मत्ती 14:9 - Sunuwar Bible

⁹ मिनु हेरोदमी मेको लोव़ नेंशा, आ थुं मनुमाक्‍त। तन्‍न भोजमी जाक्‍ब आन कुल कसम जशा लोव़ गेतीके मगेनन देंने मचबा बाक्‍त।

मत्ती 14:9 ပူးပေါင်းရင်းမြစ်များ

उपदेसक 5:2

ब्‍वाक्‍चा कली मचुइक्‍‍तीन। परमप्रभु आ ङोंइती रीब पा लोव़ मपन। परमप्रभु स्‍वर्गमी बाक्‍ब। गे चहिं रागीम बाक्‍नीनी। मोपतीके शुश मब्‍वाक्‍कीन।

येरमीया 44:25

मुर नेल्‍ल आन परमप्रभु यावे, इस्राएली आन परमप्रभुमी ‘गे नु इन मीश, इन देंशो, गोपुकीमी आंइ कसम जशो खाप्‍नीकी। गो सरीङ ङा पिपीम कली धूप चढ़ेशा, मेको कली तूचा थोव़क लुक्‍नीकी’ दे इन कसम जशो थमा पा खपीन।

मत्ती 14:1

येसुमी छक लाक्‍चा ङा गेय पा शेंना शेंन गाक्‍मेनु, आ पशो नु आ शेंशो पिप हेरोदमी नेंना बाक्‍त। मेको पिप हेरोद चहिं मेको रागी ङा ४ भागमी भाग का ङा पिप बाक्‍माक्‍त। मोपतीके भाग का ङा आन पिप, दे नें वोइश्‍शो बाक्‍माक्‍त।

मत्ती 14:10

मिनु आ सिपाही आन कली जेल्‍खानमी सोइश्‍शा, यूहन्‍ना कली क्‍योरपा,

मत्ती 14:5

मो देंतीके यूहन्‍ना कली साइक्‍चा माल्‍शो बाक्‍माक्‍त। तन्‍न मुर आन कली तशा हिंमाक्‍त। मारदे हना मुरपुकीमी यूहन्‍ना परमप्रभु यावे आ लोव़ पाइब बाक्‍ब, दे थमा सुइश्‍शो बाक्‍मा बाक्‍त। मत्ती २१:२६

मत्ती 14:8

मिनु मीश आल आ ममामी “ब्‍वाक्‍कुम ख्रुम्‍शा ग्रुंइब यूहन्‍ना आ पिया क्‍योरशा, थालम कुर पा गेयीनी” दे पुंइपदा बाक्‍त।

मर्कूस 6:14

मिनु हेरोद पिपमी मेको लोव़ नेंना बाक्‍त। मारदे हना येसु आ नें तेइ तेइ ब्रशो बाक्‍माक्‍त। का निक्‍शी मुरपुकीमी “ब्‍वाक्‍कुमी ख्रुम्‍शा ग्रुंइब यूहन्‍ना बेक्‍शो रे सेंचा पुंइसे बाक्‍त। मोपतीके सक्ति पाइश्‍शो गेय पाइबाक्‍माक्‍त” देंबाक्‍मा बाक्‍त।

मर्कूस 6:20

तन्‍न साइक्‍पाइक्‍ने मचाप्‍शो बाक्‍माक्‍त। मारदे हना हेरोद पिपमी “यूहन्‍ना ठीक पाइब नु रिम्‍शो थुं पाइश्‍शो मुर बाक्‍ब” दे तुइश्‍शा, यूहन्‍ना क्‍येङा हिंबाक्‍माक्‍त। मोपतीके साइक्‍चा मगेथु वोइश्‍शो बाक्‍माक्‍त। मिनु यूहन्‍ना आ लोव़ नेंनें दाक्‍शा, आ थुं ग्‍येत्‍थ लुक्‍च दुम्‍शा, नोफा दाइश्‍शा नेंबाक्‍माक्‍त।

मर्कूस 6:26

मेको आ पुंइशो नेंशा, पिप आ थुं शुश खाइक्‍माक्‍त। तन्‍न मेकेर बाक्‍ब आन कुल कसम जशा ङा मिन “इ पुंइशो गेनन” देंतीके “मगेनन” देंने मचबा बाक्‍त।

लूका 13:32

मिनु येसुमी “लशा, मेको फ्‍याउरे कली ‘मुलाक्‍ती नु दीसा वोल आन कली खेरनुङमी। रोइ पशो मुर आन कली सापाइक्‍नुङमी। मिनु नित्‍थ नाक्‍ती आं गेय थुम्‍नुङ।

न्‍यायाधीस 11:39

मिनु महिना निक्‍शी नोले मेको लेश्‍शा जाक्‍माक्‍त। मिनु येफ्‍तामी परमप्रभु कली आ पशो कसम खबा बाक्‍त। मिनु मेको मीश आल कन्‍नेन बेक्‍माक्‍त। न्‍यायाधीस ११:३१; ब्‍यवस्‍था १२:२९-३१

न्‍यायाधीस 21:1

मिनु ङोंइती मिस्‍पामी जाक्‍शो इस्राएलीपुकीमी मार कसम जशो बाक्‍मा बाक्‍त देंशा हना “गोपुकीमी इं तमी आन कली बेन्‍यामीन आ थर ङा मुर आन कली ग्‍युंबे पा मगेय” दे कसम जशो बाक्‍‍मा बाक्‍त। न्‍यायाधीस २०:१

१ सामुएल 14:24

मेको नाक्‍ती सावलमी ममिम्‍थु, गेय पवा बाक्‍त। मेकोमी मुर आन कली “गो आं जोरी सत्रु आन कली क्‍येक्‍क लेन्‍ने मथुमु सम्‍म, सुम नाक्‍दो दुम्‍चा क्‍येङा ङोंइती जाइ‍बा, मेको सराप रल” देंशा कसम जपाइक्‍मी बाक्‍‍त। मोपा मेको नाक्‍ती इस्राएली थाम्‍पा दशो बाक्‍मा बाक्‍त। सुइमी मारेइ मजामे बाक्‍त।

१ सामुएल 14:28

तन्‍न लडाइ पाइब कामी मेको कली “इन आफोमी मो पचा मदुम्‍ब देंशो बाक्‍ब” देंमाक्‍त। मेकोमी “मुलाक्‍त जचा थोव़क जाइ‍ब सराप रल देंशो बाक्‍ब” देंमाक्‍त। मुरपुकी चहिं शोव़लुम बेक्‍चशो बाक्‍मा बाक्‍त।

१ सामुएल 25:22

मिनु दाऊदमी “दीसा सुनी सम्‍म गो मेको आ खिं ङा वोंइश मुर नेल्‍ल मसाइक्‍ताक्‍मी हना, परमप्रभुम आं कली मोन पवल” दे कसम जवा बाक्‍त।

१ सामुएल 28:10

मिनु सावलमी परमप्रभु यावे आ नेंम कसम जशा, मेको कली “परमप्रभु यावे ब्रोंइशा बाक्‍शो खोदेंशो पा, गे एको गेय आ पर्बम मारेइ सजाइ मताइनीनी” देंमाक्‍त।