मत्ती 16:20 - Sunuwar Bible

²⁰ मिनु आ शेंसीब आन कली “ख्रीस्‍त एकोन बाक्‍माक्‍त दे सुइ आन कली मशोव़ङीने” दे माइक्‍तीमी। मत्ती १७:९

मत्ती 16:20 ပူးပေါင်းရင်းမြစ်များ

मत्ती 1:16

मिनु याकूबमी योसेफ थि‍माक्‍त। योसेफ मरीयम आ वोंइश बाक्‍माक्‍त। मरीयममी येसु थि‍माक्‍त। येसु कली ख्रीस्‍त देंमा बाक्‍त। लूका १:२७

मत्ती 16:16

सिमोन पत्रुसमी “ब्रोंइशा बाक्‍ब परमप्रभु यावे आ तौ ख्रीस्‍त बाक्‍नीनी” देंत। यूहन्‍ना ६:६९

मत्ती 17:9

मिनु डांडा रे ब्रुम्‍मानु, येसुमी “रागीम जरमेशो बेक्‍शो रे मसेंसे सम्‍म इन तशो सुइ आन कली मशेंदीने” दे माइक्‍मी बाक्‍त। मत्ती १६:२०

मत्ती 8:4

मिनु येसुमी “सुइ कली मशोव़चा, चढ़ेब आ ङोंइती लशा, इ साशो रां कोंइदो। मिनु मोसामी मार चढ़ेचा माल्‍ब देंशो बाक्‍मे, मेको चढ़ेशा, सामाक्‍त, दे तुइक्‍पतो” दे मदा बाक्‍त। मर्कूस ८:३०; लेवी १४:२-३२

मर्कूस 8:30

मिनु आ शेंसीब आन कली “एको ख्रीस्‍त बाक्‍ब, दे सुइ आन कली मशेंदीन” दे माइक्‍मी बाक्‍त। मर्कूस ९:९

मर्कूस 9:9

मिनु डांडा रे ब्रुम्‍मानु, येसुमी “रागीम जरमेशो बेक्‍शो रे सेंचा मपुंइसे सम्‍म इन तशो सुइ आन कली मशेंदीने” दे माइक्‍मी बाक्‍त। मर्कूस ८:३०

लूका 2:11

एको ग्‍येरपाइक्‍ब लोव़ दोदेंशो बाक्‍ब देंशा हना, मुलाक्‍दो पिप दाऊद आ सहरम आल का जरमेसाक्‍व। मेको नक जरमेशो आल पाप रे प्रोंइब, प्रभु येसु ख्रीस्‍त बाक्‍ब।

लूका 9:21

मिनु येसुमी “एको लोव़ सुइ आन कली मशेंदीने” दे अरेमी बाक्‍त।

लूका 9:36

मिनु मेको लोव़ नेन्‍मेनु, येसु का ला तामे बाक्‍त। मिनु मेको आन तशो नु नेंशो शुश नाक्‍ती सम्‍म सुइ आन कली मशेंथु, सिक्‍सी पा थुंमी वोदमे बाक्‍त।

यूहन्‍ना 1:41

मिनु मेकेर रे लशा, अन्‍द्रीयासमी सिमोन कली ग्रुम्‍शा “गो निक्‍शीमी मस्सीह कली ग्रुम्‍तस्‍कु” देंत। मस्‍सीह चहिं ख्रीस्‍त, दे रुम्‍सीब। मस्‍सीह आ देंशो “परमप्रभु यावेमी मेको कली तेल लुक्‍शो बाक्‍ब” बाक्‍ब।

यूहन्‍ना 1:45

मिनु फिलीपमी नथानेल माइश्‍शो मुर कली ग्रुम्‍शा, मेको कली “मोसामी नु परमप्रभु यावे आ लोव़ पाइबपुकीमी यो परमप्रभु यावे आ सोइश्‍शो का आ पर्बम ब्रेक्‍शो बाक्‍तेक्‍म। मिनु गोपुकीमी मेको कली ग्रुम्‍तक। मेको नासरथ सहर ङा योसेफ आ तौ येसु बाक्‍माक्‍त” दे नथानेल कली देंत। यसैया ५३:२; ब्‍यवस्‍था १८:१८; येरमीया २३:५; इजीकीएल ३४:२३

यूहन्‍ना 11:27

मिनु मारथामी “प्रभु, गे रागीमी जाक्‍शो परमप्रभु यावे आ तौ, ख्रीस्‍त ननी, दे गो थमा सुइक्‍नुङ” देंत। मत्ती १६:१६

यूहन्‍ना 20:31

मिनु मेको ब्रेक्‍शो छक लाक्‍चा ङा गेयपुकी मारदे ब्रेक्‍शो बाक्‍नीम देंशा हना, गेपुकीमी “येसु ख्रीस्‍त, परमप्रभु यावे आ तौ बाक्‍ब” दे थमा सुइक्‍ने चापीन। मिनु थमा सुइश्‍शा, आ नेंमी गेना हना यो ब्रोंइशा बाक्‍चा ताइनीनी, दे ब्रेक्‍शो बाक्‍ब। १यूहन्‍ना ५:१३

प्रेरित 2:36

मोपतीके इस्राएली नेल्‍लेमी मार तुइक्‍चा माल्‍नीनी देंशा हना, गेपुकीमी शीम केप्‍शा कांटी थोक्‍शा साइक्‍पाइश्‍शो येसु कली परमप्रभु यावेमी प्रभु नु ख्रीस्‍त सेल्‍तु” दे माइक्‍मी बाक्‍त। ख्रीस्‍त आ देंशो मस्‍सीह्‍ बाक्‍ब। प्रेरित ५:३१

१ यूहन्‍ना 2:22

दूली शेंबमी मार शेंब देंशा हना “येसु ख्रीस्‍त परमप्रभु यावे आ सोइश्‍शो ममाइ। परमप्रभु यावे नु आ तौ पोबु मनसी” दे शेंब। मेको ख्रीस्‍त आ पर्बम दूली लोव़ शेंब बाक्‍ब।

१ यूहन्‍ना 5:1

मिनु सुमी “येसु परमप्रभु यावे आ सोइश्‍शो ख्रीस्‍त बाक्‍ब” दे थमा सुइक्‍बा, मेको मुर परमप्रभु यावे आ आल बाक्‍ब। मिनु सुमी आफ कली दाक्‍बा, मेकोमी आ आल कली यो दाक्‍ब।