मत्ती 10:41 - Sunuwar Bible

⁴¹ परमप्रभु यावे आ लोव़ पाइब बाक्‍माक्‍त, दे मिम्‍‍शा, परमप्रभु यावे आ लोव़ पाइब कली ब्राप्‍तु हना, परमप्रभु यावे आ लोव़ पाइब आ तचा ङा इनाम मेकोम ताइब। ठीक पाइब मुर बाक्‍माक्‍त, दे मिम्‍‍शा, ठीक पाइब मुर कली ब्राप्‍तु हना, ठीक पाइब आ तचा ङा इनाम मेकोम ताइब। १राजा १७:८-२४

मत्ती 10:41 ပူးပေါင်းရင်းမြစ်များ

उत्पत्ती 20:7

मुल मेको मुर आ मीश लेत्‍तो। मारदे हना मेको आं लोव़ पाइब का बाक्‍ब। मेकोमी इ पर्बम पुंइब। मिनु गे ब्रोंइनेवे। गे आ मीश कली मलेत्‍ताक्‍वी हना, गे थमा पा बेक्‍चा माल्‍नेवे। इ मुर नेल्‍ल यो बेक्‍चा माल्‍नीमी, दे तुइक्‍तो” देंमाक्‍त। १राजा १३:६

यसैया 3:10

दोस मताइब मुर आन कली रिम्‍शो दुम्‍ब। मारदे हना मेकोमी आ गेय पशो रे जाइब।

मत्ती 16:27

रागीम जरमेशो आ आफ आ दारसमी परमप्रभु यावे आ स्‍वर्ग ङा गेय पाइबपुकी नु जाक्‍ब। मिनु मुर आन गेशो पशो कोव़शा, आन गेशो का का पा लेश्‍शा गेब। रोमी २:६

मत्ती 25:44

मिनु मेकोपुकीमी यो लोव़ लेश्‍शा ‘प्रभु, गेना इन कली जचा मतशो, तूचा मतशो, बास माल्‍शा गाक्‍शो, फेक्‍चा मतशो, रोइ पा बाक्‍शो, जेल्‍खानमी चोक्‍शा वोइश्‍शो तका नु वारच मपका ङा?’ देंनीम।

मत्ती 25:45

मिनु पिपमी मेको आन कली ‘नोफा दाइश्‍शा नेनीने, महिक्‍शो आइक्‍च मुर आन कली मार मार वारच मपनीनु, मेको आं कली यो मपनी’ देंब।

मत्ती 6:1

होस पांइसीने, मुर आन ङोंइती कोंइचा कली प्रुङग आन कली शिशी मपने। मारदे हना मोदेंशो पाइब आन कली स्‍वर्गम बाक्‍ब इन आफोमी इनाम मगेब।

मत्ती 6:18

मो पाइतीनी हना, इन बर्त बाक्‍शो ख्रुइश्‍शोमी बाक्‍ब। मिनु ख्रुइश्‍शो यो नेल्‍ल तुइक्‍ब इन आफोमी इन कली इनाम गेब।

मत्ती 6:4

मोदेंशो पा इन गेशो ख्रुइश्‍शोम बाक्‍ब। मिनु ख्रुइश्‍शो यो नेल्‍ल तुइक्‍ब इन आफोमी इन कली इनाम गेब।

मत्ती 6:6

गे चहिं परमप्रभु यावे कली प्रार्थना पनीनु, इन खिं ओव़शा, लाप्‍चो चोक्‍शा, सुइ आन मतुइक्‍थु, ख्रुइश्‍शोमी बाक्‍ब इन आफ कली प्रार्थना पने। मिनु ख्रुइश्‍शो यो नेल्‍ल तुइक्‍ब इन आफोमी इन कली इनाम गेब।

मत्ती 7:8

मोपतीके सुम पुंइबा, मेकोमी आ पुंइशो ताइब। सुम माल्‍बा, मेकोमी आ माल्‍शो थिप्‍ब। सुम ओव़ङा? दे लाप्‍चो ख्रोकोल पाइबा, मेको ओव़चा ताइब।

प्रेरित 16:15

मिनु थमा सुइक्‍ब दुम्‍शा, ब्‍वाक्‍कुम ख्रुम्‍शा ग्रुंइचा पुंइसाक्‍व। आ खिं ङा मुर नेल्‍ले यो थमा सुइक्‍ब दुम्‍शा, ब्‍वाक्‍कुम ख्रुम्‍शा ग्रुंइचा पुंइसाक्‍म। ब्‍वाक्‍कुम ख्रुम्‍शा ग्रुंइचा पुंइसीशा नोले लिडीयामी “गेपुकीमी प्रभु कली थमा सुइक्‍ब बाक्‍माक्‍त, दे मिम्‍ताक्‍यीनी हना, आं खिंमी बास बाक्‍थ जाक्‍कीन। आं खिंमी मजाक्‍थु मदुम्‍ब” दे माइक्‍तीकी। मिनु लिडीया आ खिं लशा बाक्‍तक।

रोमी 16:23

गोम चिठी ब्रेक्‍पदुनु, गायस आं खिंमी बाक्‍तक। मिनु गायस नु आ खिंमी देल्‍ब थमा सुइक्‍बपुकीमी यो इन कली “रिम्‍शो बाक्‍कीन” दे माइक्‍चा देंतेक्‍म। इरास्‍तस माइश्‍शो सरकार आ गेय पाइबमी यो इन कली “रिम्‍शो बाक्‍कीन” देंत। थमा सुइक्‍ब इं लोक्‍ब क्‍वारटसमी यो इन कली “रिम्‍शो बाक्‍कीन” देंत। १कोरिन्‍थी १:१४

१ कोरिन्‍थी 9:17

आं दाक्‍शो पा शेंथ गाक्‍शो नङ हना, गाल्‍च ताक्‍गु वा। तन्‍न आं दाक्‍शो पा शेंशा गाक्‍शो मनङ। “शेंथ गाक्‍को” दे माइक्‍चा पुंइसीतीके शेंशा गाक्‍ती। १कोरिन्‍थी ४:१

हिब्रू 6:10

मारदे हना परमप्रभु यावे आ नेंमी अरु थमा सुइक्‍ब आन कली वारच पा रिम्‍शो पाइतीनी। मुल यो रिम्‍शो पाइनीनी। मिनु मेकोमी इन रिम्‍शो पशो गेनायो मप्रेंब। हिब्रू १०:३२-३४

२ यूहन्‍ना 1:8

गेपुकी मार कली गेय पनी, मेको मुल यो पना पन बाक्‍कीन। मो पाइतीनी हना, ठेयब इनाम ताइनीनी। गलाती ४:११