मलाकी 3:12 - Sunuwar Bible

¹² मिनु “रागी रागी ङा मुर नेल्‍लेमी इन पर्बम ‘आसीक रशा, ग्‍येरशो मुर बाक्‍नीमी’ देंनीम। मारदे हना इन रागी थम आसीक रशो रागी दुम्‍ब” दे मुर नेल्‍ल आन परमप्रभु यावेमी देंत।

मलाकी 3:12 ပူးပေါင်းရင်းမြစ်များ

२ इतिहास 32:23

मिनु शुश मुरपुकीम यरूसलेमम परमप्रभु यावे कली मार मार चाक्‍गमे बाक्‍त। मिनु यहूदा ङा पिप हिज्‍कीयाह कली शुश शोंप चाक्‍गमे बाक्‍त। मोपा रागी रागी ङा मुर नेल्‍लेमी मेको कली मान पामे बाक्‍त।

भजन संग्रह 72:17

मेको आ नें गेना हना यो लील। नां बाक्‍म सम्‍म आ नें ठेयब बाक्‍ल। रागी रागी ङा मुर नेल्‍लेम मेको रे पा आसीक तामेक्‍ल। मिनु मेकोपुकीमी मेको आ पर्बम “ग्‍येरसीशो मुर बाक्‍ब” देंमल। उत्‍पत्ती १२:३; उत्‍पत्ती २२:१८

यसैया 61:9

मिनु रागी रागी ङा मुरुम मेको आन चच युइ आन कली तुइक्‍नीम। मिनु जात जात ङा मुरुम मेको आन आल आन कली तुइक्‍नीम। मेको आन कली ताइब नेल्‍लेमी ‘मेरे परमप्रभु यावे रे पा आसीक तशो मुर बाक्‍नीम’ देंनीम।

यसैया 62:4

मिनु गे मेना रे ‘ताइक्‍चा पुंइसीशो’ माइक्‍चा मपुंइसीनेवे। इ रागी मुर मबाक्‍तीके रागी माइक्‍चा मपुंइसीब। ‘गो इ कली तशा ग्‍येरसाक्‍यी’ दे नें वोइक्‍चा पुंइसीनेवे। इ रागी ग्‍युंबे पशो खोदेंशो दुम्‍ब। मारदे हना परमप्रभु यावे इ कली तशा ग्‍येरसीब। इ रागी ग्‍युंबे पशो खोदेंशो दुम्‍ब। यसैया ५४:६; यसैया ६०:१५; होसे २:२१

यसैया 62:5

दोपा ठिटा वोंइश मुरुम मीश आल कली ग्‍युंबे पाइबा, मोपा इ कली सेल्‍बमी इ कली ग्‍युं‍बे पाइब। मिनु दोपा ग्‍युम्‍ले आ ग्‍युम्‍ली कली तशा ग्‍येरसीबा, मोपा परमप्रभु इ कली तशा ग्‍येरसीब।

येरमीया 33:9

मिनु एको सहर आं ङोंइती ग्‍येरपाइक्‍तीक, ठेयब सेल्‍तीके नु आं कली मान पतीके दुम्‍ब। मिनु रागी रागी ङा मुरुम गो इस्राएली आन कली मार मार रिम्‍शो पशो नेंनीम। मिनु मेको आन कली रिम्‍शो नु आन माल्‍शो क्‍येङा शुश गेशो तशा आं पर्बम हिंशा ख्रिंख्रि पाइनीम” देंत।

दानीएल 11:41

मिनु मेको रागी रागी नु लडाइ पा, ठेयब खोला खोदेंशो पा बारब। मिनु मेको दारशो रागी ओव़शा, हजार हजार मुर आन कली साइक्‍ब। तन्‍न एदोम, मोआब रागी नु अम्‍मोनी आन रागी ङा नेल्‍ल क्‍येङा ठेयब बाक्‍तीके मेको आ गुइमी मदुम्‍‍नीम। दानीएल ११:१६

दानीएल 8:9

मिनु मेको ४ ओटा ग्रोव़ आन दाते ङा का रे अर्को इम्‍चीली ग्रोव़ का ग्रूत। मिनु मेको नक ग्रूशो ग्रोव़ दक्‍खिन, पूर्ब गे नु दारशो रागी गे कोव़शा थाम्‍पा ठेयब दुम्‍शा कोल्‍त। दानीएल ७:८

जकरिया 8:23

मुर नेल्‍ल आन परमप्रभु यावेमी मार देंत देंशा हना “मेको नाक्‍ती रागी रागी ङा आन आन लोव़ ब्‍वाक्‍ब १० जना मुरपुकीमी यहूदी का आ वा ग्‍याइश्‍शा ‘गो गे नु लाइनीकी। मारदे हना परमप्रभु यावे गेपुकी नु बाक्‍ब देंशो नेंशो बाक्‍नीक’ देंनीम” दे परमप्रभुमी देंत।

मलाकी 3:13

मिनु परमप्रभु यावेमी “गे आं पर्बम मरिम्‍शो लोव़ पाइतीनी हना यो ‘इन कली मार मरिम्‍शो लोव़ पका ङा?’ देंतीनी।

लूका 1:48

गो महिक्‍सीशो आइक्‍च नङ। तन्‍न परमप्रभु यावेमी आं कली हिक्‍ती। मुल ङा मेरे जात नेल्‍ल ङा मुरपुकीमी आं कली आसीक गेनीम।

ब्‍यवस्‍था 11:12

परमप्रभु यावे, इन परमप्रभुमी मेको रागी कली कोव़ब। मेकोमी बर्स ङा ङोंइती ङा नाक्‍त रे नोले ङा नाक्‍त सम्‍म, गेना हना यो कोव़ब।