मलाकी 2:9 - Sunuwar Bible

⁹ परमप्रभुमी “मोपतीके गो इन कली मुर नेल्‍ल आन ङोंइती आइक्‍च नु महिक्‍सीशो सेल्‍ता। मारदे हना गेपुकीमी आं लां प्रोंइतीनी। आं शेंशो लोव़ मटिथु, कुल कोव़मुशा हुकुम पाइतीनी” देंत।

मलाकी 2:9 ပူးပေါင်းရင်းမြစ်များ

१ राजा 22:28

मिनु मीकायाम मेको कली “गे रिम्‍शो पा लेश्‍शा जाक्‍तीनी हना, परमप्रभु यावे गो नु मब्‍वाक्‍शो बाक्‍माक्‍त, देंनुङ” देंमाक्‍त। मिनु मेकोम चिनु लोव़ तेम्‍शा “गे नेल्‍लेम एको लोव़ नेंशा, इन थुंम वोतीन” देंमाक्‍त।

अय्‍युब 32:21

गो सुइ आन कुल कोव़शा लोव़ मपाइनुङ। गो सुइ नु मिलो शिलो मपाइनुङ।

हितोपदेस 10:7

ठीक पाइब कली मिम्‍शा आसीक गेब। परमप्रभु यावे आ अरेशो मटीब आन नें चहिं जाम्‍शा लाइब। अय्‍युब १८:१७; भजन संग्रह ९:६

हितोपदेस 12:8

निप्‍स पाइश्‍शो मुरपुकी मान ताइनीम। दूली थुं पाइश्‍शो मुर आन कली चहिं महिक्‍‍नीम।

इजीकीएल 13:21

गो मेको आन कुल सुम्‍तीक वा शोल्‍शा, आं मुर आन कली प्रोंइनुङमी। मेकोपुकी मुल रे इन गुइ ङा सिखार मदुम्‍नीम। मिनु गेपुकीम गोन परमप्रभु यावे नङ, दे तुइक्‍‍नीनी।

इजीकीएल 7:26

हिंचा ङा श्‍येत क्‍येङा हिंचा ङा श्‍येत जाक्‍ब। हिंचा ङा लोव़ क्‍येङा हिंचा ङा लोव़ नेंसीब। मेकोपुकीम परमप्रभु यावे आ लोव़ पाइबपुकी रे ‘मुल मार दुम्‍बा’ दे तुइक्‍चा माल्‍नीम। चढ़ेबपुकीमी मुर आन कली मशेंनीम। खाल्‍पा आन अर्ती गेतीक जाम्‍शा लने थुम्‍शो बाक्‍ब।

मीका 3:11

मेकेर ङा ठेयब मुरपुकीमी घूस जशा निसाफ पाइनीम। मेकेर ङा चढ़ेबपुकीम शेंशो ङा क्‍येट ताक्‍नीम। परमप्रभु यावे आ लोव़ पाइबपुकी क्‍येट तचा कली नोले दुम्‍ब लोव़ पाइनीम। मो हना यो मेकोपुकीमी ‘परमप्रभु यावे आंइ दातेमी बाक्‍ब। गो श्‍येत मजाइनीकी’ देंनीम। येरमीया ७:४

नहुम 3:6

गो ग्रांग्रा दिशो थोव़क इ तारी ताइश्‍शा, इ कली थम मरिम्‍शो पाइनुङ। मिनु इ कली तशा मुर हिंतीक सेल्‍नुङ।

मलाकी 2:3

गो इन पतीके इन आल आन कली हुइक्‍नुङ। इन चढ़ेशो बस्‍तु आन गा क्‍यी ङा ग्रांग्रा इन कुलम देप्‍नुङ। मिनु इन कली आं ङोंइती रे तिल्‍नुङ।

मलाकी 2:8

गेपुकी चहिं आं लां प्रोंइ‍शा, हेंथे गाक्‍तीनी। इन दूली शेंतीकेमी गे शुश मुर आन कली हेंथे गाक्‍ब सेल्‍तीनी। गेपुकीमी लेवी नु पशो कबल खतम सेल्‍तीनी” दे मुर नेल्‍ल आन परमप्रभु यावेमी देंत।

लूका 10:29

मिनु आंम कली ठीक सेल्‍शा, मेकोमी “आं नेक्‍था ङा मुर सु बाक्‍नीमी, गो मतुइक्‍नुङ” देंमाक्‍त।

लूका 11:42

तन्‍न आबी, फरिसीपुकी, गे खतम बाक्‍नीनी। मारदे हना सुप्‍तीके के १० भाग ङा भाग का परमप्रभु यावे कली गेनीनी। तन्‍न गे मुर आन कली ठीक निसाफ मपथु, परमप्रभु यावे कली मदाक्‍नीनी। गे ङोंइती नु नोले ङा निम्‍फा पचा माल्‍नीनी। यूहन्‍ना ५:४२

गलाती 2:6

परमप्रभु यावेमी मुर आन कली ठेयब आइक्‍च मसेल्‍ब। मुर आन थुं नेल्‍ल तुइक्‍ब। मुल लां कोंइब दुम्‍शो आन कली मान पाइनुङमी। मेको लां कोंइबपुकीमी अर्को लोव़ शेंचा कली मतेम्‍देम।

ब्‍यवस्‍था 1:17

निसाफ पनीनु, मुर आन कुल मकोव़ङीन। गेपुकीमी आइक्‍च नु ठेयब मुर, नेल्‍ल आन लोव़ नेनीन। सुइ कली महिनीन। मारदे हना निसाफ परमप्रभु आ गुइमी बाक्‍ब। इन मचाप्‍शो निसाफ चहिं गो नेंनुङ। मेको कली आं बाक्‍तीक चाक्‍कीन’ दे माइक्‍ताक्‍मी। ब्‍यवस्‍था १६:१९; २इतिहास १९:६-७; प्रस्‍थान २१:६

१ सामुएल 2:30

मोपतीके परमप्रभु यावे, इस्राएली आन परमप्रभुमी “इ किकी पिपी आन खिं ङा मुर नेल्‍ल गेना हना यो आं ङोंइती चढ़ेब दुम्‍नीम, गो कसम जशो नङ” देंशो बाक्‍त। तन्‍न परमप्रभु यावेमी “मुल ओदेंशो मदुम्‍ब। मारदे हना आं कली ठेयब सेल्‍ब आन कली गो ठेयब सेल्‍नुङ। आं कली आइक्‍च सेल्‍ब नेल्‍ल आइक्‍च सेल्‍चा पुंइसीनीम। प्रस्‍थान २८:१; मलाकी ३:१६-१८