मलाकी 3:13 - Sunuwar Bible

¹³ मिनु परमप्रभु यावेमी “गे आं पर्बम मरिम्‍शो लोव़ पाइतीनी हना यो ‘इन कली मार मरिम्‍शो लोव़ पका ङा?’ देंतीनी।

मलाकी 3:13 ပူးပေါင်းရင်းမြစ်များ

अय्‍युब 15:13

मारदे गे इन गाइक्‍तीक परमप्रभु कली कोंइनीनी? मिनु गे ओदेंशो लोव़ पाइनीनी?

अय्‍युब 40:8

गो आं कली ‘दूली पाइब’ देंनेवे? मिनु गे आंमा ठीक पाइब बाक्‍नुङ देंचा कली आं कली दोस गेनेवे?

भजन संग्रह 10:11

मेको आन थुंमी “परमप्रभुमी आंइ पशो मताइब। आ कुल ख्रुइक्‍ताक्‍व, आंइ पशो प्रेंब” दे मिम्‍नीम। भजन संग्रह ७३:११; भजन संग्रह ९४:७; यसैया २९:१५

प्रस्‍थान 5:2

मिनु फाराओमी “परमप्रभु यावे सु बाक्‍म, गो मतुइक्‍नुङ। मार, आ देंशो लोव़ टिचा माल्‍नुङा? गो इस्राएली आन कली मारदे लचा गेनुङा? गो परमप्रभु यावे कली मतुइक्‍नुङ। मोपतीके इस्राएल ङा मुर, इन कली लचा मगेनन्‍नी” दें‍त।

यसैया 3:8

मिनु यरूसलेम दाइल पांइसीशा गोल्‍त। यहूदा खतम दुम्त। मारदे हना मेकेर ङा मुर आन लोव़ नु आन पतीके परमप्रभु यावे कली काइ मगारचा ङा बाक्‍त। परमप्रभु आंमा मेको आन दातेमी बाक्‍शा यो, मेकोपुकीम महिंथु मरिम्‍शो पना पन बाक्‍नीम।

यसैया 37:23

गे सु कली शुक्‍शी पवी? सु आ पर्बम गे ठेयब लेश्‍शो लोव़ पवी? गे इस्राएली आन का ला बाक्‍शो परमप्रभु आ ङोंइती ठेयब लेश्‍शो दुमे?

यसैया 46:12

गे खकटा थुं पाइश्‍शोपुकी नेनीन। गे पाप रे प्रोंइतीके रे शुश ङोन बाक्‍नीनी।

यसैया 5:19

गेपुकीमी “मेकोम आ गेय रीब पा पवल। मिनु गो ताइनय। आंइ तचा ङा पा इस्राएली आन का ला बाक्‍शो परमप्रभु आ पचशो दुम्‍ल” देंनीनी। येरमीया १७:१५; २पत्रुस ३:४

येरमीया 44:18

तन्‍न गोपुकीम सरीङ ङा पिपीम कली चढ़ेचा प्रोंइशो रे नु तूचा थोव़क लुक्‍चा प्रोंइशो रे मारेइ मतक। तरवार नु अन्‍कालम जाम्‍ना जाम्‍न लाइतक” देंतेक्‍म।

येरमीया 8:12

मेकोपुकीमी मुने दोक्‍चा ङा गेय पाम्‍तेक्‍म। ग्रांग्रा दिशो गेय पाम्‍तेक्‍म। तन्‍न मेकोपुकी मुने मदोक्‍‍म। मुनेम लल जिचा देंशो मार, बाक्‍बा, दे मतुइक्‍ते‍म। मोपतीके साइक्‍चा पुंइसीशो आन दातेमी साइक्‍चा पुंइसीनीम। गो मेको आन कली सजाइ गेनुङ। मिनु मेको खतम दुम्‍नीम” दे परमप्रभु यावेमी देंत।

इजीकीएल 18:25

मो हना यो गेपुकीम ‘परमप्रभु आ पशो ठीक मबाक्‍ब’ देंनीनी। इस्राएल आ खिं ङा मुर नेनीन, मार, आं पशो ठीक मबाक्‍बा ङा? मार, इन पशो कका ठीक बाक्‍बा ङा?

इजीकीएल 35:13

गे आं कली ठेयब लेश्‍शा कोंइताक्‍यी। मिनु गे आं पर्बम शुश मरिम्‍शो लोव़ पाप्‍तीवी। गो मेको नेल्‍ल नेंता।

होसे 7:16

मेको नेल्‍ल क्‍येङा ठेयब गे मलेत्‍नीम। मेकोपुकी जिक्‍शो लिब्रा खोदेंशो बाक्‍नीम। मेको आन ठेयब मुर आन मरिम्‍शो पशो लोव़ आ पर्बम तरवारमी साइक्‍चा पुंइसीनीम। इजीप्‍त रागीमी मेको आन पर्बम शुक्‍शी पाइनीम” देंत। भजन संग्रह ७८:५७

मलाकी 2:14

मिनु गेपुकीमी “मारदे मब्राइबा”? दे हिल्‍लो पाइनीनी। मारदे हना गे इन ठिटा बाक्‍ची ना ङा मीश प्रोंइतीनी। मेको आ पर्बम परमप्रभु यावे सांकछी बाक्‍ब। मेको इ वारच इ मीश बाक्‍ब, इ कबल पा चाक्‍शो मीश बाक्‍ब।

मलाकी 2:17

गे इन लोव़मी परमप्रभु यावे कली ब्रीपाइक्‍तीनी। मोपा यो गेपुकीमी “गोपुकीमी मार लोव़मी इन कली ब्रीपाइक्‍का?” देंतीनी। गेपुकीमी “दूली लोव़ पा मरिम्‍शो गेय पाइब नेल्‍ल परमप्रभु यावे आ ङोंइती ठीक बाक्‍नीम। मिनु मेको, मेको आन कली तशा ग्‍येरसीशो बाक्‍ब” दे “निसाफ पाइब परमप्रभु ते बाक्‍बा ङा?” दे यो देंनीनी। मलाकी ३:१३-१४

मलाकी 3:12

मिनु “रागी रागी ङा मुर नेल्‍लेमी इन पर्बम ‘आसीक रशा, ग्‍येरशो मुर बाक्‍नीमी’ देंनीम। मारदे हना इन रागी थम आसीक रशो रागी दुम्‍ब” दे मुर नेल्‍ल आन परमप्रभु यावेमी देंत।

मलाकी 3:14

गेपुकीमी ‘परमप्रभु आ गेय पचा, मोशीन बाक्‍ब। आ शेंशो लोव़ पचा नु बेक्‍शो मुर आ पर्बम रोंका पशो खोदेंशो पा मुर नेल्‍ल आन परमप्रभु यावे आ ङोंइती रोंका पचा, मोशा बाक्‍ब। भजन संग्रह ७३:१३-१४; जकरिया ७:३,५

मलाकी 3:8

परमप्रभुमी “मार, मुरपुकीमी परमप्रभु आ मार मार खुइ पने चाप्‍नीमी ङा? तन्‍न गेपुकीम आं के खुइ पशो बाक्‍नीनी। मो हना यो गेपुकीमी ‘गोपुकीमी इन के मार खुइ पका ङा?’ देंनीनी। इन १० भाग ङा भाग का नु मार मार चढ़ेतीकेमी खुइ पशो बाक्‍नीनी। प्रस्‍थान २५:२

रोमी 9:20

गे मुर दुम्‍शा परमप्रभु यावे कली दोस गेचा दुम्‍बा ङा? सेल्‍चा पुंइसीबमी सेल्‍ब कली “मारदे ओपा सेल्‍यी” देंबा ङा? यसैया ४५:९

२ थिस्‍सलोनिकी 2:4

मेकोमी “मानेचा ङा मारेइ मबा” देंब। परमप्रभु यावे नु मानेचा ङा थोव़क आन क्‍येङा आंम कली ठेयब सेल्‍शा, परमप्रभु यावे आ खिंमी निश्‍शा “गो का ला परमप्रभु यावे नङ” देंब। दानीएल ११:३६; मत्ती २४:१५