मलाकी 2:2 - Sunuwar Bible

² गे इन नोफा मदाइक्‍ताक्‍नी नु आं नें कली मान पचा कली ममिम्‍ताक्‍नी हना, गो इन कली सराप पाइनन्‍नी। इन कली गेशो आसीक सराप दुम्‍ब। मारदे हना गे काइ मटीब बाक्‍नीनी। गो थमा पा इन आसीक कली सराप सेल्‍नुङ। ब्‍यवस्‍था २८:१५

मलाकी 2:2 ပူးပေါင်းရင်းမြစ်များ

भजन संग्रह 69:22

मेको आन जचा थोव़क आन ब्‍वारद दुम्‍ल। मेको आन कली वारच पाइब आन बेक्‍तीक दुम्‍ल। रोमी ११:९-१०

हितोपदेस 3:33

परमप्रभु यावेमी आ अरेशो मटीब आन खिं ङा मुर आ सराप राइब। तन्‍न ठीक पाइब आन खिंम आसीक राइब।

यसैया 42:25

मोपतीके परमप्रभु यावे मेको आन पर्बम शुश गाइक्‍ताक्‍व। मेको आन कली लडाइ ङा श्‍येत दुम्‍पाइक्‍तु। मेको आन एर ओंथ नेल्‍ल मी जेत्‍ताक्‍व। मो हना यो मेकोपुकीमी काइ मरुबेम। मी जेश्‍‍शा यो आन थुं परमप्रभु यावे गे मलेत्‍तेम।

यसैया 47:7

मिनु गे ‘गो गेना हना यो पिपीम बाक्‍नुङ’ देंते। गे आं मुर आन कली मरिम्‍शो पाप्‍तीवी। नोले मार दुम्‍बा, मेको ममिम्‍ती।

यसैया 57:11

गे सु क्‍येङा शुश हिंशा, जोल पनी? मिनु आं कली मफ्रुक्‍थु ममिम्‍तीनी। गो सिक्‍सी पा बाक्‍शा, आं मिक्‍च क्रिप्‍ताक्‍ङ। मिनु गे आं कली तशा महिंनी? भजन संग्रह ५०:२१

येरमीया 34:17

मोपतीके परमप्रभु यावेमी “गेपुकीम आं देंशो मटिनी। मिनु आंम रागी ङा आंम नेक्‍था ङा मुर नु आंम वारच आन कली वाइलीम वाइल दुम्‍तीक रे मप्रोंइनी। मोपतीके गो मुल इन कली प्रोंइनन्‍नी। गो इन कली तरवार, मुर बेक्‍तीक रोइ नु अन्‍कालम साइक्‍पाइक्‍चा कली प्रोंइनन्‍नी। गो इन कली राज्‍य नेल्‍लेम शुश हिंचा ङा सेल्‍नन्‍नी।

इजीकीएल 3:7

तन्‍न इस्राएली आन खिं ङा मुरुम इ लोव़ मनें‍नीम। मारदे हना मेकोपुकीम आं लोव़ नेंचा मदाक्‍नीम। इस्राएली आन खिं ङा मुर नेल्‍ले काइ मटीब नु खकटा थुं पाइश्‍शो बाक्‍नीम।

हाग्‍गै 1:6

गे शुश शोक्‍तीनी, तन्‍न इच्‍का ला खुप्‍ताक्‍नी। गे जाइनीनी, तन्‍न मरूनीनी। गे तूनीनी, तन्‍न इन तूतू दाक्‍तीके मबेक्‍ब। गे फेक्‍नीनी, तन्‍न इन रां महोइब। गे शुश गेय पा क्‍येट चेम्‍नीनी, तन्‍न होइश्‍शो थैलीम कुर पा वोइक्‍नीनी” देंत। ब्‍यवस्‍था २८:३८

हाग्‍गै 1:9

गे शुश आस पाइतीनी, तन्‍न इच्‍का ला ताइतीनी। मिनु गे खिंमी मार चाक्‍नी, गो मेको कली मुइश्‍शा बेरपाइक्‍ता। गो मारदे मोदेंशो पाता देंशा हना, आं खिं ब्रेन्‍ने थुम्‍शो बाक्‍ब। गे चहिं आंम खिं कली ला मिम्‍नीनी।

मलाकी 2:1

मिनु मुर नेल्‍ल आन परमप्रभु यावेमी “गे चढ़ेबपुकी, एको शेंशो लोव़ इन कली बाक्‍ब।

मलाकी 3:9

गे सराप रशो दुम्‍तीनी। मारदे हना गे आं मार मार खुइ पाइब बाक्‍नीनी। गे इस्राएल नु मुर नेल्‍लेमी आं कली रोइक्‍ताक्‍यीनी। हाग्‍गै १:५-६

लूका 17:18

मेको सामरीया ङा मुर ला परमप्रभु यावे कली ठेयब सेल्‍शा ‘गे रिम्‍शो पाइब बाक्‍नीनी’ देंथ जाक्‍मे?” देंमाक्‍त।

यहोसु 7:19

मिनु यहोसुमी आकान कली “आं तौ, परमप्रभु यावे, इस्राएली आन परमप्रभु कली ठेयब सेलो। मार मार पवी, मेको कली देनो। इ पशो आं कली देनो। लोव़ का यो मख्रुइक्‍तो” देंत।

१ पत्रुस 4:11

सुमी लोव़ पाइबा, मेकोमी परमप्रभु यावे आ ख्रुइश्‍शो लोव़ पवल। सुमी गेय पाइबा, मेकोमी परमप्रभु यावे आ गेशो सक्तिमी पवल। मोपा नेल्‍लेमी येसु ख्रीस्‍त आ नेंमी परमप्रभु यावे कली ठेयब सेल्‍मेक्‍ल। मेको छेङछेङमी बाक्‍शा, गेना हना यो सक्ति पाइश्‍शो बाक्‍ब। आमेन। रोमी १२:७

प्रकाश 14:7

मिनु मेकोमी ठेयब सेंदामी “परमप्रभु यावेमी सरीङ, रागी, समुन्‍द्र नु ब्‍वाक्‍कु बुक्‍तीके नेल्‍ल सेल्‍तु। मोपतीके इन पोक्‍च थेक्‍शा, परमप्रभु यावे कली मान पा हिनीन। मेको कली ठेयब सेलीन। मिनु ‘गे नेल्‍ल सेल्‍ब ननी’ देंशा मान पने। मारदे हना मेको आ निसाफ पची ना दुम्‍त” देंत।

प्रकाश 16:9

मोपा शुश होशेमी मुरपुकी दुप्‍शा, श्‍येत जाम्‍तेक्‍म। मिनु दुप्‍शो आ पर्बम परमप्रभु यावे आ नें कली सराप पाम्‍तेक्‍म। मारदे हना मेकोमी श्‍येत गेप्‍तु। मिनु मेको मुर आन थुं परमप्रभु यावे गे मलेत्‍तेम। परमप्रभु यावे कली मान यो मपाम।