मत्ती 16:17 - Sunuwar Bible

¹⁷ मिनु येसुमी पत्रुस कली “योना आ तौ सिमोन, ग्‍येरसो। मारदे हना इ देंशो लोव़ मुरुमी शेंशो ममाइ। स्‍वर्गम बाक्‍ब आं आफोमी इ कली रुप्‍पाइक्‍तु। मत्ती ११:२७; गलाती १:१५-१६

मत्ती 16:17 ပူးပေါင်းရင်းမြစ်များ

यसैया 54:13

मिनु परमप्रभु यावेमी इ तमी तौ नेल्‍ल आन कली शेंब। मेको आन थुं नाइश्‍शा हेम्‍मा पा बाक्‍चा ताइनीम। यूहन्‍ना ६:४५

लूका 22:32

गो चहिं इ पर्बम परमप्रभु यावे कली ‘पत्रुस कली थमा सुइक्‍चा प्रोंइपाइक्‍चा मगेने’ दे पुंइता। गे नोले थमा पा इ थुं परमप्रभु यावे गे लेश्‍शा थमा सुइक्‍नेवे। मिनु थमा सुइक्‍ब आन कली ‘थमा सुइक्‍चा मप्रोनीन’ दे आन थुं बारपतो” दे अर्ती गेवा बाक्‍त। यूहन्‍ना १७:११,१५

यूहन्‍ना 1:42

मिनु अन्‍द्रीयासमी सिमोन पत्रुस कली येसु नु ग्रुम्‍पाइक्‍तु। येसुमी मेको कली तशा “गे योआन्‍नेस आ तौ सिमोन नवे। इ नें केफास देंचा माल्‍ब” देंत। केफास देंशो फुल्‍लु बाक्‍ब। ग्रीक लोव़मी पत्रुस बाक्‍ब।

यूहन्‍ना 6:45

मिनु परमप्रभु यावे आ लोव़ पाइब आन किताबमी ‘परमप्रभु यावेमी नेल्‍ल आन कली शेंब’ दे ब्रेक्‍शो बाक्‍त। तेकोमी आं आफ आ लोव़ नेंशा शेंसीबा, मेको आं गे पीब। यसैया ५४:१३

१ कोरिन्‍थी 15:50

आं लोक्‍बपुकी, मुल हुश नु रुश पाइश्‍शो मुर परमप्रभु यावे आ राज्‍य ओव़ने मचाप्‍नीम। बेक्‍शा जाम्‍शा लाइब रां, गेना हना यो लीब रां दुम्‍ने मचाप्‍ब।

गलाती 1:16

मोपतीके आ तौ येसु ख्रीस्‍त कली तपाइक्‍ती। मिनु शुश अर्को रागी ङा मुर आन कली आ तौ आ पर्बम शेंथ सोइक्‍ताक्‍यी। मेको शेंचा आ पर्बम गो सुइ नु लोव़सी मपङ। अर्को मुर आन अर्ती यो मनेंनु। मत्ती १६:१७; गलाती २:७

एफिसी 2:8

मिनु गेपुकी परमप्रभु यावे आ शिशी तशा, थमा सुइक्‍तीके पाप रे ब्रोंइतीनी। मेको इन पतीके ममाइ, परमप्रभु यावेमी मोशा गेशो बाक्‍ब। रोमी ३:२३-२४; गलाती २:१६

एफिसी 3:5

मुल परमप्रभु यावे आ सोक्‍तीमी येसु ख्रीस्‍त आ सोइश्‍शो नु परमप्रभु यावे आ लोव़ पाइब आन कली परमप्रभु यावे आ ख्रुइश्‍शो मार बाक्‍बा, दे शेंताक्‍ङमी। ङोंइती ङा मुरपुकीमी चहिं मतुइश्‍शो बाक्‍तेक्‍म। कलस्‍सी १:२६

एफिसी 6:12

गोपुकी मुर नु लडाइ मपाइनय। हुकुम पाइबपुकी, अधिकार पाइबपुकी नु रागी कली मुल छिङछिङमी गेय पाइब वोल नु लडाइ पाइनय। मेको स्‍वर्गम बाक्‍ब सैतान आ गेय पाइबपुकी बाक्‍नीम। एफिसी २:२; लूका २२:३१

हिब्रू 2:14

तमी तौ हुश नु रुश के जोल्‍शो नम। मोपतीके येसु ख्रीस्‍त मेकोपुकी नु खाल का ङा पा हुश नु रुश के दुम्‍त। बेक्‍पाइक्‍ब सक्ति पाइश्‍शो कली खतम पोक्‍चा कली आंमन बेक्‍त। २तिमोथी १:१०; १यूहन्‍ना ३:८

१ पत्रुस 5:1

गो इन खोदेंशो खाल्‍पा नङ। गो थमा सुइक्‍ब आन दातेमी बाक्‍शो शेंब खाल्‍पा इन कली अर्ती गेनुङ। गो ख्रीस्‍त आ श्‍येत जशो तशो नङ। मुल गो जाक्‍चशो छेङछेङ ङा मुर यो दुम्‍ती। २यूहन्‍ना :१; मत्ती २६:३७,६९; रोमी ८:१७

१ यूहन्‍ना 4:15

सुमी “येसु परमप्रभु यावे आ तौ बाक्‍ब” देंबा, मेको परमप्रभु यावे नु थुं का ङा बाक्‍ब। मिनु परमप्रभु यावे यो मेको नु थुं का ङा बाक्‍ब। १यूहन्‍ना ५:५

१ यूहन्‍ना 5:20

मिनु परमप्रभु यावे आ तौमी इं कली रुप्‍तीक थुं गेप्‍तु, दे तुइक्‍नय। मेको रुप्‍तीक थुंमी थमा पतीके कली तुइक्‍नय। गोपुकी मेको थमा पाइब नु थुं का ङा बाक्‍नय। मोपा आ तौ येसु ख्रीस्‍त नु यो थुं का ङा बाक्‍नय। मेको थमा परमप्रभु यावे नु गेना हना यो ब्रोंइशा बाक्‍तीक बाक्‍ब। यूहन्‍ना १७:३