मत्ती 15:23 - Sunuwar Bible

²³ मिनु येसु सिक्‍सी पा बाक्‍त। मिनु शेंसीबपुकीमी “एको मीश मुरुम रेयके पना पन इं नोले खोइश्‍शा पिन पिन बाक्‍ब। एको कली सोइक्‍तीने” देंतेक्‍म।

मत्ती 15:23 ပူးပေါင်းရင်းမြစ်များ

उत्पत्ती 42:7

मिनु योसेफमी आ लोक्‍ब आन कली तशा, तुइक्‍ता बाक्‍त। तन्‍न मतुइश्‍शो खोदेंशो पा ठेयब सेंदामी “ते रे जाक्‍नी?” दे हिल्‍लो पामी बाक्‍त। मिनु मेकोपुकीमी “गो कनान रागी रे अन्‍न ग्‍याप्‍थ जाक्‍तक” देंमा बाक्‍त।

भजन संग्रह 28:1

परमप्रभु यावे, गो इन कली लोव़ पाइनुङ। गे आं सेरथे फुल्‍लु बाक्‍नीनी। आं कली लोव़ मलेत्‍थु, आं क्‍येङा ङोन मलने। मो पाइतीनी हना, गो बेक्‍शो मुर खोदेंशो दुम्‍नुङ।

बिलाप 3:8

गो “वारच पाइय्‍यीनी” दे शुश ब्रेत्‍ती। तन्‍न आं ब्रेश्‍शो नेंशा यो सिक्‍सी पा बाक्‍त। भजन संग्रह २२:३; भजन संग्रह ६९:४

मत्ती 14:15

मिनु नां रिक्‍चावानु, आ शेंसीबपुकीमी “एको मारेइ मबाक्‍तीकेम मार जाइनीमी? देल्‍शो मुर आन कली लचा गेने। गाउं गाउं लशा, ग्‍याप्‍शा जामेक्‍ल” देंतेक्‍म।

मत्ती 15:22

मिनु मार दुम्‍त देंशा हना, कनानी रागी ङा मीश मुर का जाक्‍शा “दाऊद आ तौ, प्रभु, शिशी पाइय्‍यीनी। आं तमी कली वोलम सुम्‍शा शुश श्‍येत गेप्‍तु। वोल कली खेरशा सापतीने” दे ङाक्‍न ङाक्‍न पुंइतु।

मत्ती 15:24

मिनु येसुमी “लां जाम्‍शो भेडा खोदेंशो दुम्‍शो इं इस्राएल ङा मुर आन कली ला वारच पथ, सोंइसीशो नङ” देंत। मत्ती १०:५-६; रोमी १५:८

ब्‍यवस्‍था 8:2

मिनु परमप्रभु यावे, इन परमप्रभुमी इन कली ४० बर्स सम्‍म गोरशो रागीमी बाक्‍पाइक्‍तु। इन कली मारदे मोदेंशो पाप्‍तु देंशा हना, इन कली ब्रेम्‍पाइक्‍चा, इन थुं नाक्‍चा नु गे इन नेल्‍ल थुंमी आ शेंशो पाइनीनी देय मपाइनीनी, दे तुइक्‍चा कली इन कली मेको ४० बर्स सम्‍म मेकेर गाक्‍पाइक्‍तु। ब्‍यवस्‍था १३:४; उत्‍पत्ती २२:१; प्रस्‍थान १६:४; प्रस्‍थान २०:२०; न्‍यायाधीस २:२२