मलाकी 2:4 - Sunuwar Bible

⁴ गो लेवी नु पशो कबल गेना हना यो लील, दे इन कली मेको शेंतीक सोइक्‍ताक्‍ङ।

मलाकी 2:4 ပူးပေါင်းရင်းမြစ်များ

१ राजा 22:25

मिनु मीकायाम “गे आंमा आगा ङा कोठाम ख्रुइक्‍थ लवे नाक्‍त, तुइक्‍नेवे” दे मदा बाक्‍त।

नेहेम्‍याह 13:29

“आं परमप्रभु, मेकोपुकीमी इन कली चढ़ेतीक गेय नेल्‍ल मरिम्‍शो सेल्‍तेक्‍म। मोदेंशो पा मेकोपुकीमी चढ़ेब नु लेवी आन पशो कबल प्रोंइतेक्‍म। मेको मिम्‍तीन” देंती।

यसैया 26:11

परमप्रभु यावे, इन गुइ मेको आन पर्बम क्‍युक्‍शो बाक्‍तीनी हना यो, मेकोपुकीमी मतुइक्‍नीम। गे इन मुर आन कली दाक्‍शो तशा, मेकोपुकी मुने दोक्‍मल। इन जोरी सत्रु आन कली नेक्‍ब मीमी मेको आन कली यो नेक्गल। यसैया ३७:३२

यसैया 27:9

मोपतीके मेको रे पा याकूब आ मुर आन दोस क्‍याम्‍सीब। मेको आन पाप पशो आ पर्बम मो पचा पुंइसीशो बाक्‍तेक्‍म। मेकोमी चढ़ेतीके ङा फुल्‍लु खरी खोदेंशो पा फस सेल्‍ब। मिनु मूर्ति पाइश्‍शो थाम नु धूप चोशा चढ़ेतीक काइ मलीपाइक्‍ब। लेवी २६:३०

येरमीया 28:9

तेको परमप्रभु यावे आ लोव़ पाइबम थुं नाइश्‍शा बाक्‍तीक आ पर्बम लोव़ पवा, मेको आ लोव़ गाप्‍त हना ला, मेको थमा पा परमप्रभु यावेम सोइश्‍शो आ लोव़ पाइब बाक्‍ब, दे तुंइसीब” दे माइक्‍तु। ब्‍यवस्‍था १८:२१-२२

इजीकीएल 33:33

मेको नेल्‍ल थमा दुम्‍ब। मेको थमा पा थमा दुम्‍ब। मेना मेकोपुकीम आन दातेम परमप्रभु यावे आ लोव़ पाइब का जाक्‍शो बाक्‍माक्‍त, दे तुइक्‍नीम” देंत। इजीकीएल २:५

इजीकीएल 38:23

मोपा गो आं ठेयब दुम्‍तीक नु गो आं बाक्‍शो परमप्रभु बाक्‍नुङ, दे कोंइनुङमी। मिनु शुश रागी ङा मुर आन ङोंइती आं कली तुइक्‍पांइसीनुङ। मेना मेकोपुकीम गोन परमप्रभु यावे नङ, दे तुइक्‍नीम” देंत।

इजीकीएल 44:7

गेपुकी आं कली आं जचा थोव़क बोंसो नु हुश चढ़ेची ना आन थुं नु रांम ख्रोइक्‍तीक चिनु मख्रोइश्‍शो अर्को रागी ङा मुर आन कली आं बाक्‍तीकेम ओव़चा गेतीनी। मोपा गे आं खिं, मुर आ खिं खोदेंशो सेल्‍तीनी। मिनु इन ग्रांग्रा दिशो गेयम आं कबल प्रोंइतीनी। यसैया ५२:१; येरमीया ९:२५

मलाकी 3:1

परमप्रभुमी “नेनीन, गो आं लोव़ पाइब आं ङोंइती सोइक्‍नुङ। मेकोमी आं ङोंइती आं लां सेल्‍चा माल्‍ब। इन माल्‍शो प्रभु रीब पा आ खिंम जाक्‍ब। मेको इन माल्‍शो कबल ङा लोव़ चोक्‍ब बाक्‍ब। गे मेको कली शुश दाक्‍नीनी” दे मुर नेल्‍ल आन परमप्रभु यावेमी देंत। मत्ती ११:१०; मर्कूस १:२; लूका १:१७

गन्‍ती 18:2

मोपतीके गे इ लोक्‍ब लेवी आ थर ङा मुर आन कली यो इ कली वारच पचा कली चाक्‍मी। गे नु इ तौपुकीम ताम्‍बु आ ङोंइती गेय पना पन बाक्‍नीनु, मेकोपुकीम इन कली वारच पामेक्‍ल। गन्‍ती ३:६-१०

गन्‍ती 18:21

गो लेवी आ मुर आन कली ग्रुम्‍तीक ताम्‍बुमी गेय पचा कली इस्राएली नेल्‍ल आन १० भाग ङा भाग का गेतामी। लेवी २७:३०

गन्‍ती 25:12

मोपतीके गे मेको कली ‘परमप्रभुमी इ कली आं थुं नाइक्‍तीक कबल पाइब। १इतिहास ९:२०; यसैया ५४:१०; मलाकी २:५

गन्‍ती 3:11

मिनु लेंशा परमप्रभु यावेमी मोसा कली

गन्‍ती 3:12

“गो इस्राएली आन ङोंइती जरमेशो तौ आन पा ङा लेवी आ थर ङा मुर आन कली इस्राएली आन दाते रे योव़तामी। मोपतीके लेवी आ मुर आं केन बाक्‍नीम। गन्‍ती ८:१६; प्रस्‍थान १३:२

गन्‍ती 3:45

“इस्राएली आन ङोंइती जरमेशो तौ आन पा ङा लेवी आ मुर आं के सेल्‍मी। मिनु मेको आन बी ब्‍यफ, क्‍यारश भेडा आन पा ङा लेवी आ मुर आन बी ब्‍यफ, क्‍यारश भेडा आं के सेल्‍मी। लेवी आ मुर आं के बाक्‍नीम। गो परमप्रभु यावे नङ।

मत्ती 3:12

आ गुइमी ग्‍योल बाक्‍ब। मेकोमी लाङगामी हाम्‍शो चेरब हुरशा, भूस नु गेडा तिल्‍ब। गेडा कोठोमी कुर पा वोइक्‍ब। भूस चहिं गेनायो मकाप्‍ब मीमी चोइब” दे माइक्‍मी बाक्‍त। मत्ती १३:३०

लूका 10:11

‘आंइ खोइलीम क्‍येप्‍शो इन सहर ङा फुरक यो फिक्‍नीकी। मो हना यो परमप्रभु यावे आ राज्‍य इन नेक्‍था जाक्‍शो बाक्‍ब, दे तुइक्‍तीन।

यूहन्‍ना 15:2

आं आफोमी फल मसिप्‍ब राशी आन कली ख्रोइश्‍शा ताइक्‍ब। फल सिप्‍ब राशी कली मेको क्‍येङा शुश फल सिप्‍पाइक्‍चा, दे मुंइशा वोइक्‍ब। यूहन्‍ना १३:१०; १पत्रुस १:२३