मत्ती 13:15 - Sunuwar Bible

¹⁵ मेको मुर आन थुं ग्‍याम्‍शो बाक्‍नीम। आन नोफा थांइशो बाक्‍नीम। आन मिक्‍च क्रिप्‍शो बाक्‍नीम। मोदेंशो मपशो नम हना, आन मिक्‍चीम ताम वा, नोफाम नेंनेम वा, थुंमी रुबेम वा, मिनु आं गे लेम्‍म वा, मिनु गो सापदुमी वा’ दे ब्रेक्‍शो बाक्‍त। यसैया ६:९-१०; यूहन्‍ना ९:३९

मत्ती 13:15 ပူးပေါင်းရင်းမြစ်များ

यसैया 6:10

मेको आन थुं खकटा सेलो। आन नोफा मनेंब नु आन मिक्‍च मताइब सेलो। मोदेंशो दुम्‍शा, मेको आन मिक्‍च मताइब नु नोफा मनेंब दुम्‍नीम। मोदेंशो मदुम्‍त हना, मेको आं गे लेत्‍नीम। मिनु गो मेको आन कली सापाइक्‍चा माल्‍नुङ” देंत। ब्‍यवस्‍था २९:३; रोमी ११:८

मर्कूस 4:12

मारदे हना आन मिक्‍चीमी कोव़नीम, तन्‍न मताइनीम। आन नोफामी नेंनीम तन्‍न मरुप्‍‍नीम। कोव़शा रुप्‍‍तेक्‍म हना, आन थुं लेश्‍शा, आन पाप क्‍याम्‍चा ताम वा” देंमाक्‍त। यसैया ६:९-१०

जकरिया 7:11

तन्‍न मेकोपुकीमी एको लोव़ मनेनेम। काइ मटीब दुम्‍शा, आन नोफा सुम्‍तेक्‍म।

मलाकी 4:2

तन्‍न गे आं नें कली मान पाइब, इन ङोंइती आं ठीक पतीके नां खोदेंशो पा दाप्‍ब। इन रोइ यो सानीनी। गे गोठ रे पा ग्रूशो बाछा खोदेंशो पा प्रेक्‍ना प्रेक्‍न दोरनीनी। लूका १:७८

येरमीया 17:14

मिनु गो “परमप्रभु यावे आं कली सापाइय्‍यीनी। मिनु गो सानुङ। आं कली प्रोंइयीनी। मिनु गो ब्रोंइनुङ। मारदे हना गे आं सक्ति बाक्‍नीनी। प्रस्‍थान १५:२६; बजन संग्रह ६:३

हिब्रू 5:11

ठेयब चढ़ेब सेल्‍शा वोइक्‍चा पुंइसीशो आ पर्बम मुल यो इन कली शुश शेंचा लीशो बाक्‍ब। इन नोफा थांइशो बाक्‍ब। मोपतीके मेको आ अर्थ दोपा रुप्‍पाइक्‍चा ननी?

२ तिमोथी 4:4

मेना थमा शेंतीक प्रोंइशा, मुर आन सेल्‍शो कथा नेंनीम। १तिमोथी ४:७; २थिस्‍सलोनिकी २:११

प्रेरित 7:57

मो देंमेनु “एको आ लोव़ मनेंचा” दे शुश रेयके पा, गुइ पोक्‍शा प्रेक्‍शा ग्राम्‍शा ग्‍याइक्‍तमे बाक्‍त।

भजन संग्रह 119:70

मेको आन थुं थांइशो बाक्‍ब। तन्‍न गो इन अरेशो लोव़ तुइश्‍शा ग्‍येरसीशो बाक्‍नुङ।

प्रकाश 22:2

सहर ङा लां आ दाते रे पा शाइश्‍शो बाक्‍त। मेको खोला ओंथ हांबु नु आइक्‍ची हांबुमी ब्रोंइचा गेब रवा बाक्‍शो बाक्‍तेक्‍म। मेको ब्रोंइचा गेब रवापुकीमी १२ किसीम ङा फल सिप्‍बाक्‍तेक्‍म। महिनामी खेयप का सिबाक्‍तेक्‍म। मेको ब्रोंइचा गेब रवा आ सफा रागी रागी ङा मुर आन कली सापाइक्‍चा कली बाक्‍तेक्‍म।

प्रेरित 3:19

मुल चहिं इन थुं परमप्रभु यावे गे लेश्‍शा, ख्रीस्‍त कली थमा सुतीन। मिनु मेकोमी इन पाप क्‍याम्‍ब। प्रेरित २:३८

होसे 14:4

मिनु परमप्रभुमी “गो इन नोले शोंइसीशो माफ गेनुङ। गो इन कली शुश शिशी पा दाक्‍नुङ। मारदे हना मुल इन कली तशा मगाइक्‍नुङ।

येरमीया 33:6

गो आं मुर आन कली सापाइक्‍नुङमी। मिनु गो मेको आन कली सापाइश्‍शा, आन माल्‍शो गेशा मारेइ मदुम्‍थु रिम्‍शो पा बाक्‍चा गेनुङमी। येरमीया ३०:१७

यसैया 57:18

गो मेको आन पशो ताता। तन्‍न गो मेको आन कली सापाइक्‍नुङमी। मेको आन कली कुक्‍शा, आन थुं बारपाङक्‍नुङमी। मेको आन दाते ङा रोंका पाइब आन कली थुं बारपाइक्‍तीक लोव़ पाइनुङ” देंत। प्रस्‍थान १५:२६

यसैया 44:20

सु सुमी पुलु कली सेउ पाइनीमी, मेको आन दूली थुंमी दूली मिम्‍पाइश्‍शो बाक्‍नीम। मेकोमी आंम कली प्रोंइने मचाप्‍ब। मिनु “आंइ सेल्‍शो मूर्ति जोल बाक्‍ब” मदेंनीम।

येरमीया 3:22

मिनु मेकोमी “थमा सुइक्‍ने मचाप्‍ब आलपुकी लेतीन। इन थमा सुइक्‍ने मचाप्‍तीके सापाइक्‍नन्‍नी” देंत। मिनु मेकोपुकीमी “दुम्‍ब, गो इन गे लेश्‍शा, जाक्‍नीकी। मारदे हना गे परमप्रभु यावे, आंइ परमप्रभु बाक्‍नीनी।

येरमीया 17:9

मुर आन थुं नेल्‍ल क्‍येङा जोल पाइब बाक्‍ब। गेना हना यो दूली पाइब बाक्‍ब। मेको कली सुम रुप्‍ने चाप्‍बा ङा? १सामुएल १६:७; बजन संग्रह ७:१०; हितोपदेस १५:११; रोमी २:६

लूका 19:42

“थुं नाइक्‍तीक ते रे जाक्‍बा, दे तुइक्‍ती हना दुम वा। तन्‍न मुल मेको इ ङोंइती रे ख्रुइश्‍शो बाक्‍ब। लूका १३:३४; मत्ती १३:१३,१४

प्रेरित 28:27

मेको मुर आन थुं ग्‍याम्‍शो बाक्‍नीम। आन नोफा थांइशो बाक्‍नीम। आन मिक्‍च क्रिप्‍शो बाक्‍नीम। मोदेंशो मपशो नम हना, आन मिक्‍चीमी ताम वा, आन नोफाम नेंनेम वा, थुंमी रुबेम वा, आं गे ले‍म वा, गो सापदुमी वा” दे ब्रेक्‍शो बाक्‍त’। यसैया ६:९-१०

हितोपदेस 16:30

मिक्‍च रिक्‍‍बमी दूली गेय पचा मिम्‍शो बाक्‍नीम। मोदेंशो मिम्‍शा सिक्‍सी पा बाक्‍बमी मरिम्‍शो पचा चिक्‍शो बाक्‍ब।