मलाकी 1:7 - Sunuwar Bible

⁷ परमप्रभुमी “गेपुकी आं कली ग्रांग्रा दिचा ङा थोव़क आं चढ़ेतीकेमी चढ़ेनीनी। मिनु गेपुकीमी ‘दोपा इन कली ग्रांग्रा दिपाइक्‍का?’ दे लोव़ पाइनीनी। परमप्रभु यावे आ टेबल कली मारेइ खोइ मलाक्‍नीनी।

मलाकी 1:7 ပူးပေါင်းရင်းမြစ်များ

इजीकीएल 41:22

मेकेर शी के चढ़ेतीक का बाक्‍त। मेको कुबीत सां ग्‍येत्‍थ लाइश्‍शो, कुबीत निक्‍शी पित्‍थ लाइश्‍शो नु कुबीत निक्‍शी ब्रेम्‍शो बाक्‍त। मेको आ सुर, मेको आ तार नु आ एर ओंथ नेल्‍ल शी के बाक्‍त। मिनु मेकोमी आं कली “एको टेबल परमप्रभु यावे आ ङोंइती बाक्‍ब” देंत।

इजीकीएल 44:16

मेकोपुकी ला आं बाक्‍तीकेम ओव़ने चाप्‍नीम। मिनु आं टेबल आ नेक्‍था जाक्‍शा, आं गेय पचा ताइनीम।

लेवी 2:11

गेपुकीमी परमप्रभु यावे कली अन्‍न चढ़ेतीकेमी गेनायो बोरब ओख्‍ती सुप्‍चा मदुम्‍ब। परमप्रभु यावे कली मीम चोशा चढ़ेतीकेमी बोरब ओख्‍ती नु खुदो गेनायो चोचा मदुम्‍ब।

लेवी 21:6

इन परमप्रभु कली ला गेय पाइब दुमीन। इन परमप्रभु आ नें ग्रांग्रा दिशो सेल्‍ब मदुम्‍नीम। मारदे हना गेपुकीमी परमप्रभु यावे कली मीम चोशा चढ़ेतीके चढ़ेनीनी। मोपतीके गेपुकी परमप्रभु कली ला गेय पाइब बाक्‍नीनी।

लेवी 21:8

मिनु गे इस्राएलीपुकीमी चढ़ेब आन कली परमप्रभु आ गेय पाइब मिम्‍तीन। मारदे हना मेकोपुकी इन परमप्रभु आ जचा चढ़ेनीम। मेकोपुकी इन पर्बम परमप्रभु आ गेय पाइब दुम्‍शो बाक्‍नीम, दे मिम्‍तीन। मारदे हना इन कली ग्रांग्रा रे ङोन बाक्‍ब सेल्‍ब, गो ग्रांग्रा रे ङोन बाक्‍ब परमप्रभु यावेमी इन कली आं खोदेंशो सेल्‍नुङ।

लेवी 3:11

मिनु चढ़ेबमी मेको परमप्रभु यावे कली मीम चोशा जचा थोव़क चढ़ेतीक चढ़ेचा माल्‍नीम।

मलाकी 1:12

मिनु “गेपुकीमी ‘परमप्रभु आ टेबल ग्रांग्रा दिचा ङा बाक्‍ब, मेक बाक्‍शो थोव़क यो ठीक दुम्‍चा ममाल्‍ब’ दे आं नें कली आइक्‍च सेल्‍नीनी।

मलाकी 1:13

मिनु गेपुकीमी ‘एको गिश श्‍येत बाक्‍बा’ दे आं कली चढ़ेतीक आ पर्बम इन नें क्रुप्‍नीनी। गेपुकीमी रोइश्‍शो बस्‍तु चाक्‍नीनी। खोइल मदुक्‍ब नु रोइ पशो बस्‍तु चढ़ेथ चाक्‍नीनी। मार, गो इन चढ़ेशो ग्‍येरशा ताक्‍चा माल्‍नुङा ङा?” दे परमप्रभु यावेमी देंत।

मलाकी 1:8

गेपुकीमी मिक्‍च मताइब बस्‍तु चढ़ेथ चाक्‍नीनी। मिनु मेको दूली मबाक्‍ब देंनीनी। खोइल मदुक्‍ब नु रोइ पशो बस्‍तु चढ़ेचा दूली मबाक्‍ब देंनीनी। मिनु इन रागी ङा ठेयब मुर कली मोदेंशो गेनीनु, मार, मेको ग्‍येरशा ताक्‍शा, इन कली दाक्‍बा ङा?” दे मुर नेल्‍ल आन परमप्रभु यावेमी देंत। लेवी २२:२०,२३

१ कोरिन्‍थी 10:21

गे प्रभु आ कचौरा रे तूतीनी हना, वोल आन कली चढ़ेशो रे तूने मचाप्‍नीनी। गे प्रभु आ भोज नु वोल आन कली चढ़ेशा जने मचाप्‍नीनी। मत्ती ६:२४; २कोरिन्‍थी ६:१५-१६

ब्‍यवस्‍था 15:21

तन्‍न मेको ब्‍यफ, सांड कली मारेइ दुम्‍शो बाक्‍त हना, कोङटे बोङटे बाक्‍त हना, नु मिक्‍च मताइब मारेइ दुम्‍शो बाक्‍त हना, गेपुकीमी मेको कली परमप्रभु यावे, इन परमप्रभु कली चढ़ेचा मदुम्‍ब। लेवी २२:२०