मत्ती 13:39 - Sunuwar Bible

³⁹ सुवा ब्‍वारब सैतान बाक्‍ब। रुप्‍ची नाक्‍त चहिं निसाफ पची नाक्‍त बाक्‍ब। गेय पाइबपुकी परमप्रभु यावे आ गेय पाइब नम।

मत्ती 13:39 ပူးပေါင်းရင်းမြစ်များ

दानीएल 7:10

मिनु मेको शुश बर्स दुम्‍शो का आ ङोंइती रे मी के खोला खोदेंशो पा ग्रूत। मिनु हजार हजार आ स्‍वर्ग ङा गेय पाइबमी मेको कली गेय पाम्‍तेक्‍म। मिनु १०, १० हजार मेको आ ङोंइती बाक्‍तेक्‍म। मिनु मेको निसाफ पचा कली निस्‍साक्‍म। मिनु किताबपुकी प्राक्‍शा वोइक्‍तेक्‍म। प्रकाश ५:११; भजन संग्रह ६९:२९; प्रकाश २०:१२

योएल 3:13

मिनु इन गुयेमी रिक्‍चा ठीक दुमीन। मारदे हना बाली नाली खुप्‍ची जाक्‍शो बाक्‍ब। मिनु ओव़शा अङगुर ख्राक्‍कीन। मारदे हना कोल ब्रीशो बाक्‍त। गर ब्रीशा क्‍युप्‍शो बाक्‍नीम। मेको खोदेंशो पा आन मरिम्‍शो पशो शुश दुम्‍त। प्रकाश १४:१५; यसैया ६३:३,६; प्रकाश १४:१८

मत्ती 12:32

रागीम जरमेशो आ पर्बम शुक्‍शी लोव़ पाम्‍तेक्‍म हना, माफ ताइनीम। तन्‍न सुमी परमप्रभु यावे आ सोक्‍त आ पर्बम शुक्‍शी लोव़ पाइबा, मेको आ पाप मुल मक्‍याम्‍सीब, बेक्‍शा लशा नोले यो मक्‍याम्‍सीब, गेना हना यो लीब। १तिमोथी १:१३

मत्ती 13:22

चू घारीम जुक्‍शा सुम्‍शो खोदेंशो बाक्‍त हना, लोव़ नेंब। तन्‍न दोपा ठेयब दुम्‍नुङा? दोपा क्‍येट चेमु? दे मिम्‍शा, आ थमा सुइक्‍तीके देक्‍ब। मिनु नेंशो लोव़मी फल मसिप्‍ब। मत्ती ६:१९-३४; १तिमोथी ६:९

मत्ती 13:25

मिनु नाक्‍दो इम्‍मेनु, आ जोरी सत्रुमी मेको तारी सुवा ब्‍वारशा गेवा बाक्‍त।

मत्ती 13:28

मिनु रू धनीमी ‘आं जोरी सत्रुमी ब्‍वारा बाक्‍त’ देंमाक्‍त। ‘मो हना मेको सुवा तुल्‍शा ताइक्‍तका? मार देंनीनी?’ देंमानु

मत्ती 13:40

सुवा खुप्‍शा, मीम चोशो खोदेंशो पा निसाफ पची नाक्‍त मार दुम्‍ब देंशा हना, मोदेंशोन दुम्‍ब।

मत्ती 13:49

निसाफ पची नाक्‍त मोदेंशोन दुम्‍ब। परमप्रभु यावे आ गेय पाइबपुकी जाक्‍शा, ठीक पाइब आन दाते रे पापी आन कली योव़शा ग्रुंइशा, मत्ती २५:३२

मत्ती 24:3

मिनु जैतून डांडामी जाक्‍दीश्‍शा बाक्‍मेनु, आ शेंसीबपुकी यो जाक्‍शा “एको इन देंशो लोव़ गेना दुम्‍बा? इन जाक्‍ची ना ङा चिन्‍ड मार तांइसीनीमी? मिनु रागी नुप्‍चवा बाक्‍त, दे दोपा तुंइ‍सीबा?” दे हिल्‍लो पाम्‍तेक्‍म। प्रेरित १:६-८

मत्ती 25:31

रागीम जरमेशो परमप्रभु यावे आ स्‍वर्ग ङा गेय पाइबपुकी नु आ छेङछेङमी जाक्‍शा, आ ठेयब नित्‍तीकेम निस्‍सीब। मत्ती १६:२७; प्रकाश २०:११-१३

मत्ती 28:20

मिनु गोमी इन कली मार मार शेंदन्‍नी, मेको नेल्‍ल मेको आन कली शेंशा पपतीने। नेनीने, रागी मनुप्‍ची सम्‍म गो गेनायो गेपुक नु बाक्‍नुङ” देंत। मत्ती १६:२०

१ कोरिन्‍थी 10:11

मेको आन मोदेंशो दुम्‍शो तुइश्‍शा, गोपुकीमी रुब्‍यल, दे एको लोव़ नेल्‍ल ब्रेक्‍शो बाक्‍त। एको रागी नेल्‍ल जाम्‍शा लचा चिक्‍शो बाक्‍त। १पत्रुस ४:७

२ कोरिन्‍थी 11:3

बुस्‍सुमी हव्‍वा कली मिलो शिलो पा जोल पा आ थुं हिरपा, परमप्रभु यावे कली मटीब सेल्‍शो खोदेंशो पा, दूली शेंबपुकीमी इन थुं क्‍याल्‍शा, ख्रीस्‍त कली दाक्‍चा रे हेंथे लां खोइक्‍पाइक्‍नीम। उत्‍पत्ती ३:४,१३

२ कोरिन्‍थी 2:17

तन्‍न गो परमप्रभु यावे आ लोव़ ग्‍याप्‍ब लेयब खोदेंशो पा मलेयनीकी। गो ठीक पाइब मुर बाक्‍नीकी। गो परमप्रभु यावे आ सोइश्‍शो, परमप्रभु यावे आ ङोंइती ख्रीस्‍त आ नेंमी शेंनीकी। २कोरिन्‍थी १:१२; २कोरिन्‍थी ४:२; १पत्रुस ४:११

एफिसी 2:2

मिनु रागी ङा मुर आन लां खोइक्‍तीनी। मोपा फशेम हुकुम पाइब, सैतान आ देंशो टीब बाक्‍तीनी। मेको आ सोक्‍ती परमप्रभु परमप्रभु यावे कली मटीब आन आगाम बाक्‍ब। तीतस ३:३; एफिसी ६:१२; यूहन्‍ना १२:३१

हिब्रू 1:2

नोले ङा नाक्‍ती आ तौ रे पा इं कली लोव़ पाप्‍तु। आ तौ कली नेल्‍ल अधिकार गेशो बाक्‍त। सरीङ नु रागी नेल्‍ल आ तौ रे पा सेला बाक्‍त। भजन संग्रह २:८; यूहन्‍ना १:३; कलस्‍सी १:१६

हिब्रू 9:26

ख्रीस्‍त मोदेंशो बाक्‍शो हना, रागी सेल्‍चा रे मुल सम्‍म शुश खेयप श्‍येत जचा माल्‍द वा। तन्‍न मेकोमी रागी नुप्‍ची ना खेयप का पाप क्‍याम्‍चा कली आंम कली चढ़ेवा बाक्‍त। १कोरिन्‍थी १०:११; गलाती ४:४; हिब्रू १:३

१ पत्रुस 5:8

गेय पचा ङोंइती मिम्‍तीन। होस पा बाक्‍कीन। मारदे हना इन कली मदाक्‍ब सैतानमी शोव़लु बेक्‍शो गुप्‍स खोदेंशो पा “सु कली ब्‍वाइनुङा” दे माल्‍ना माल्‍न गाक्‍ब। १थिस्‍सलोनिकी ५:६; लूका २२:३१; २कोरिन्‍थी २:११

यहूदा 1:14

मिनु आदम रे ७ पाला नोले ङा हनोक माइश्‍शो मुर का बाक्‍त। मेकोमी मोदेंशो मुर आ पर्बम परमप्रभु यावेमी तुइक्‍पाइश्‍शो लोव़ पवा बाक्‍त। मेकोमी “नेनीन, प्रभु नु आ योव़शो हजार हजार जाक्‍तेक्‍म। हनोक कली हिब्रू लोव़मी एनोक देंनीम। उत्‍पत्ती ५:२१

प्रकाश 12:9

मिनु मेको ठेयब बुस्‍स आ नें मार बाक्‍त देंशा हना, माइत बुस्‍स, दियाबलस, सैतान बाक्‍त। मिनु मेको रागी रागी नेल्‍ल ङा मुर आन कली पाप पपाइक्‍चा कली रागीमी तोक्‍चा पुंइसीशो बाक्‍त। मिनु मेको आ गेय पाइबपुकी यो रागीमी तोक्‍चा पुंइसीशो बाक्‍तेक्‍म। प्रकाश २०:२; उत्‍पत्ती ३:१; लूका १०:१८

प्रकाश 13:14

मेकोमी ङोंइती ङा जन्‍तु नु बाक्‍शा, आ पशो छक लाक्‍चा ङा गेयमी मुर आन कली “परमप्रभु आ सक्ति पाइश्‍शो नङ” दे जोल पा छक लाक्‍चा ङा गेय पशा, मुर आन कली पाप पपाइक्‍तु। मार पाप पपाइक्‍तु देंशा हना, मेकोमी रागी ङा मुर आन कली “गार पाइश्‍शो जन्‍तु आ मूर्ति सेल्‍चा” दे शेंताक्‍मी।

प्रकाश 19:20

मोपा मेकोपुकी लडाइ पामेनु, मेको ठेयब जन्‍तु नु जोल पा परमप्रभु यावे आ लोव़ पखु पाइब आस कली ग्‍याइक्‍ताक्‍म। परमप्रभु यावे आ लोव़ पखु पाइब चहिं ठेयब जन्‍तु नु बाक्‍शा, छक लाक्‍चा ङा गेय पाइब बाक्‍त। मोपा मेको ठेयब जन्‍तु नु आ मूर्ति कली पूजा पाइब नु आ चिन्‍ड वोइक्‍ब आन कली मरिम्‍शो लां शेंशा खोइक्‍पदा बाक्‍त। मिनु मेको निक्‍शी सेसीन गन्‍धक नु ठेयब मी ब्रतीकेमी हुम्‍चा पुंइसाक्‍स। प्रकाश १३:११-१७; २थिस्‍सलोनिकी २:८