मलाकी 4:3 - Sunuwar Bible

³ मिनु गेपुकीमी आं अरेशो लोव़ मटीब आन कली इन खोइलीमी दिम्‍नीनी। आं निसाफ पतीक नाक्‍ती मेको इन खोइलीम दिम्‍शा, पुलु खोदेंशो सेल्‍चा पुंइसीनीमी” दे मुर नेल्‍ल आन परमप्रभु यावेमी देंत।

मलाकी 4:3 ပူးပေါင်းရင်းမြစ်များ

उत्पत्ती 3:15

गे नु मेको मीश मुर जिशा, बाक्‍चा मलीसे। मेको आ युइ नु इ युइ जिशा बाक्‍नीमी। मीश मुर आ युइ कामी इ पिया दिम्‍शा प्रोल्‍ब। गे चहिं मेको आ गेंग्रेम कोक्‍नेवे” दे सराप पदा बाक्‍त। प्रकाश १२:४-५,१५-१७

२ सामुएल 22:39

गो मेको आन कली खतम पोक्‍‍शा साइक्‍‍‍नुङमी। मिनु मेकोपुकी गेनायो बोक्‍ने मचाप्‍नीम। मेकोपुकी आं खोइली आगाम गोल्‍तेक्‍म।

२ सामुएल 22:43

गो मेको नेल्‍ल आन कली रागी ङा फुरक खोदेंशो पा फस पोक्‍तामी। गो मेको आन कली लां ङा हिलो खोदेंशो पा दिम्‍ताक्‍ङमी।

अय्‍युब 40:12

ठेयब लेश्‍शो मुर नेल्‍ल आन कली कोव़ङो। मेको आन कली आइक्‍च सेलो। मिनु आं अरेशो लोव़ मटीब आन कली आन राप्‍तीकेमी दिम्‍दीमी।

भजन संग्रह 147:6

परमप्रभु यावेम श्‍येत जाइब आन कली कोव़ब। तन्‍न आ अरेशो मटीब आन कली खपीम ताइक्‍ब।

भजन संग्रह 49:14

मेकोपुकी भेडा खोदेंशो पा बेक्‍चा कली बाक्‍नीम। बेक्‍पाइक्‍बमी मेको आन कली दाक्‍ब। सुनी कना रिम्‍शो थुं पाइश्‍शो मुरपुकीमी मेको आन कली हुकुम पाइनीम। मेको आन बाक्‍तीके रे ङोन दुम्‍शा, आन रां तुरसुम राक्‍शा लाइनीम।

भजन संग्रह 91:13

गे गुप्‍स नु बीस पाइश्‍शो बुस्‍स दिम्‍नेवे। मेको बोल्‍यो बाक्‍तेक्‍म हना यो, मेको आन कली दिम्‍शा साइक्‍नेवे। लूका १०:१९

यसैया 25:10

मारदे हना परमप्रभु यावे आ गुइ मेको डांडा तार बाक्‍ब। मिनु मोआब रागी ङा मुर आन बाक्‍तीके दिम्‍चा पुंइसीनीम। मेको नेल्‍ल मोव़ल वोइक्‍तीके खोदेंशो पा दिम्‍चा पुंइसीनीम।

यसैया 26:6

मुरपुकीम मेको कली दिम्‍नीम। प्रुङग मुरपुकीमी मेको कली दिम्‍नीम। क्‍येट मथीबम यो मेको कली दिम्‍नीम।

बिलाप 1:15

परमप्रभुमी आं दाते ङा लडाइ पाइब नेल्‍ल आन कली प्रोंइतु। मुल मेकोमी आं कली वारच मपथु, आ ठिटा वोंइश मुर नेल्‍ल आन कली साइक्‍तु। परमप्रभुम अङगुर ख्राक्‍शो खोदेंशो पा यहूदा ङा कन्‍ने मीश आल, यरूसलेम कली ख्राक्‍शो बाक्‍ब। यसैया ६३:३

इजीकीएल 28:18

गे इ शुश मरिम्‍शो पशो नु इ जोल पा ग्‍याप्‍‍तीक लेयतीकेम इ आं कली ठेयब सेल्‍तीके ग्रांग्रा दिशो सेल्‍तीवी। मोपतीके गो इ आगा रे मी का ग्रुंइताक्‍ङ। मिनु मेकोमी इ कली नेक्‍तु। मिनु गो इ कली मुर आन ङोंइती पुलु सेल्‍तन।

दानीएल 7:18

तन्‍न मेको नेल्‍ल क्‍येङा ठेयब आ मुरपुकीम मेको राज्‍य ताक्‍शा, गेनायो मनुप्‍चा ङा पा, गेना हना यो सासन पाइनीम” देंत।

दानीएल 7:27

मिनु राज्‍य, सासन पतीक अधिकार नु राज्‍य नेल्‍ल आन ठेयब दुम्‍तीके नेल्‍ल क्‍येङा ठेयब आ मुर आन कली गेचा पुंइसीनीम। मेको आन राज्‍य गेना हना यो लीब राज्‍य दुम्‍ब। मिनु सक्ति पाइश्‍शो नेल्‍लेमी मेको आ गेय पा, मेको कली टीनीम” देंत।

मीका 5:8

याकूब आ लीशो मुर शुश आन दातेमी ब्‍वाकी ङा गुप्‍स खोदेंशो दुम्‍नीम। मेकोपुकी भेडा गोठम बाक्‍शो गुप्‍स आ चाइक्‍ब खोदेंशो दुम्‍नीम। गुप्‍स मेकेर लाम्‍तेक्‍म हना, साइश्‍शा ब्‍वाइनीम। मिनु सुइमी मेको आन कली प्रोंइने मचाप्‍नीम।

मीका 7:10

मेना आं जोरी सत्रुम मेको ताइनीम। मिनु मुने दोक्‍नीम। मारदे हना मेकोपुकीमी ङोंइती ‘परमप्रभु यावे, इ परमप्रभु ते बाक्‍‍म?’ देंशो बाक्‍तेक्‍म। गो मेको आन खतम दुम्‍शो ताइनुङ। मुल यो मेकोपुकी लां ङा हिलो खोदेंशो पा दिम्‍चा पुंइसीशो बाक्‍नीम। भजन संग्रह ७९:१०

जकरिया 10:5

मिनु मेको नेल्‍ल लडाइम बाक्‍शो लडाइ पाइब खोदेंशो बाक्‍नीम। मेकोपुकीम आन जोरी सत्रु लां ङा हिलोम खोल्‍शा दिम्‍नीम। परमप्रभु यावे मेकोपुकी नु बाक्‍तीके मेकोपुकीमी लडाइ पाइनीम। शारा ङोइक्‍ब आन कली मुने तोक्‍नीम।

मलाकी 3:17

मिनु मुर नेल्‍ल आन परमप्रभु यावेमी “मेको आं मुर दुम्‍नीम। आं निसाफ पतीक नाक्‍त आं नेक्‍था ङा मुर दुम्‍नीम। दोपा मुरुमी आंम कली गेय पाइब तौ कली शिशी पा वोइक्‍बा, मोपा गो मेको आन कली शिशी पा वोइक्‍नुङ। प्रस्‍थान १९:५

रोमी 16:20

थुं नाइक्‍चा गेब परमप्रभु यावेमी रीब पा सैतान कली इन खोइल आगाम वोइक्‍ब। इं प्रभु येसु ख्रीस्‍तमी इन कली शिशी पवल।

प्रकाश 11:15

मिनु मेको नोले ङा परमप्रभु यावे आ स्‍वर्ग ङा गेय पाइबमी आ तुराही ताप्‍तु। मिनु स्‍वर्गमी ठेयब सेंदापुकी नेंता। मेकोपुकीमी “आंइ परमप्रभु नु आ ख्रीस्‍तमी रागी नेल्‍ल कली सासन पाइब दुम्‍ताक्‍से। मिनु गेना हना यो सासन पना पन बाक्‍नीसी” देंशो नेंता।

प्रकाश 14:20

मिनु ख्राक्‍तीके सहर रे ङोन बाक्‍त। ख्राक्‍ग्‍मेनु, मेको कोल रे रस खोदेंशो पा हुश शांइ‍साक्‍व। मिनु मेको हुश १६ हजार स्‍तादीयोन ङोन दोक राप्‍शो शारा आ शोव़ सम्‍म लत। स्‍तादीयोन का १८५ मिटर बाक्‍ब। यसैया ६३:३