मत्ती 11:17 - Sunuwar Bible

¹⁷ ‘ताप्‍तीक ताप्‍कानु, गे सिल मपनी, रोंका पा ङाक्‍कानु, गे मङाक्‍नी’ दे ब्रेम्‍मुशो खोदेंशो बाक्‍नीम। यूहन्‍ना ५:३५

मत्ती 11:17 ပူးပေါင်းရင်းမြစ်များ

उत्पत्ती 50:10

मिनु मेकोपुकी आताद आ चेरब तुप्‍तीके यर्दन खोला आइक्‍ची हांबु जाक्‍दीश्‍शा, ठेयब रोंका पामे बाक्‍त। मिनु योसेफमी आ आफ कली ७ नाक्‍त सम्‍म रोंका पवा बाक्‍त।

१ राजा 1:40

मिनु मुर नेल्‍ल ठेयब सेंदा पा ग्‍येरशा बांसुरी ताप्‍शा, मेको आन नो‍नोले इर ङोइश्‍शा लमा बाक्‍त। मिनु मेको आन ग्‍येरशा रेयके पशोम रागी नेल्‍ल मुरदा बाक्‍त।

यसैया 30:29

गेपुकी चाड मानेतीक नाक्‍दोम कुम्‍सो पशो खोदेंशो पा ग्‍येरसीनीनी। गेपुकी बांसुरी ताप्‍बपुकी नु परमप्रभु यावे, इस्राएली आन सेरथे फुल्‍लु आ डांडा लाइब खोदेंशो पा ग्‍येरसीशो मुर बाक्‍नीनी। ब्‍यवस्‍था १६:१४

येरमीया 31:4

गो इ कली लेंशा सेल्‍नुङ। गे लें‍शा सेल्‍चा पुंइसीनेवे। मिनु गे कन्‍ने मीश आल, इस्राएल, गे लेंशा इ खैजडी शेशा, ग्‍येरसीशोपुकी नु सिल पथ लाइनेवे।

मत्ती 11:16

सिनाक्‍त मुलाक्‍त ङा मुर दोदेंशो बाक्‍नीम देंशा हना, बजारमी ग्‍यारब आलपुकीम

मत्ती 11:18

मारदे हना यूहन्‍नामी बर्त बाक्‍शा, शांबु राकसी मतूङानु, वोलम सुम्‍शो मुर बाक्‍माक्‍त देंनीम। मत्ती ३:४

मत्ती 9:15

मिनु येसुमी “जन्‍तीपुकी ग्‍युम्‍ले नु काथा बाक्‍मानु, हिशेक पा ङाक्‍नीमी ङा? काबु ग्‍युम्‍ले नु फ्राचा पुंइसीनीम। मिनु मेना बर्त बाक्‍नीम। यूहन्‍ना ३:२९

मत्ती 9:23

मिनु ठेयब मुर आ खिं जाक्‍दीम्‍मानु, येसुमी शुश मुर देल्‍शा बाजा ताप्‍शा, रोंका पा ङाक्‍ना ङाक्‍न बाक्‍शो ताप्‍तु।

लूका 15:25

मेकोपुकी ग्‍येरसीशा बाक्‍मानु, जेठा तौ रूमी गेय पथ लशो बाक्‍माक्‍त। मिनु लेश्‍शा खिं आ नेक्‍था जाक्‍मेनु, शुश मुर खुम्‍सीशा सिल पा, जशा तूशा ग्‍येरसीशा बाक्‍शो तवा बाक्‍त।

लूका 23:27

शुश मुरुमी मेको आन नोले खोदमे बाक्‍त। मीश मुरपुकी ङाक्‍शा रोंका पना पन गाक्‍मा बाक्‍त।

लूका 7:32

मेकोपुकी बजारम बाक्‍ब आलपुकी खोदेंशो बाक्‍नीमी। हुल कामी अर्को हुल कली ‘गो बासुरी ताप्‍कानु, गे सिल मपनी। गो हिशेक पा ङाक्‍कानु, गे मङाक्‍नी’ दे ब्रेम्‍मुइनीम।

लूका 8:52

मेकेर बाक्‍ब नेल्‍ल हिशेक पा ङाक्‍शो बाक्‍मा बाक्‍त। मिनु येसुमी मेको आन कली “मङाक्‍कीन, आल मबेक्‍शो बाक्‍ब। मेको इप्‍शो बाक्‍ब” देंमाक्‍त। लूका ७:१३