मलाकी 2:14 - Sunuwar Bible

¹⁴ मिनु गेपुकीमी “मारदे मब्राइबा”? दे हिल्‍लो पाइनीनी। मारदे हना गे इन ठिटा बाक्‍ची ना ङा मीश प्रोंइतीनी। मेको आ पर्बम परमप्रभु यावे सांकछी बाक्‍ब। मेको इ वारच इ मीश बाक्‍ब, इ कबल पा चाक्‍शो मीश बाक्‍ब।

मलाकी 2:14 ပူးပေါင်းရင်းမြစ်များ

उत्पत्ती 2:18

मिनु परमप्रभु यावेमी “मुर का ला बाक्‍चा मरिम्‍शो दुम्‍ब। गो मेको नु बाक्‍चा कली वारच पाइब का सेल्‍नुङ” देंमाक्‍त। उपदेसक ४:३०

उत्पत्ती 31:50

गे आं तमी आस कली श्‍येत गेप्‍तीवी हना, अर्को मीश चाक्‍तीवी हना, गो इस दातेमी मुर सांकछी मबाक्‍तेक्‍म हना यो, परमप्रभु इस सांकछी बाक्‍ब” देंमाक्‍त।

हितोपदेस 2:17

मेकोमी आ ग्‍युंबे पशो वोंइश कली प्रोंइशा, परमप्रभु यावे आ ङोंइती पशो कबल प्रेंताक्‍व।

हितोपदेस 30:20

हेंथे गाक्‍ब मीश मुरुमी जाइब। मिनु आ शोव़ शोप्‍शा “गो मारेइ मरिम्‍शो मपङ” देंब।

हितोपदेस 5:20

आं तौ, गे मारदे मारेइ मतुइक्‍थु हेंथे मीश मुर नु गाक्‍नेवे? गे मारदे अरु मुर आ मीश कली मुप्‍नेवे?

उपदेसक 9:9

परमप्रभुमी गेशो इच्‍का नाक्‍त ब्रोंइशा बाक्‍तीकेमी आंम दाक्‍शो मीश नु ग्‍येरशा बाक्‍को। मारदे हना रागीमी इ श्‍येत पा पशो गेय ङा भाग मेको बाक्‍ब। हितोपदेस ५:१८-१९

ठेयब कुम्सो 1:15

ए, आं दाक्‍शो मीश आल गे दारशो बाक्‍नेवे? शुश दारशो बाक्‍नेवे। इ मिक्‍च ढुकुर के खोदेंशो बाक्‍ब।

यसैया 54:6

मारदे हना परमप्रभु यावेमी इ कली प्रोंइसीशो नु थुं लुक्‍च लशो मीश मुर कली खोदेंशो पा ब्रेत्‍ताक्‍व। मुल गे ठिटी ना चाक्‍शा नोले प्रोंइ‍शो मीश आल खोदेंशो बाक्‍नेवे। यसैया ५०:१

यसैया 58:3

मेकोपुकीमी ‘गो मारदे माइजा बाक्‍का? गे मताइनीनी। गो मारदे आंम कली ब्रेम्‍शो सेल्‍का? गे मतुइक्‍तीनी’ देंतेक्‍म। गे इन माइजा बाक्‍ची ना इन आंम मिम्‍शो पाइनीनी। मिनु इन गेय पाइब नेल्‍ल आन कली दिप्‍नीनी। येरमीया १४:१२

येरमीया 29:23

मारदे हना मेको निक्‍शीमी इस्राएलम थम ग्रांग्रा दिशो गेय पशो बाक्‍ताक्‍स। मेको निक्‍शी आस नेक्‍था ङा मुर आन मीश नु इप्‍शो बाक्‍ताक्‍स। मिनु मेकोम आं मअरेशो लोव़ पाम्‍ताक्‍स। गो मेको नेल्‍ल तुइक्‍नुङ। मिनु गो मेको आ सांकछी बाक्‍नुङ” दे परमप्रभु यावेम देंत।

येरमीया 42:5

मिनु मेकोपुकीमी येरमीया कली “परमप्रभु यावे, इन परमप्रभुमी कोंइशो नु आंइ कली देंशो लोव़ गोपुकीम मपाइतक हना, परमप्रभु यावे आंइ पर्बम थमा नु ठीक लोव़ पाइब सांकछी दुम्‍ल।

येरमीया 8:12

मेकोपुकीमी मुने दोक्‍चा ङा गेय पाम्‍तेक्‍म। ग्रांग्रा दिशो गेय पाम्‍तेक्‍म। तन्‍न मेकोपुकी मुने मदोक्‍‍म। मुनेम लल जिचा देंशो मार, बाक्‍बा, दे मतुइक्‍ते‍म। मोपतीके साइक्‍चा पुंइसीशो आन दातेमी साइक्‍चा पुंइसीनीम। गो मेको आन कली सजाइ गेनुङ। मिनु मेको खतम दुम्‍नीम” दे परमप्रभु यावेमी देंत।

येरमीया 9:2

गोरशो रागीम मुर आन कली बास बाक्‍तीक बाक्‍शो हना, गो आं मुर आन कली प्रोंइशा, मेकेर लशा बाक्‍ङ वा। मिनु मेको आन रे ङोन लङ वा। मारदे हना मेको नेल्‍ल आन नाता ख्रोइश्‍शा अरु नु इप्‍‍नीम। मेको नेल्‍ल मरिम्‍शो हुल का बाक्‍नीम।

इजीकीएल 16:8

गो लेंशा इ नेक्‍था रे पा लङानु, गे ग्‍युंबे पची ना दुम्‍शो बाक्‍ते। मिनु गो आं वा आ सुरमी इ शिश्रा रां सुम्‍ता। गो गे नु कबल का पाता। मिनु गे आं के दुम्‍ते। रूथ ३:९; प्रस्‍थान १९:५

मीका 1:2

मिनु परमप्रभु यावेमी मार कोंइशो नु देंशो बाक्‍त देंशा हना “जात जात ङा मुर, गे नेल्‍लेमी नोफा दाइक्‍तीन। रागी नु मेकेर बाक्‍ब नेल्‍लेमी नेनीन। परमप्रभु, परमप्रभु यावे आ बाक्‍तीके रे पा इन मरिम्‍शो पशो आ पर्बम सांकछी दुम्‍ब।

मलाकी 2:15

परमप्रभुम मेको निक्‍शी आस कली कान मसेला ङा? मेको आस सोक्‍त नु गिंम परमप्रभु यावे के बाक्‍नीस। मारदे मेको निक्‍शी आस कली कान सेल्‍तु देंशा हना, आस आल परमप्रभु आ मुर दुम्‍मल, दे कान सेल्‍तु। मोपतीके गेपुकी आंम थुं आ पर्बम होस पा, सुइमी आंम ठिटा बाक्‍‍ची ना ङा मीश कली मप्रोनीन।

मलाकी 3:5

तन्‍न मेको क्‍येङा ङोंइती “गो निसाफ पचा कली इन बाक्‍तीकेमी जाक्‍नुङ। गो टुना मुना पाइबपुकी, मुर आन मीश वोंइश नु इप्‍बपुकी, जोल पा कसम जाइबपुकी, गेय पाइब आन कली गाल्‍च मगेबपुकी, वोंइश बेक्‍शो मीश मुर, रोम रोइक्‍च, नु अर्को रागी ङा मुर आन कली निसाफ पा मगेबपुकी नु आं क्‍येङा महिंब नेल्‍ल आन कली निसाफ पथ जाक्‍नुङ” दे मुर नेल्‍ल आन परमप्रभु यावेमी देंत।

मलाकी 3:8

परमप्रभुमी “मार, मुरपुकीमी परमप्रभु आ मार मार खुइ पने चाप्‍नीमी ङा? तन्‍न गेपुकीम आं के खुइ पशो बाक्‍नीनी। मो हना यो गेपुकीमी ‘गोपुकीमी इन के मार खुइ पका ङा?’ देंनीनी। इन १० भाग ङा भाग का नु मार मार चढ़ेतीकेमी खुइ पशो बाक्‍नीनी। प्रस्‍थान २५:२

न्‍यायाधीस 11:10

मिनु गिलाद ङा खाल्‍पापुकीमी येफ्‍ता कली “परमप्रभु यावे गो आंइ दातेमी सांकछी बाक्‍ब। गो इन देंशो खोदेंशो पाइनीकी” देंमा बाक्‍त।

१ सामुएल 12:5

मिनु सामुएलम मेको आन कली “गे आं कली दोसी सेल्‍ने मचाप्‍नी। मेको आ पर्बम परमप्रभु यावे नु आ तेल लुक्‍शो सांकछी बाक्‍नीस” देंमाक्‍त। मिनु मेकोपुकीमी “मेको सांकछी बाक्‍नीस” देंमा बाक्‍त।