मत्ती 12:41 - Sunuwar Bible

⁴¹ निसाफ पची नाक्‍तीम निनवे सहर ङा मुरपुकी बोक्‍शा, एको पाला ङा आन कली दोसी सुइक्‍नीम। मारदे हना मेकोपुकीमी योना आ लोव़ नेंशा, आन थुं परमप्रभु यावे गे लेत्‍ताक्‍म। नेनीने, एकेर का योना क्‍येङा ठेयब बाक्‍ब। जोना ३:५

मत्ती 12:41 ပူးပေါင်းရင်းမြစ်များ

यसैया 54:17

गे नु लडाइ पचा कली सेल्‍शो यामी मग्रानीम। इ कली सुमी निसाफ पची ना दोस गेबा, मेको नेल्‍ल फ्रुचा पुंइसीनीम। मोपा ग्रातीके परमप्रभु यावे आं गेय पाइब आन अङस बाक्‍ब। मेको आं गेशो ठीक पतीके बाक्‍ब” दे परमप्रभु यावेमी देंत।

येरमीया 3:11

मिनु नोले परमप्रभु यावेमी आं कली “थमा सुइक्‍ने मचाप्‍ब इस्राएल, जोल पा मरिम्‍शो पाइब यहूदा क्‍येङा ठीक पाइब दुम्‍त।

योना 1:2

“गे छुल बोक्‍शा, निनवे माइश्‍शो ठेयब सहरम लावो। मिनु मेकेर ङा मुर आन मरिम्‍शो पशो आ पर्बम शेंदीमी। मारदे हना गो मेको आन मरिम्‍शो पशो नेल्‍ल ताता” दे मदा बाक्‍त।

योना 3:4

मिनु योनामी निनवे सहर ओव़शा, नाक्‍त का गाक्‍शा, मुर आन कली “४० नाक्‍त नोले एको सहर खतम दुम्‍ब” दे ठेयब सेंदामी शेंदा बाक्‍त।

मत्ती 12:39

मिनु येसुमी “मरिम्‍शो थुं पाइश्‍शो नु थमा मसुइक्‍बपुकीमी चिन्‍ड कोव़कोव़ दाक्‍नीम। मेको आन कली परमप्रभु यावे आ लोव़ पाइब योना आ चिन्‍ड ङा लाक्‍शा मारेइ चिन्‍ड मकोंइनुङमी।

मत्ती 12:42

निसाफ पची नाक्‍त लुक्‍च रागी ङा पिपीम बोक्‍शा, एको पाला ङा मुर आन कली दोसी सुइक्‍ब। मारदे हना मेकोमी ङोन रे कुशा, पिप सोलोमनमी दोदेंशो निप्‍स पा हुकुम पवा, दे कोव़थ जाक्‍माक्‍त। नेनीने, एकेर सोलोमन क्‍येङा ठेयब का बाक्‍ब। १राजा १०:१-१०

मत्ती 12:45

मिनु आ क्‍येङा ग्रांग्रा दिचा ङा ७ ओटा वोल आन कली माल्‍थ लशा चाक्‍ब। मिनु ओव़शा बाक्‍नीम। मिनु ङोंइती क्‍येङा मेको मुर शुश मरिम्‍शो दुम्‍ब। एको मरिम्‍शो पाला कली मोदेंशो दुम्‍ब” दे माइक्‍तीमी। २पत्रुस २:२०

मत्ती 12:6

एकेर परमप्रभु यावे आ खिं क्‍येङा ठेयब मुर का बाक्‍ब, दे इन कली देंनुङ। ।

मत्ती 16:4

मरिम्‍शो पाइब नु देवी देवता नु परमप्रभु यावे खाल्‍ब पालाम चिन्‍ड कोव़कोव़ दाक्‍नीम। मेको आन कली योना आ चिन्‍ड ङा लाक्‍शा मारेइ चिन्‍ड मकोंइनुङमी” देंशा, मेको आन कली प्रोंइशा गाक्‍त। मत्ती १२:३९-४०

मत्ती 17:17

मिनु येसुमी “गे थमा पा थमा मसुइक्‍ब नु मटीबपुकी, गेना सम्‍म गेपुकी नु बाक्‍नुङा? ओदेंशो इन पशो गेना सम्‍म फाल्‍शा बाक्‍नुङा ङा? रोइ पाइब कली चाक्‍कीन” देंत।

मत्ती 23:36

नोफा दाइश्‍शा नेनीने, मेको पाप एको पाला ङा मुर आन कली राइब। लूका १३:३४-३५

लूका 11:32

निसाफ पची नाक्‍ती निनवे सहर ङा मुरपुकी बोक्‍शा, एको पाला ङा मुर आन कली दोस ताइब सेल्‍नीम। मारदे हना मेकोपुकीमी योना आ लोव़ नेंशा, आन थुं परमप्रभु यावे गे लेत्‍ताक्‍म। नेनीन, एकेर योना क्‍येङा यो ठेयब का बाक्‍ब। योना ३:५

यूहन्‍ना 3:31

मेको स्‍वर्ग रे जाक्‍ब नेल्‍ल क्‍येङा ठेयब बाक्‍ब। रागी रे दुम्‍शो चहिं रागी ङा मुर बाक्‍ब। रागी ङा मुर आन पर्बम ला तुइश्‍शा लोव़ पाइब। स्‍वर्ग रे जाक्‍शो चहिं नेल्‍ल आन क्‍येङा ठेयब बाक्‍ब। यूहन्‍ना ८:२३

यूहन्‍ना 4:12

आंइ किकी पिप याकूब क्‍येङा गे ठेयब ननी ङा? याकूबमी आंइ कली एको इनार गेशो बाक्‍माक्‍त। एकेर ङा ब्‍वाक्‍कु आंमा यो तूङा बाक्‍त। आ तौपुकी नु आ बी ब्‍यफपुकीमी यो एको ब्‍वाक्‍कु तूङमे बाक्‍त, दे मतुइक्‍नीनी?” देंत।

रोमी 2:27

मेको अर्को रागी ङा ख्रोइक्‍तीक चिनु मख्रोइश्‍शो मुरपुकीमी यहूदी आन क्‍येङा आंमा आन थुं रे ठीक पाइनीम। मिनु निसाफ दुम्‍ची ना परमप्रभु यावे कली मटीब यहूदी आन कली दोस गेनीम।

हिब्रू 11:7

नोआह यो थमा सुइक्‍ब बाक्‍माक्‍त। यावेमी मेको कली “नोले ओदेंशो दुम्‍ब” मदानु, मेको लोव़ थमा सुइश्‍शा टिशा, ठेयब डोंगा सेल्‍शा, आ खिं ङा मुर आन कली ओंइशा, बेक्‍चा मगेथु प्रोंइमी बाक्‍त। नोआहमी मो पशो तशा यो अरुमी थमा मसुदमे बाक्‍त। मिनु आन थमा मसुइक्‍तीके दोसी दुम्‍शा, नेल्‍ल बेक्‍चा माल्‍मा बाक्‍त। नोआह चहिं थमा सुइश्‍शोमी ब्रोंइचा तांइसीब, दे कोंइब दुम्‍माक्‍त। उत्‍पत्ती ६:८-९,१३-२२