मत्ती 12:32 - Sunuwar Bible

³² रागीम जरमेशो आ पर्बम शुक्‍शी लोव़ पाम्‍तेक्‍म हना, माफ ताइनीम। तन्‍न सुमी परमप्रभु यावे आ सोक्‍त आ पर्बम शुक्‍शी लोव़ पाइबा, मेको आ पाप मुल मक्‍याम्‍सीब, बेक्‍शा लशा नोले यो मक्‍याम्‍सीब, गेना हना यो लीब। १तिमोथी १:१३

मत्ती 12:32 ပူးပေါင်းရင်းမြစ်များ

अय्‍युब 36:13

परमप्रभु कली मान मपाइब मुर गाइक्‍स ङा गाइक्‍स बाक्‍नीम। परमप्रभु रे पा सजाइ तामेनु, यो मेकोपुकीम ‘वारच पाइक्‍की’ दे मपुंइनीम।

मत्ती 11:19

रागीम जरमेशोमी चहिं जचा तूचा थोव़क नेल्‍ल जाइब तूब। मेको कली तशा ‘धोक्रे, शांबु राकसीमी दुक्‍ब, तिरो पोक्‍ब नु पापी आन वारच बाक्‍माक्‍त’ देंनीम। मेको के दोशो तुइक्‍तीक बाक्‍मे, मेको आ गेय रे पा तुंइ‍सीब” दे येसुमी मुर आन कली शेंताक्‍मी। मत्ती ९:१०-१५; यूहन्‍ना २:२; १कोरिन्‍थी १:२४-३०

मत्ती 12:31

मोपतीके गो इन कली मार देंनुङ देंशा हना, मुरपुकीमी पाप पा, परमप्रभु यावे कली शुक्‍शी लोव़ पाम्‍तेक्‍म हना, माफ गेचा पुंइसीनीम। परमप्रभु यावे आ सोक्‍त आ पर्बम शुक्‍शी लोव़ पशो पाप चहिं मक्‍याम्‍सीब, दे इन कली देंनुङ। मर्कूस ३:२८-३०; लूका १२:१०; १यूहन्‍ना ५:१६; हिब्रू ६:४-६; हिब्रू १०:२६

मत्ती 12:8

रागीमी जरमेशो चहिं नाइक्‍तीक नाक्‍त मार पचा, मार मपचा अधिकार पाइब बाक्‍ब” दे माइक्‍तीमी।

मत्ती 13:22

चू घारीम जुक्‍शा सुम्‍शो खोदेंशो बाक्‍त हना, लोव़ नेंब। तन्‍न दोपा ठेयब दुम्‍नुङा? दोपा क्‍येट चेमु? दे मिम्‍शा, आ थमा सुइक्‍तीके देक्‍ब। मिनु नेंशो लोव़मी फल मसिप्‍ब। मत्ती ६:१९-३४; १तिमोथी ६:९

मत्ती 13:39

सुवा ब्‍वारब सैतान बाक्‍ब। रुप्‍ची नाक्‍त चहिं निसाफ पची नाक्‍त बाक्‍ब। गेय पाइबपुकी परमप्रभु यावे आ गेय पाइब नम।

मत्ती 13:40

सुवा खुप्‍शा, मीम चोशो खोदेंशो पा निसाफ पची नाक्‍त मार दुम्‍ब देंशा हना, मोदेंशोन दुम्‍ब।

मत्ती 13:55

शी के सेल्‍ब आ तौ ममाइ ङा? आ ममा मरीयम ममाइ ङा? आ लोक्‍ब याकूब, योसेफ, सिमोन, यहूदा मनमी ङा?

मत्ती 8:20

मिनु येसुमी “फ्‍याउरे आन बाक्‍तीके ढोडोङगा बाक्‍ब। चिक्‍ब आन बाक्‍तीके ग्‍योव़ बाक्‍ब। रागीम जरमेशो के बाक्‍तीक मबाक्‍ब” देंमाक्‍त। २कोरिन्‍थी ८:९

मर्कूस 10:30

मेकोमी खेदा पा श्‍येत जचा पुंइसाक्‍व हना यो, मुल आ प्रोंइशो क्‍येङा शुश खिं, लोक्‍बम लोक्‍ब, आम आफ, तमी तौ नु रू ताइब। मिनु नोले गेना हना यो परमप्रभु यावे नु बाक्‍चा ताइब।

मर्कूस 3:28

नोफा दाइश्‍शा नेनीन, मुरपुकीमी पाप पाम्‍तेक्‍म हना यो, आन पशो पाप क्‍याम्‍चा ताइनीम। मरिम्‍शो लोव़ पाम्‍तेक्‍म हना यो, मेको पाप यो क्‍याम्‍चा ताइनीम।

मर्कूस 3:29

तन्‍न परमप्रभु यावे आ सोक्‍त आ पर्बम मरिम्‍शो लोव़ पशो पाप चहिं मक्‍याम्‍सीब। मोदेंशो लोव़ पाइब आ पाप गेना हना यो लीब” देंमाक्‍त। हिब्रू ६:४-६

लूका 12:10

सु सुमी रागीम जरमेशो आ पर्बम शुक्‍शी पामे, मेको का का पा माफ ताइनीम। सु सुमी चहिं परमप्रभु यावे आ सोक्‍त आ पर्बम शुक्‍शी लोव़ पामे, मेको आन पाप गेनायो मक्‍याम्‍सीब। मत्ती १२:३२; मर्कूस ३:२८-२९

लूका 16:8

मिनु जेर लाइक्‍ब नेल्‍ल आन के नक कागज सेल्‍शा, होव़प कली कोंइदा बाक्‍त। मिनु मेकोमी कोव़शा ‘गे मेको आन कली वारच सेल्‍शा, निप्‍स पाइश्‍शो गेय पा कोंइताक्‍यी’ देंमाक्‍त। रागीमी थमा सुइक्‍ब क्‍येङा थमा मसुइक्‍बपुकीमी निप्‍स पाइश्‍शो गेय पाइनीम। एफिसी ५:८-९

लूका 18:30

मोशो ला ममाइ, नोले गेना हना यो परमप्रभु यावे नु बाक्‍चा ताइब” देंमाक्‍त।

लूका 23:34

मिनु क्‍यद‍मेनु, येसुमी “आं आफ, एको आन कली माफ गेने। मारदे हना एकोपुकीम मारेइ मतुइश्‍शो बाक्‍नीम” दे पुना बाक्‍त। सिपाइपुकीमी फेन्‍टे ग्‍यारशा, आ वा योक्‍समा बाक्‍त। यसैया ५३:१२; प्रेरित ७:१६; प्रेरित ३:१७; भजन संग्रह २२:१९

लूका 7:34

रागीम जरमेशोमी चहिं जचा तूचा थोव़की नेल्‍ल जाइब तूब। मेको कली तशा ‘धोक्रे, शांबु राकसीमी दुक्‍ब, क्‍येट पोक्‍ब नु पापी आन वारच बाक्‍माक्‍त’ देंशा, मरिम्‍शो सुइक्‍तीनी। लूका १५:२

यूहन्‍ना 7:12

मिनु मुरपुकीमी येसु आ पर्बम शुश ख्रुइश्‍शा लोव़ पमुम्‍तेक्‍म। का निक्‍शीमी “रिम्‍शो मुर बाक्‍ब” देंतेक्‍म। का निक्‍शीमी चहिं “ममाइ, मुर आन कली हेंथे गाक्‍पाइक्‍ब बाक्‍ब” देंतेक्‍म।

यूहन्‍ना 7:39

मेको आ शेंशो दोदेंशो रुम्‍सीब देंशा हना, येसुमी परमप्रभु यावे आ सोक्‍त आ पर्बम शेंशो बाक्‍त। येसु कली थमा सुइक्‍बपुकीमी मेको सोक्‍त कली तचशो बाक्‍तेक्‍म। तन्‍न मेना सम्‍म परमप्रभु यावे आ सोक्‍त थमा सुइक्‍ब आन कली मगेशो बाक्‍त। मारदे हना येसु आ आफ आ छेङछेङम लाइक्‍चा मपुंइसीशो बाक्‍त। यूहन्‍ना १६:१७

यूहन्‍ना 7:52

मेकोपुकीमी “गे यो गालील रागी ङा नवे? परमप्रभु यावे आ लोव़ ब्रेक्‍शो किताब पढेशा कोव़ङो। गालील रे सुइ परमप्रभु यावे आ लोव़ पाइब मग्रूब, दे मतुइक्‍नेवे?” देंमा बाक्‍त।

प्रेरित 3:19

मुल चहिं इन थुं परमप्रभु यावे गे लेश्‍शा, ख्रीस्‍त कली थमा सुतीन। मिनु मेकोमी इन पाप क्‍याम्‍ब। प्रेरित २:३८

एफिसी 1:21

मिनु हुकुम पाइब, अधिकार पाइश्‍शो, सक्ति पाइश्‍शो ठेयब दुम्‍शो नेल्‍लेमी ख्रीस्‍त कली प्रभु देंचा माल्‍नीमी। मेको नेल्‍ल आन क्‍येङा ठेयब नें बाक्‍ब। मुल ला ममाइ, नोले यो मोदेंशोन बाक्‍ब। रोमी ८:३८-३९; फिलिप्‍पी २:९; कलस्‍सी २:१०

१ तिमोथी 1:13

ङोंइती गो मेको कली शुक्‍शी पाइब, श्‍येत गेब नु शुश मरिम्‍शो पाइब बाक्‍ती। तन्‍न मतुइक्‍ब नु थमा मसुइक्‍ब बाक्‍तीके परमप्रभु यावे आ शिशी ताता।

१ तिमोथी 1:15

मरिम्‍शो पाइब आन कली नरक रे प्रोंइचा, दे ख्रीस्‍त येसु रागीम जाक्‍त। एको लोव़ थमा बाक्‍ब नु थमा सुइक्‍चा माल्‍शो बाक्‍ब। गो नेल्‍ल क्‍येङा मरिम्‍शो पाइब नङ। लूका १९:१०

१ तिमोथी 4:8

रां कली रिम्‍शो पतीके इच्‍का ला रिम्‍शो बाक्‍ब। परमप्रभु यावे कली मिम्‍शा दाक्‍तीके नेल्‍ल क्‍येङा रिम्‍शो बाक्‍ब। मारदे हना मुल कली रिम्‍शो बाक्‍ब नु गेना हना यो परमप्रभु यावे नु बाक्‍चा कली नोले यो रिम्‍शो बाक्‍ब। १तिमोथी ६:६

१ तिमोथी 6:17

गे मुल शुश क्‍येट थीब आन कली “ठेयब लेश्‍शो मदुमीन। जाम्‍शा लाइब शोंप कली आस मपथु, परमप्रभु यावे कली आस पने। मारदे हना परमप्रभु यावेमी इं कली शुश तेम्‍शा गेब। आ गेशो तशा ग्‍येरसीन” दे माइक्‍मी। भजन संग्रह ६२:११; लूका १२:१५-२१

२ तिमोथी 4:10

मारदे हना डेमासमी रागी ङा गेय दाक्‍शा, आं कली प्रोंइती। मिनु थिस्‍सलोनिकी सहर लत। क्रेसेन्‍स गलातीया नु तीतस डाल्‍मातीया रागी लाम्‍ताक्‍स। कलस्‍सी ४:७,१०,१४

तीतस 2:12

मोदेंशो शिशीमी इं कली परमप्रभु यावे कली मगारचा ङा गेय नु रागी रागी ङा मुर आन पतीके आ पर्बम मोदेंशो मपचा, दे शेंब। मिनु मुल गेय पचा क्‍येङा ङोंइती मिम्‍चा, ठीक गेय पचा नु रागीम बाक्‍शा, परमप्रभु यावे कली मान पा हिंचा, दे शेंब।

याकूब 1:27

मखाल्‍थु ठीक पा थमा सुइक्‍तीके दोदेंशो बाक्‍ब देंशा हना, रोम रोइक्‍च नु वोंइश बेक्‍शो मीश मुर श्‍येत जामेनु, वारच पचा नु थमा मसुइक्‍ब पाप पाइब आन खोदेंशो पाप काइ मपचा, मेको इं आफ, परमप्रभु यावे आ ङोंइती ठीक पा थमा सुइक्‍तीके बाक्‍ब।