मत्ती 14:8 - Sunuwar Bible

⁸ मिनु मीश आल आ ममामी “ब्‍वाक्‍कुम ख्रुम्‍शा ग्रुंइब यूहन्‍ना आ पिया क्‍योरशा, थालम कुर पा गेयीनी” दे पुंइपदा बाक्‍त।

मत्ती 14:8 ပူးပေါင်းရင်းမြစ်များ

१ राजा 18:13

आं प्रभु, इजेबेलम परमप्रभु यावे आ लोव़ पाइब आन कली साइक्‍ना साइक्‍न बाक्‍मेनु, गो मार पङा, मेको गे मनेंनी ङा? गो मेको आन दाते ङा सहे का जना आन कली ५०, ५० जना पा पुक्‍खीम ख्रुइश्‍शा वोइक्‍तामी। मिनु मेको आन कली जचा तूचा गेतामी।

१ राजा 18:4

इजेबेलम परमप्रभु यावे आ लोव़ पाइब आन कली साइक्‍ना साइक्‍न बाक्‍मेनु, ओबदियामी मेको आन दाते ङा सहे का जना आन कली लाइश्‍शा, मेको आन कली प्रोंइचा कली जचा तूचा थोव़क गेशा ५०, ५० जना ङा हुल पा पुक्‍खी निक्‍शीम ख्रुइश्‍शा वोइश्‍शो बाक्‍माक्‍त।

१ राजा 19:2

मिनु इजेबेलम एलीया आ बाक्‍तीकेम “गे दोपा मेको आन कली सदी, मोपा गो दीसा एं ना सम्‍म इ कली मसाइक्‍तन हना, देवतापुकीम आं कली यो मोदेंशोन पाइय्‍यीमील। मेको क्‍येङा यो शुश पाइय्‍यीमील” देंथ लोव़ कुरब मुर सोइक्‍ता बाक्‍त।

२ राजा 11:1

अहाज्‍याह आ ममा अथाल्‍याहम आ तौ कली साइश्‍शो तशा, पिप आ खिं ङा मुर नेल्‍ल आन कली साइक्‍चा गोवा बाक्‍त। २राजा ८:२६; २राजा ९:२७

एज्रा 1:9

मिनु मेको बोस मार मार बाक्‍तेक्‍म देंशा हना, सुन के बोस ३० ओटा, चांदी के बोस हजार का ओटा, क्‍योरतीके २९ ओटा,

हितोपदेस 1:16

मारदे हना मेकोपुकी मरिम्‍शो गेय पचा कली रीब पा दोरनीम। हुश ख्राक्‍श पोक्‍चा कली चुइक्‍नीम।

हितोपदेस 29:10

हुश ख्राक्‍श पोक्‍ब मुरुमी दोस मताइब मुर आन कली काइ मदाक्‍ब। मेकोमी रिम्‍शो थुं पाइश्‍शो मुर कली साइक्‍चा माल्‍ब।

गन्‍ती 7:13

मिनु मार चाक्‍तु देंशा हना, सहे का ३० शेकेल ङा चांदी के थाल का ७० शेकेल ङा चांदी के बोस का चाक्‍तु। मेको शेकेल ग्रुम्‍तीक ताम्‍बु ङा शेकेल खोदेंशो बाक्‍तेक्‍म। मेको थाल नु बोस निम्‍फामी तेलम निशो रिम्‍शो फसीम प्रिंशो बाक्‍ताक्‍स। मेको अन्‍न चढ़ेतीके बाक्‍त। ताम्‍बु ङा शेकेल का १२ ग्राम ङा क्‍येट बाक्‍ब। बजार ङा शेकेल चहिं ११.५ ग्राम बाक्‍ब।

गन्‍ती 7:19

मिनु मार चाक्‍तु देंशा हना, सहे का ३० शेकेल ङा चांदी के थाल का नु ७० शेकेल ङा चांदी के बोस का चाक्‍तु। मेको शेकेल ग्रुम्‍तीक ताम्‍बु ङा शेकेल खोदेंशो बाक्‍तेक्‍म। मेको थाल नु बोस निम्‍फामी तेलम निशो रिम्‍शो फसीम प्रिंशो बाक्‍ताक्‍स। मेको अन्‍न चढ़ेतीके बाक्‍त।

मत्ती 14:11

आ पिया थालम कुर पा चाक्‍पा गेपदा बाक्‍त। मिनु मीश आलम मेको थाल ताक्‍शा लाइश्‍शा, आ आम्‍मा कली गेवा बाक्‍त।

मत्ती 14:7

मेको कली सिल पशो तशा, हेरोद थाम्‍पा ग्‍येरशा, कसम जशा “मार पुंइतीवी हना यो, गो गेनन” दे मदा बाक्‍त।

मत्ती 14:9

मिनु हेरोदमी मेको लोव़ नेंशा, आ थुं मनुमाक्‍त। तन्‍न भोजमी जाक्‍ब आन कुल कसम जशा लोव़ गेतीके मगेनन देंने मचबा बाक्‍त।

मर्कूस 6:24

मिनु मीश आल ग्रूशा, आ ममा कली “मार पुनु माइ” दे हिल्‍लो पवानु, आ ममामी “ब्‍वाक्‍कुम ख्रुम्‍शा ग्रुंइब यूहन्‍ना आ पिया गेचा नङ, दे पुनो” देंमाक्‍त।

मर्कूस 6:25

मिनु मीश आल फ्रा लेश्‍शा, ओव़शा पिप कली “ब्‍वाक्‍कुम ख्रुम्‍शा ग्रुंइब यूहन्‍ना आ पिया थालमी कुर पा गेयीनी” दे पुना बाक्‍त।

मर्कूस 6:28

मिनु आ पिया थालम कुर पा चाक्‍शा, मीश आल कली गेवा बाक्‍त। मिनु मीश आलमी आ ममा कली गेवा बाक्‍त।