मलाकी 4:1 - Sunuwar Bible

¹ मुर नेल्‍ल आन परमप्रभु यावेमी “आं निसाफ पतीक नाक्‍ती जाक्‍ब। मेको ठेयब मी खोदेंशो पा ब्रशो बाक्‍ब। मेना ठेयब लेश्‍शो नु मरिम्‍शो पाइब नेल्‍ल सोव़शो ठुटा खोदेंशो बाक्‍नीम। मेको नाक्‍ती मीम मेको आन कली नेक्‍ब। मिनु मेको आन शाक्‍श नु राशी यो मलीब।

मलाकी 4:1 ပူးပေါင်းရင်းမြစ်များ

अय्‍युब 18:16

मेको आन शाक्‍श खप आगाम सोव़नीम। मिनु आन राशी सोल सुल बेक्‍नीम।

भजन संग्रह 119:119

रागी ङा इन अरेशो मटीब नेल्‍ल आन कली पु‍लु खोदेंशो पा फिक्‍तीनी। मोपतीके गो इन देंशो लोव़ दाक्‍नुङ। यसैया १:२५

भजन संग्रह 37:9

परमप्रभु आ अरेशो मटीब क्‍याम्‍चा पुंइसीनीम। तन्‍न परमप्रभु यावे आ लां कोव़बपुकी रागीम बाक्‍चा ताइनीम।

प्रस्‍थान 15:7

इन जोरी सत्रुमी गे नु लडाइ पामेनु, गे इन ठेयब दुम्‍तीकेमी मेको आन कली ग्रातीनी। मिनु गाइश्‍शा मेको आन कली मीम भूस चोशो खोदेंशो पा थुम्‍पाइक्‍तीनी।

यसैया 40:24

मेकोपुकी का निक्‍शी ला शोक्‍सीशो बाक्‍नीम। का निक्‍शी ला ख्रुम्‍सीशो बाक्‍नीम। शाक्‍श थोक्‍ची ना दुम्‍मेनु, मेको आन तार मुइक्‍ब। मिनु मेको बेक्‍नीमी। मिनु फश गिवारमी पराल खोदेंशो पा योल्‍ब।

यसैया 41:2

सुमी पूर्ब रे आ गेय पचा कली ग्राब का कली पोक्‍गा? मेकोमी रागी रागी ङा मुर आन कली आ गुइम गेब। मेकोमी पिप आन कली दिम्‍शा, आ तरवारम मेको आन कली फुरक खोदेंशो सेल्‍ब। आ लिब्रामी फशेम बेरशो भूस खोदेंशो सेल्‍ब। यसैया ४४:२८; यसैया ४५:१,१३; यसैया ४८:१४-१५

यसैया 47:14

मेकोपुकी ठुटा दुम्‍नीम। मिनु मीम मेको आन कली नेक्‍ब। आंमा मेको मी रे प्रोंइसीने मचाप्‍‍नीम। मेको मी थेरचा ङा मदुम्‍थु, आ ङोंइती बाक्‍ने मचाप्‍नीम।

यसैया 5:24

मोपतीके दोपा मीम ठुटा नु सोव़शो घांस नेक्‍बा, मोपा मेको आन शाक्‍श राक्‍ब। मिनु आन फू फुरक खोदेंशो पा बेरशा लाइब। मारदे हना मेकोपुकीमी मुर नेल्‍ल आन परमप्रभु यावे आ लोव़ मटीम। मिनु इस्राएली आन का ला बाक्‍शो परमप्रभु आ लोव़ आ पर्बम शुक्‍शी पाम्‍तेक्‍म।

यसैया 9:18

परमप्रभु यावे आ अरेशो लोव़ मटीब मी खोदेंशो पा ब्राइब। मिनु मेकोमी चू नु चोंक नेल्‍ल नेक्‍ब। मिनु मेको ब्‍वाकीमी कोक्‍त बुद पा ब्राइब। आ कुन गोस्‍स खोदेंशो पा रोम्‍सीशा सरीङ गे लाइब।

यसैया 9:19

मुर नेल्‍ल आन परमप्रभु यावे आ गाइश्‍शोमी रागी नेल्‍ल ग्रोइश्‍शो बाक्‍ब। मिनु मुरपुकी चोतीक शी खोदेंशो दुम्‍तेक्‍म। सुइम सुइ आन कली वारच मपामे।

इजीकीएल 20:38

इन दाते ङा आं कली मटीब नु मरिम्‍शो पाइब आन कली तिल्‍नुङमी। गो मेको आन कली अर्को रागी ङा मुर दुम्‍शा बाक्‍शो रागी रे ग्रुंइनुङमी। तन्‍न मेको इस्राएल रागी ओव़चा मताइनीम। मिनु गेपुकीम गो परमप्रभु यावे नङ, दे तुइक्‍नीनी।

इजीकीएल 21:32

गे मी कली शी दुम्‍नीनी। इन हुश खपीम शाइक्‍ब। इन कली लेंशा गेनायो ममिम्‍नीम। मारदे हना गो, परमप्रभु यावेमी एको लोव़ पाता” देंत।

इजीकीएल 24:11

मेको नोले मेको ग्‍योंब श्‍येत्‍थ सेल्‍शा मी तार कादीन। मिनु मेको होल। मिनु मेको आ तांबा लल दुम्‍ल। मेको आ आगा ङा ग्रांग्रा दिशो नु खिया यशा लल। मिनु मीम नेक्‍गल।

इजीकीएल 34:17

मिनु परमप्रभु, परमप्रभु यावेमी “ए गे आं क्‍यारश भेडा, गो भेडा नु भेडा आन दातेमी निसाफ पाइनुङ। गो सांड नु क्‍यारश आन दातेम निसाफ पाइनुङ। मत्ती २५:३२

इजीकीएल 7:10

मेको नाक्‍ती मुल बाक्‍ब। इ खतम दुम्‍तीके जाक्‍ना जाक्‍न बाक्‍ब। कोक्‍के आ कोच्‍वा दाप्‍त। ठेयब लेत्‍तीक फू खोदेंशो पा बोइक्‍त। यसैया २:१२

योएल 2:1

सियोनमी तुराही ताप्‍पीन। आं डांडामी शुश ग्रीब ताप्‍तीक ग्रोव़ ताप्‍पीन। रागीम बाक्‍ब मुर नेल्‍ल गिक गिक पा ख्रिंख्रि पामेक्‍ल। मारदे हना परमप्रभु यावे आ जाक्‍‍शो नाक्‍त नेक्‍था जाक्‍शो बाक्‍ब। मेको जाक्‍चा चिक्‍शो बाक्‍ब। योएल १:१५

योएल 2:31

परमप्रभु यावे आ ठेयब हिंचा ङा नाक्‍त जाक्‍चा क्‍येङा ङोंइती नां छिङछिङ दुम्‍ब। मिनु तास्‍ला हुश दुम्‍ब” देंशो बाक्‍ब। योएल २:२,१०,११; मत्ती २४:२९; प्रकाश ६:१२

आमोस 2:9

गो मेको आन ङोंइती रे एमोरी आन कली साइक्‍ता‍मी। मेकोपुकी लेबानोन ङा लाइश्‍शो रवा खोदेंशो लाइश्‍शो नु बोल्‍यो बाक्‍तेक्‍म। गो मेको आन इर ङा फल नु उइ आगा ङा शाक्‍श नेल्‍ल खतम सेल्‍ता। गन्‍ती २१:२१-२८

ओबदिया 1:18

याकूब आ खिं मी दुम्‍ब। योसेफ आ खिं ब्रशो मी दुम्‍ब। एसाव आ खिं चहिं नल खोदेंशो दुम्‍ब। मेकोपुकीमी मेको कली मीम हुम्‍शा, खतम पोक्‍नीम। मिनु एसाव आ खिं ङा मुर सुइ मब्रोंइनीम” दे परमप्रभु यावेमी देंत। जकरिया १२:६

नहुम 1:10

आ जोरी सत्रु चूम रेश्‍शो खोदेंशो पा रेश्‍शो बाक्‍नीम। मिनु दुक्‍शो मुर खोदेंशो पा दुक्‍नीम। मिनु सोव़शो नल खोदेंशो पा मीम नेक्‍चा पुंइसीनीम।

सेफन्‍याह 1:14

परमप्रभु यावे आ ठेयब नाक्‍त जाक्‍चा चिक्‍शो बाक्‍ब। मेको रीब पा जाक्‍ब। नोफा दाइश्‍शा नेनीन। परमप्रभु यावे आ ठेयब नाक्‍त, श्‍येत ङा नाक्‍त बाक्‍ब। लडाइ पाइबपुकी थम ठेयब सेंदा पा ग्रीनीम। योएल १:१५

सेफन्‍याह 1:18

परमप्रभु यावे गाइक्‍ची नाक्‍ती मेको आन चांदीमी मप्रोंइब। मेको आन सुनमी यो मेको आन कली प्रोंइने मचाप्‍ब। मेको आ मी खोदेंशो पा गाइक्‍तीकेमी रागी नेल्‍ल क्रोइक्‍ब। मेकोमी रागीम बाक्‍ब नेल्‍ल आन कली थम मरिम्‍शो पा साइश्‍शा क्‍याम्‍ब” दे परमप्रभु यावेमी देंत। इजीकीएल ७:१९

जकरिया 14:1

परमप्रभु यावे आ नाक्‍त का जाक्‍ब। मेना इन के रोइश्‍शा लाइश्‍शो थोव़क इन दातेमीन योक्‍सीनीनी। यसैया ३९:६

मलाकी 3:15

मुल गो ठेयब लेश्‍शो मुर आन कली रिम्‍शो मुर बाक्‍नीम, देंनीकी। मारदे हना मरिम्‍शो पाइबपुकी दारनीम। परमप्रभु कली मरिम्‍शो पाइब ब्रोंइशा बाक्‍नीम’ देंनीनी” देंत।

मलाकी 3:18

मेको नाक्‍त ठीक पाइब नु परमप्रभु आ अरेशो मटीब खाल का ङा मदुम्‍नीम। मेको ताइनीनी। परमप्रभु कली गेय पाइब नु गेय मपाइब खाल का ङा मदुम्‍नीम। मेको यो ताइनीनी” देंत।

मलाकी 3:2

मिनु मेकोमी “तन्‍न आ जाक्‍ची नाक्‍त सु फाल्‍ने चाप्‍बा ङा? आ ग्रूची ना सु राप्‍शा बाक्‍ने चाप्‍बा ङा? मारदे हना मेको तुप्‍तीलमी मुइश्‍शो मी नु वा मुरब आ वा बुश सेल्‍तीक खोदेंशो बाक्‍ब। यसैया १:२५

मलाकी 3:3

मेको चांदी यपाइश्‍शा रिम्‍शो सेल्‍ब खोदेंशो पा निसाफ पाइब बाक्‍ब। लेवी आ चच युइ आन कली सुन चांदी खोदेंशो पा यपाइश्‍शा रिम्‍शो सेल्‍ब। नोले मेकोपुकीमी परमप्रभु यावे कली ठीक पा चढ़ेनीम। जकरिया १३:९

मलाकी 4:5

नेनीन, आं ठेयब नु हिंचा ङा नाक्‍त जाक्‍चा क्‍येङा ङोंइती आं लोव़ पाइब एलीया कली इन बाक्‍तीकेम सोइक्‍नुङ। मत्ती ११:१४; १७:११-१३; योएल ३:४

मत्ती 3:12

आ गुइमी ग्‍योल बाक्‍ब। मेकोमी लाङगामी हाम्‍शो चेरब हुरशा, भूस नु गेडा तिल्‍ब। गेडा कोठोमी कुर पा वोइक्‍ब। भूस चहिं गेनायो मकाप्‍ब मीमी चोइब” दे माइक्‍मी बाक्‍त। मत्ती १३:३०

लूका 19:43

नोले इ जोरी सत्रु बोक्‍शा, इ कली एर ओंथ रे पुम्‍शा, तेइ लचा मगेथु, गारो ङोइक्‍नीम।

लूका 21:20

यरूसलेम सहर आ एर ओंथ लडाइ पाइबपुकीमी पुम्‍शो ताइतीनी हना ‘मुल सहर खतम दुम्‍ची नाक्‍त जाक्‍माक्‍त’ दे तुइक्‍तीन।

लूका 6:23

मेको नाक्‍ती थाम्‍पा ग्‍येरसीने। मारदे हना परमप्रभु यावेमी इन कली स्‍वर्गम इनाम गेब। इन कली श्‍येत गेब आन किकी पिपीमी साइ रे परमप्रभु यावे आ लोव़ पाइब आन कली यो खेदा पा श्‍येत गेशो बाक्‍तेक्‍म।

२ थिस्‍सलोनिकी 1:8

मेको नु हुरुर पा ब्रशो मी सरीङ रे यीब। प्रभुमी परमप्रभु यावे कली मतुइक्‍ब नु आ ग्‍येरपाइक्‍ब लोव़ मटीब आन कली क्‍येक्‍क लेप्‍ब। रोमी २:८

२ पत्रुस 3:7

मुल सम्‍म बाक्‍ब सरीङ नु रागी कली “बाक्‍ल” दे परमप्रभु यावेमी खाल का ङा लोव़ पशा, वोदा बाक्‍त। परमप्रभु यावेमी रागी नु मटीब मुर नेल्‍ल आन कली मीम क्रोइक्‍चा, दे निसाफ पची नाक्‍त सम्‍म कली वोइश्‍शो बाक्‍त।