मलाकी 3:18 - Sunuwar Bible

¹⁸ मेको नाक्‍त ठीक पाइब नु परमप्रभु आ अरेशो मटीब खाल का ङा मदुम्‍नीम। मेको ताइनीनी। परमप्रभु कली गेय पाइब नु गेय मपाइब खाल का ङा मदुम्‍नीम। मेको यो ताइनीनी” देंत।

मलाकी 3:18 ပူးပေါင်းရင်းမြစ်များ

उत्पत्ती 18:25

ममाइ, गे मोदेंशो पा मक्‍याम्‍नीनी। गे ठीक पाइब नु मरिम्‍शो पाइब आन कली खाल का ङा पा मसाइक्‍नीनी। थमान, ठीक पाइब नु मरिम्‍शो मुर आन कली खाल का ङा मपाइनीनी। गे रागी रागी ङा निसाफ पाइब बाक्‍शा, ठीक निसाफ पाइनीनी” देंमाक्‍त। भजन संग्रह ८२:१; भजन संग्रह ९४:२

अय्‍युब 17:10

मुल गे नेल्‍ल ले‍तीन। गो इन दातेमी निप्‍स पाइश्‍शो मुर का यो मतङमी।

अय्‍युब 6:29

गे खिं ले‍तीन। मिनु आं पर्बम अरु मरिम्‍शो मपने। लेतीन। मारदे हना गो ठीक पाइब बाक्‍नुङ।

प्रस्‍थान 11:7

इस्राएली आन दातेमी चहिं मुर नु बस्‍तु भाव आन चां का यो महेम्‍ब। परमप्रभु यावेमी इजीप्‍त ङा मुर आन कली नु इस्राएल ङा मुर आन कली खाल का ङा मपाइब, दे तुइक्‍तमेक्‍ल। प्रस्‍थान ९:४

येरमीया 12:15

तन्‍न गो मेको आन कली तुलुमी नोले लेंशा शिशी पाइक्‍नुङमी। मिनु मेको नेल्‍ल आन कली आन आन किकी पिपी आन शोंप गेशा, आन रागीम लेंशा चाक्‍नुङमी।

दानीएल 2:18

दानीएलमी मेको आन कली “गोपुकी नु बेबीलोन ङा जोक्‍ब तुइक्‍ब नेल्‍ल साइक्‍चा मपुंइसीचा कली स्‍वर्ग ङा परमप्रभु कली मेको ख्रुइश्‍शो ङोमु तुइक्‍पांइसीचा कली आ शिशी पुंइय” देंत।

योएल 2:14

मिनु परमप्रभु यावेमी आ थुं लेश्‍शा, सजाइ मगेथु, आसीक गेबा कों? मेको सुम तुइक्‍बा ङा? मिनु गेपुकीम परमप्रभु यावे, इन परमप्रभु कली अन्‍न चढ़ेतीक नु तूचा थोव़क चढ़ेतीके चढ़ेने। योना ३:९

आमोस 5:15

मरिम्‍शो पतीक कली काइ मदाक्‍तीन। रिम्‍शो पतीक कली दाक्‍तीन। ठेयब लाप्‍चोमी ठीक निसाफ पने। मिनु मुर नेल्‍ल आन परमप्रभु यावेमी योसेफ आ लीशो मुर आन कली शिशी पाइ‍बा कों?” दे परमप्रभु यावेमी देंत। भजन संग्रह ३४:१५; रोमी १२:९

जकरिया 1:6

तन्‍न गो आं गेय पाइब, आं लोव़ पाइब आन कली पशो लोव़ नु आं फुल्‍लुम मुशा ब्रेक्‍शो लोव़ इन किकी पिपी आन पाला रे मुल सम्‍म मबाक्‍म ङा?’ मिनु मेकोपुकी परमप्रभु यावे गे लेत्‍चा माल्‍‍शा, मेकोपुकीमी ‘मुर नेल्‍ल आन परमप्रभु यावेमी आंइ मरिम्‍शो लां नु आंइ मरिम्‍शो पशो आ पर्बम आ देंशो खोदेंशो पा पाप्‍तु’ देंतेक्‍म” दे मुर नेल्‍ल आन परमप्रभु यावेमी देंत।

मलाकी 1:4

मिनु एदोम ङा मुरपुकीमी “गोपुकी ब्रुंइसाक्‍व हना यो, गो लेंशा मेको ब्रेश्‍शो नेल्‍ल सेल्‍नीकी” देंतेक्‍म। मुर नेल्‍ल आन परमप्रभु यावेमी “मेकोपुकीमी सेल्‍तेक्‍म हना यो, गो प्रेत्‍नुङ। मिनु अरु मुरपुकीमी मेको आ पर्बम ‘एको ठीक मपाइब रागी का बाक्‍ब। परमप्रभु यावे मेको रागी तशा, गेना हना यो गाइक्‍ब’ ” देंनीम।

मत्ती 25:46

मिनु मेकोपुकी गेना हना यो सजाइ ततीकेमी लाइनीम। परमप्रभु आ ङोंइती ठीक दुम्‍शोपुकी चहिं गेना हना यो परमप्रभु यावे नु बाक्‍चा ततीकेमी लाइनीम” दे शेंताक्‍मी। यूहन्‍ना ५:२९; याकूब २:१३

यूहन्‍ना 12:26

सुमी आं गेय पाइबा, आं देंशो यो पचा माल्‍बा, मेको आं बाक्‍तीकेमी बाक्‍चा ताइब। आं आफोमी आं गेय पाइब आन कली ठेयब सेल्‍ब” देंत। यूहन्‍ना १७:२४

प्रेरित 16:17

मिनु लांमी ग्रुम्‍शा, आंइ नोले खोइश्‍शा “एको मुर नेल्‍ल क्‍येङा ठेयब परमप्रभु यावे आ गेय पाइब नमी। पाप रे दोपा ब्रोंइचा, दे शेंशा गाक्‍ब नमी, इन कली लां कोंइब नमी” दे रेयके पना पन पित। मर्कूस १:२४,३४

प्रेरित 27:23

दोपा तुइक्‍ताक्‍ङ देंशा हना, गो परमप्रभु यावे कली ठेयब सेल्‍नुङ, मेको आ मुर नङ। परमप्रभु यावेमी आ स्‍वर्ग ङा गेय पाइब का कली सोइश्‍शा, सिनाक्‍दो आं ङोंइती राप्‍शो ताता।

रोमी 1:9

मिनु गो परमप्रभु यावे आ सांकछी बाक्‍ब। गो गेय पना पान नु आ तौ आ ग्‍येरपाइक्‍ब लोव़ शेंना शेंन बाक्‍नङ। गो इन पर्बम परमप्रभु यावे कली पुंइना पुंइन बाक्‍नुङ, मेको थमा बाक्‍ब। एफिसी १:१६

१ थिस्‍सलोनिकी 1:9

मेकोपुकीमी इं पर्बम लोव़ पाम्‍तेक्‍म। मार लोव़ पाम्‍तेक्‍म देंशा हना, थिस्‍सलोनिकी सहर ङा मुरपुकीमी आंइ कली मिश रिम्‍शो ब्राम्‍तेक्‍म। मिनु गेपुकी इन मूर्ति कली प्रोंइशा, परमप्रभु यावे कली थमा सुइक्‍ब दुम्‍शा, ब्रोंइशा बाक्‍ब, थमा परमप्रभु यावे आ गेय पाइब दुम्‍तीनी। प्रेरित १४:१५; १कोरिन्‍थी १२:२

यहोसु 24:15

तन्‍न परमप्रभु यावे आ नें ठेयब सेल्‍चा मदाक्‍नीनी हना, सु कली ठेयब सेल्‍नीनी? मुलाक्‍ती योव़ङीन। गे इन किकी पिपीमी खोला आइक्‍ची हांबुम पूजा पशो देवी देवता आन कली ठेयब सेल्‍नीनी देय मुल बाक्‍शो एमोरी आन रागी ङा देवी देवता आन कली ठेयब सेल्‍नीनी? योव़ङीन। तन्‍न गो नु आ खिं ङा मुरुमी परमप्रभु यावे कली ला ठेयब सेल्‍नीकी” देंत। ब्‍यवस्‍था ६:१३-१४