मत्ती 14:5 - Sunuwar Bible

⁵ मो देंतीके यूहन्‍ना कली साइक्‍चा माल्‍शो बाक्‍माक्‍त। तन्‍न मुर आन कली तशा हिंमाक्‍त। मारदे हना मुरपुकीमी यूहन्‍ना परमप्रभु यावे आ लोव़ पाइब बाक्‍ब, दे थमा सुइश्‍शो बाक्‍मा बाक्‍त। मत्ती २१:२६

मत्ती 14:5 ပူးပေါင်းရင်းမြစ်များ

येरमीया 26:21

मिनु पिप येहो-याकीम नु मेको आ ठेयब मुरपुकी, आ कप्‍तान नेल्‍लेम उरीयाह आ पशो लोव़ नेंतेक्‍म। मिनु पिपम मेको कली साइक्‍चा माल्‍तु। तन्‍न मेको लोव़ नेंशा उरीयाह हिंत। मिनु प्रोक्‍शा इजीप्‍त रागी लत।

मत्ती 11:9

गेपुकी मार कोव़थ लनी, मिनु? परमप्रभु यावे आ लोव़ पाइब तांइसीबा कों, दे कोव़थ लनी? गे नेल्‍ल आन क्‍येङा ठेयब परमप्रभु यावे आ लोव़ पाइब ताइतीनी, दे इन कली देंनुङ। लूका १:७६; लूका २०:६

मत्ती 21:26

मुरपुकी रे तवा बाक्‍त देंयानु, मुरपुकीमी इं लोव़ मनेंथु मटीनीम। मारदे हना मुरपुकीमी यूहन्‍ना परमप्रभु यावे आ लोव़ पाइब बाक्‍त, दे थमा सुइश्‍शो बाक्‍नीम” देंमुम्‍तेक्‍म। मत्ती १४:५

मत्ती 21:32

मारदे हना यूहन्‍नामी ठीक लां कोंइशा यो गेपुकीमी थमा सुइश्‍शा, इन थुं परमप्रभु यावे गे मलेत्‍तीनी। मेकोपुकीमी चहिं यूहन्‍ना कली थमा सुइश्‍शा, आन थुं परमप्रभु यावे गे लेत्‍ताक्‍म” देंत। लूका ७:२९

लूका 20:6

मुरपुकी रे तवा बाक्‍त देंतय हना, एकेर बाक्‍बपुकीमी इं कली फुल्‍लु आप्‍शा साइक्‍नीम। मारदे हना यूहन्‍ना परमप्रभु यावे आ लोव़ पाइब बाक्‍त, दे थमा सुइक्‍ब बाक्‍नीम” दे शुश मिम्‍शा लोव़सी पामे बाक्‍त।

प्रेरित 4:21

मिनु मेको आस दोस थिन्‍ने मचाप्‍तीके मेकोपुकीमी “हेरकादे, मुल ङा मेरे मोदेंशो गेय मपसे” दे हिंच कोंइशा, लोव़ थोक्‍शा, सोइक्‍तमे बाक्‍त। शुश मुरुमी आस पशो छक लाक्‍चा ङा गेय तशा, परमप्रभु कली ठेयब सेल्‍ना सेल्‍न बाक्‍बाक्‍मा बाक्‍त।

प्रेरित 5:26

मिनु कप्‍तान नु गेय पाइबपुकी परमप्रभु यावे आ खिं लशा, सोइश्‍शो आन कली मारेइ मपथु, चाक्‍ग्‍मे बाक्‍त। “मारदे हना मरिम्‍शो पाइ‍तय हना, मुरपुकीमी इं कली फुल्‍लु आप्‍शा साइक्‍नीम” दे हिंमा बाक्‍त।