुंमी स्‍वर्गम बाक्‍ब कली मिम्‍तीन। रागी ङा थोव़क ममिम्‍तीन। मत्ती ६:३३