मत्ती 10:5 - Sunuwar Bible

⁵ येसुमी आ १२ जना शेंसीब आन कली सोइश्‍शा, मेको आन कली “अर्को जात ङा मुर आन रागी मलने। सामरीया ङा मुरपुकी आन रागी यो मलने।

मत्ती 10:5 ပူးပေါင်းရင်းမြစ်များ

मत्ती 22:3

मिनु आ गेय पाइब आन कली निम्‍तो ताइब आन कली ब्रेत्‍थ सोइक्‍तीमी बाक्‍त। तन्‍न निम्‍तो ताइबपुकी लचा थुं मपामे बाक्‍त।

मत्ती 4:15

“जबूलून, नाप्‍ताली रागी, समुन्‍द्र आ एर ओंथ रागी, यर्दन खोला आइक्‍ची हांबु नु अर्को जात ङा गालील रागीमी बाक्‍बपुकी,

मर्कूस 6:7

मिनु काबु आ १२ जना शेंसीब आन कली ब्रेश्‍शा, निनिक्‍शी पा शेंथ सोइक्‍चा गोवा बाक्‍त। शेंसीब आन कली वोल खेरतीक सक्ति गेवा बाक्‍त। लूका १०:१

लूका 10:1

मिनु नोले प्रभुमी ७० जना अरु शेंसीब आन कली योव़शा, ङोंइती आ लशो सहर गाउंमी निक्‍‍निक्‍शी पा सोइक्‍तीमी बाक्‍त। का नि‍क्‍शी किताबम ७२ देंनीम। लूका ६:१३-१६; लूका ९:१; मर्कूस ६:७

लूका 10:33

मिनु नोले सामरीया रागी ङा मुर का पिमाक्‍त। मेकोमी बेक्‍चशो मुर कली तशा शिशी पवा बाक्‍त।

लूका 17:16

मिनु दोरशा पिशा, येसु आ ङोंइती बाप्‍शा खुम्‍की पा “प्रभु, गे आं कली रिम्‍शो पाइतीनी” दे सेउ पवा बाक्‍त। मेको सामरीया ङा मुर बाक्‍माक्‍त।

लूका 9:1

मिनु काबु येसुमी आ १२ जना शेंसीब आन कली खुप्‍शा, वोल आन कली ग्रुंइतीक नु रोइ पशो मुर आन कली सापाइक्‍ती सक्ति नु अधिकार गेमी बाक्‍त। लूका १०:१-१२

लूका 9:2

मिनु मेको आन कली परमप्रभु यावे आ राज्‍य ङा लोव़ शेंथ नु रोइ पाइब आन कली सापाइक्‍थ सोइक्‍तीमी बाक्‍त।

यूहन्‍ना 17:18

गेमी आं कली रागीमी सोइश्‍शो खोदेंशो पा, गो यो मेको आन कली रागी रागीम सोइक्‍ताक्‍ङमी। यूहन्‍ना २०:२१

यूहन्‍ना 20:21

मिनु लेंशा येसुमी मेको आन कली “इन थुं नाइश्‍शा बाक्‍कीन। आं आफोमी दोपा सोइक्‍ती, मोपा गो इन कली यो सोइक्‍ताक्‍नन्‍नी” दे माइक्‍तीमी। यूहन्‍ना १७:१८

यूहन्‍ना 4:20

आंइ किकी पिपीमी मेको डांडामी परमप्रभु यावे कली ठेयब सेल्‍शो बाक्‍तेक्‍म। गे यहूदीपुकीमी चहिं ‘यरूसलेम सहरमी परमप्रभु यावे कली ठेयब सेल्‍चा माल्‍ब’ दे देंनीनी” दें‍त। ब्‍यवस्‍था १२:५; भजन संग्रह १२२:-

यूहन्‍ना 4:5

सामरीया रागीमी गाक्‍शा, सीकार सहर जाक्‍दीत्‍तेक्‍म। सीकार सहर आ नेक्‍था याकूब आ रू बाक्‍‍त। मेको रू आ तौ योसेफ आ थेरशो रू बाक्‍त। उत्‍पत्ती ४८:२२; यहोसु २४:३३

यूहन्‍ना 4:9

मिनु मीश मुरुमी “गे यहूदी ननी। गो चहिं सामरीया ङा नङ। मिनु आं गुइ रे दोपा ब्‍वाक्‍कु तूचा पुंइनीनी?” दे येसु कली मदा बाक्‍त। मारदे हना सामरी ङा मुर आन थिशो ब्‍वाक्‍कु यहूदीपुकीमी मतूबाक्‍मा बाक्‍त। सामरीया ङा मुरपुकी आइक्‍च जात ङा मुर नम। लूका ९:५२-५३

यूहन्‍ना 7:35

मिनु यहूदीपुकीमी “एको ते लचा चिक्‍शो बाक्‍मे? मिनु गोपुकीमी एको कली मथित्‍नीकी? ग्रीस ङा मुर आन बाक्‍तीक लशा, मेकेर ब्रशा बाक्‍शो यहूदी आन कली ममाइ, तन्‍न ग्रीस ङा मुर आन कली शेंचा दाक्‍बा, कों?

यूहन्‍ना 8:48

मिनु यहूदीपुकीमी “गे सामरीया ङा बाक्‍ते। गे वोलमी सुम्‍शो बाक्‍ते, दे थमा लोव़ मपका ङा?” देंतेक्‍म। यूहन्‍ना ७:२०

प्रेरित 1:8

मार चहिं तुइक्‍चा माल्‍नीनी देंशा हना, परमप्रभु यावे आ सोक्‍त आ सक्ति ताइनीनी। सक्ति तशा यरूसलेम, यहूदीया, सामरीया नु रागी नेल्‍लेमी हिरशा, आं लोव़ शेंशा, आं सांकछी दुम्‍नीनी” दे माइक्‍मी बाक्‍त। लूका २४:४८; प्रेरित ८:१

प्रेरित 10:45

पत्रुस नु काथा जाक्‍शो ख्रोइक्‍तीक चिनु ख्रोइश्‍शो थमा सुइक्‍ब यहूदीपुकीम अर्को रागी ङा मुर यो परमप्रभु यावे आ सोक्‍तीम ब्रीशो तशा छक लाक्‍मा बाक्‍त।

प्रेरित 8:1

स्‍तीफानस कली साइश्‍शो तशा, सावलमी “एको कली साइक्‍चा माल्‍शो। मिनु साइश्‍शा ठीक पाइतीनी” देंमाक्‍त। स्‍तीफानस कली सादमे नाक्‍त रे यरूसलेम सहरम बाक्‍ब थमा सुइक्‍ब नेल्‍ल आन कली खेदा पा श्‍येत गेचा गोव़मे बाक्‍त। मिनु श्‍येत गेशा प्रोक्‍पदमेनु, मेकोपुकी ब्रशा गाक्‍शा, यहूदीया नु सामरीया रागीमी जाक्‍दीश्‍शा बाक्‍मा बाक्‍त। १२ जना येसु आ सोइश्‍शोपुकी ला यरूसलेम उइ बाक्‍मा बाक्‍त। प्रेरित १:८; प्रेरित ११:१९

१ थिस्‍सलोनिकी 2:16

दोपा श्‍येत गेम्‍तेक्‍म देंशा हना, रागी रागी ङा मुर आन कली पाप रे ब्रोंइचा ताइनीम, दे आंइ कली लोव़ पचा मगेम। मोदेंशो पा यहूदीम आन पाप गेना हना यो तेम्‍ना तेम्‍न बाक्‍नीम। मोपतीके परमप्रभु यावेमी मेको आन कली चुरशा सजाइ गेब। मत्ती २१:३२-३३