मलाकी 3:10 - Sunuwar Bible10 गे नेल्लेमी इन १० भाग ङा भाग का वोइक्तीकेमी चाक्कीन। मिनु आं खिंमी जचा थोव़क बाक्ल। मोपा आं कली नाक्शा, कोव़ङीन। गो स्वर्ग ङा लाप्चो रोक्शा, इन कली शुश आसीक गेबाक्ङा, कों, मगेबाक्ङा” दे मुर नेल्ल आन परमप्रभु यावेमी देंत। အခန်းကိုကြည့်ပါ။ |
मलाकी 3:10
35 ပူးပေါင်းရင်းမြစ်များ
मिनु मेको नाक्त मार मार वोइक्तीक कोठा खाल पाइब मुर आन कली वोइक्तेक्म। मेकोपुकी मुर आन गेशो चढ़ेशो, ङोंइती सिश्शो मार मार नु १० भाग ङा भाग का चाक्शो ताक्शा साम्चा कली वोइश्शो बाक्तेक्म। मेकोपुकीमी सहर मेर ङा रू रे चढ़ेब नु लेवी आन भाग खुप्शा वोइक्तेक्म। मारदे हना यहूदा ङा मुरपुकीम चढ़ेब नु लेवी आन पशो तशा, दाक्शा, नेल्ल शुश ग्येरसीशो बाक्तेक्म।
मिनु चढ़ेब एल्याशीबमी आंम खिं ङा मुर, तोबीयाह कली परमप्रभु यावे आ खिं ङा वोइक्तीक ठेयब कोठा का गेशो बाक्त। ङोंइती मेको कोठामी मार मार शेंशो खोदेंशो पा चढ़ेशो १० भाग ङा अन्न, धूप, परमप्रभु यावे आ खिं ङा बोसपुकी, मुर आन गेशो १० भाग ङा भाग का अन्न, अङगुर शांबु नु तेल वोइश्शो बाक्त। मेको परमप्रभुमी शेंशो खोदेंशो पा लेवी, कुम्सो पाइब, लाप्चो खाल पाइब नु चढ़ेब आन तचा ङा भाग वोइश्शो बाक्त।
ကြော်ငြာတွေ