मत्ती 15:12 - Sunuwar Bible

¹² मिनु शेंसीबपुकीमी येसु कली “शेंब, इन देंशो नेंशा, फरिसीपुकी आन थुं मनुम दे तुइक्‍तीनी?” देंतेक्‍म।

मत्ती 15:12 ပူးပေါင်းရင်းမြစ်များ

मत्ती 11:6

सु सुमी आं कली तशा थुं मखाइक्‍पाइक्‍नीम, मेकोपुकी ग्‍येरसमल, दे मतीन” दे लेश्‍शा सोइक्‍ताक्‍मी। मत्ती १३:५७; मत्ती २६:३१

मत्ती 15:11

शोव़ आगा ओव़ब थोव़कीमी मुर कली ग्रांग्रा मसेल्‍ब। शोव़ रे ग्रूशोमी चहिं मुर कली ग्रांग्रा सेल्‍ब” दे शेंताक्‍मी। प्रेरित १०:१५; १तिमोथी ४:४; तीतस १:१५

मत्ती 15:13

मिनु येसुमी “स्‍वर्ग ङा आं आफोमी मख्रुम्‍शोपुकी तुल्‍शा ताइक्‍चा पुंइसीनीम। प्रेरित ५:३८

मत्ती 17:27

मोदेंशो बाक्‍त हना यो, मेको आन थुं नुपाइक्‍चा कली तिरो थाप्‍तस। गे समुन्‍द्रमी लशा, बोल्सी ग्‍यारशा, नेल्‍ल क्‍येङा ङोंइती रेश्‍शो ङांइ आ शोव़ पाक्‍को। आ शोव़ आगामी स्‍तातेर का थित्‍नेवे। मेको लाइश्‍शा, इस तिरो थाप्‍तो” दे माइश्‍शा सोइक्‍ताक्‍व। स्‍तातेर का ४ देनार बाक्‍ब। ग्रीक क्‍येट बाक्‍ब।

२ कोरिन्‍थी 6:3

प्रभुमी पपाइश्‍शो गेयम मारेइ दूली मपाइनीकी। सुइ आन थुं मक्‍याल्‍नीकी।

गलाती 2:5

येसु ख्रीस्‍त आ लोव़ थमा बाक्‍ब देंशा, मेको दूली शेंब आन लोव़ नेंशा, छिन का यो गु ब्रेश्‍शा मबाक्‍क। मिनु मोदेंशो पशोमी इन कली शेंशो ग्‍येरपाइक्‍ब लोव़ थमा बाक्‍ब, दे कोंइताक्‍क। गलाती ३:१

याकूब 3:17

परमप्रभुमी गेशो निप्‍स पाइश्‍शो थुंमी मुर कली ग्रांग्रा दिचा ङा गेय मपपाइक्‍ब। सुइ नु मजिपाइक्‍ब। ब्रेम्‍शो सेल्‍ब। गाइश्‍शो फाल्‍पाइक्‍ब। शुश शिशी पपाइक्‍ब। रिम्‍शो गेय पपाइक्‍ब। कुल कोव़शा, गेय मपपाइक्‍ब। जोल मपपाइक्‍ब।