मलाकी 1:4 - Sunuwar Bible

⁴ मिनु एदोम ङा मुरपुकीमी “गोपुकी ब्रुंइसाक्‍व हना यो, गो लेंशा मेको ब्रेश्‍शो नेल्‍ल सेल्‍नीकी” देंतेक्‍म। मुर नेल्‍ल आन परमप्रभु यावेमी “मेकोपुकीमी सेल्‍तेक्‍म हना यो, गो प्रेत्‍नुङ। मिनु अरु मुरपुकीमी मेको आ पर्बम ‘एको ठीक मपाइब रागी का बाक्‍ब। परमप्रभु यावे मेको रागी तशा, गेना हना यो गाइक्‍ब’ ” देंनीम।

मलाकी 1:4 ပူးပေါင်းရင်းမြစ်များ

अय्‍युब 12:14

मेकोमी प्रेत्‍तु हना, मेको लेंशा सेल्‍ने मचाप्‍नीम। मेकोमी मुर कली जेल्‍खानम चोक्‍तु हना, सुइमी मेको कली ग्रुंइने मचाप्‍नीम। प्रकाश ३:७

अय्‍युब 34:29

तन्‍न मेको सिक्‍सी पा बाक्‍‍त हना, सुम मेको कली दोस गेने चाप्‍बा ङा? मेकोम आ कुल ख्रुइक्‍ताक्‍व हना, सुम मेको कली तने चाप्‍बा ङा? रागी ङा मुर नेल्‍ल कली नु मुर का कली मेको कान बाक्‍ब।

अय्‍युब 9:4

मेको जोक्‍ब तुइक्‍ब नु सक्ति पाइश्‍शो बाक्‍ब। मेको कली मटिथु, सु ग्‍येत्‍थ लने चाप्‍बा ङा?

भजन संग्रह 127:1

परमप्रभु यावेमी खिं मसेल्‍शो हना, खिं सेल्‍ब आन गेय मोशा दुम वा। परमप्रभु यावेम सहर खाल मपशो हना, खाल पाइब आन खाल पशो मोशा दुम वा।

भजन संग्रह 137:7

परमप्रभु यावे, यरूसलेम खतम दुम नाक्‍ती एदोम ङा मुर मार पामे, मेको मिम्‍तीन। मेकोपुकीमी “एको कली प्रेतीन। जग रेन खतम पोक्‍कीन” दे वाइ ब्रेत्‍तेक्‍म। भजन संग्रह ७९:१२; ओबदिया १०:१५

भजन संग्रह 33:10

परमप्रभु यावेमी रागी रागी ङा मुर आन मिम्‍शा पशो खतम सेल्‍ब। मेकोमी जात जात ङा मुर आन मिम्‍शो गेय शोर गाक्‍शो सेल्‍ब।

हितोपदेस 21:30

मुर आन तुइक्‍तीक, रुप्‍तीके अर्ती गेतीके परमप्रभु यावे आ ङोंइती थम आइक्‍च बाक्‍ब। भजन संग्रह ३३:१०-११

यसैया 10:4

मेको नाक्‍ती पाइश्‍शो मुर आन दातेमी मबाक्‍‍चा नु साइक्‍चा मपुंइसीचा कली ते प्रोक्‍नीनी? परमप्रभु आ गाइश्‍शो मनाइक्‍थु, आ गुइ दिंस ङा दिंस बाक्‍त।

यसैया 11:14

मिनु मेको निक्‍शी पलिस्‍ती नु लडाइ पचा कली पच्‍छिम गे बारनीस। मेकोपुकी गारशा, पूर्ब ङा मुर आन मारेइ मारेइ रोइक्‍नीम। एदोमी नु मोआबी आन कली लडाइ तोइनीम। अम्‍मोनीपुकीमी मेको आन देंशो टीनीम।

यसैया 34:10

मेको नाक्‍दो नाक्‍त गेनायो मकाप्‍ब। आ कुन गेना हना यो कुस ङा कुस बाक्‍ब। मेको पाला पाला सम्‍म गोरशो रागी दुम्‍शा बाक्‍ब। मेकेर रे सुइ मगाक्‍नीम। मलाकी १:४

यसैया 34:5

परमप्रभुमी “आं तरवारम सरीङमी गेय थुम्‍शा नोले, गो एदोम तारी लाइनुङ। गो मेकेर ङा मुर आन कली निसाफ पाइनुङ” देंत। ब्‍यवस्‍था ३२:४१-४२; येरमीया ४९:७-२२

येरमीया 31:17

नोले इन रिम्‍शो दुम्‍तीक लां कोव़नीनी। इन तमी तौ आंम आन रागीम लेश्‍शा जाक्‍नीम” देंत।

येरमीया 49:20

मोपतीके परमप्रभु यावेम एदोम आ पर्बम पचा चिक्‍शो गेय नु तेमान सहरम बाक्‍ब आन पर्बम मेको आ मिम्‍शो दोदेंशो बाक्‍बा, मेको नेनीन। थमा पा बगाल ङा आइक्‍च कीशा लाइक्‍चा पुंइसीनीम। मेको आन पतीके आन योव़तीक खतम दुम्‍ब।

येरमीया 49:7

मुर नेल्‍ल आन परमप्रभु यावेमी एदोम आ पर्बम “मुल तेमान सहरम तुइक्‍तीक मबाक्‍बा ङा? मार, रुप्‍ब मुर आन अर्ती जाम्‍शा लमे? मार, मेको आन रुप्‍तीक योल्‍मे?

येरमीया 49:8

ए देदानम बाक्‍बपुकी, लेश्‍शा प्रोक्‍कीन। लुक्‍च लने। मारदे हना गो एसाव कली सजाइ गेची ना मेको कली हिंचा ङा श्‍येत गे‍नुङ।

येरमीया 5:17

मेकोपुकीमी इन खुप्‍शो अन्‍न नु जचा थोव़क नेल्‍ल नेक्‍नीम। मिनु इन तमी तौ नेल्‍ल आन कली यो लाइक्‍नीम। मेकोपुकीमी इन क्‍यारश भेडा नु बी ब्‍यफ नेल्‍ल नेक्‍नीम। मेकोपुकीमी इन अङगुर नु फोव़शी नेल्‍ल नेक्‍नीम। मिनु इन थमा सुइश्‍शो बोल्‍यो गारो हिरशो सहर नेल्‍ल तरवारम क्‍याम्‍नीम।

बिलाप 3:37

परमप्रभुम मअरेशो गेय सुमी अरेने नु पपाइक्‍ने चाप्‍बा ङा? यसैया ४५:७; आमोस ३:६

इजीकीएल 11:10

गेपुकी तरवारम साइक्‍चा पुंइसीशा गोल्‍नीनी। गो इन कली इस्राएल आ सांदम निसाफ पाइनुङ। मिनु गेपुकीम गोन परमप्रभु यावे नङ, दे तुइक्‍नीनी। २राजा २५:२०-२१

इजीकीएल 25:13

गो आं गुइ एदोम आ पर्बम क्‍युक्‍नुङ। मिनु मेकेर ङा मुर नु बी ब्‍यफ, क्‍यारश भेडा नेल्‍ल आन कली साइक्‍नुङमी। मिनु गो मेको कली मुर मबाक्‍तीके सेल्‍नुङ। मिनु तेमान रे देदान सम्‍म ङा मुर नेल्‍ल तरवारम साइक्‍चा पुंइसीनीम।

इजीकीएल 25:14

गो आं मुर इस्राएल रे पा एदोम कली क्‍येक्‍क लेत्‍नुङ। मिनु मेकोपुकीम आं गाइश्‍शो नु आं चुरशो खोदेंशो पा एदोम कली पाइक्‍नीम। मिनु मेकोपुकीम आं गाइश्‍शो नु चुरशो खोदेंशो पा क्‍येक्‍क लेत्‍नीम। मिनु मेकोपुकीमी परमप्रभु, परमप्रभु यावेमी क्येक्‍क लेश्‍शो बाक्‍ब, दे तुइक्‍नीम” देंत।

इजीकीएल 26:14

गो इ कली श्‍येत्‍थ फुल्‍लु सेल्‍नुङ। गे ग्‍याइल आप्‍तीक दुम्‍नेवे। इ कली लेंशा गेनायो मसेल्‍नीम। मारदे हना गो, परमप्रभु यावेमी एको लोव़ पाता” दे परमप्रभु, परमप्रभु यावेमी देंत।

इजीकीएल 35:4

गो इ सहर प्रेत्‍‍नुङ। मिनु गे मुर मबाक्‍तीक दुम्‍नेवे। मिनु गोन परमप्रभु यावे नङ, दे तुइक्‍नेवे।

इजीकीएल 35:9

गो इ कली गेना हना यो कली श्‍येत्‍थ सेल्‍नन। इ सहर मुर मबाक्‍तीक दुम्‍नीम। मिनु गोन परमप्रभु यावे नङ, दे तुइक्‍नेवे’।

आमोस 1:11

मिनु परमप्रभु यावेम “गो एदोम आ ३ खेयप नु ४ खेयप मरिम्‍शो प‍शो आ पर्बम ततीके सजाइ मतेक्‍नुङ। मारदे हना मेकोमी शिशी मपथु, आ लोक्‍ब आन कली तरवार शेशा, खेदा पाप्‍तु। मेको आ गाइश्‍शो गेना हना यो लीशा, ईख कुरशा बाक्‍त। ओबदिया १०:-; ब्‍यवस्‍था २३:८; येरमीया ४९:७

आमोस 3:15

गो हिंउदमी बाक्‍तीक खिं नु हुप्‍शोमी बाक्‍तीक खिं निम्‍फा प्रेत्‍नुङ। मिनु हात्ती आ दाराम दारशो सेल्‍शो खिं ब्रेत्‍नीम। मिनु ठेयब खिंपुकी यो खतम सेल्‍नुङ” दे परमप्रभु यावेमी देंत। १राजा २२:३९; भजन संग्रह ४५:९

आमोस 5:11

मारदे हना गे प्रुङग आन कली दिम्‍‍नीनी। मेको आन कली गेन कि गेन, दे शुश अन्‍न थाप्‍पाइक्‍नीनी। गे ख्रोइश्‍शो फुल्‍लु के खिं सेल्‍तीनी। तन्‍न मेकेर बाक्‍चा मताइनीनी। रिम्‍शो अङगुर रू सेल्‍तीनी। तन्‍न अङगुर शांबु तूचा मताइनीनी। सेफन्‍याह १:१३

आमोस 6:11

मारदे हना परमप्रभु यावेमी हुकुम पाइब। मिनु ठेयब खिं कली प्रेप्‍ब। मिनु आइक्‍च खिं यो प्रेप्‍ब।

आमोस 6:2

गे आइक्‍ची हांबु काल्‍नेह सहर लशा, कोव़ङीन। मिनु मेकेर रे ठेयब हमाथ रागी लन। मेको नोले पलिस्‍ती आन गाथ सहरमी लने। इन राज्‍य मेको आन राज्‍य क्‍येङा रिम्‍शो बाक्‍बा ङा? मार, मेको इन रागी मेको आन रागी क्‍येङा ठेयब बाक्‍बा ङा? उत्‍पत्ती १०:१०

ओबदिया 1:1

परमप्रभु यावेमी ओबदिया कली कोंइशो लोव़ मार बाक्‍त देंशा हना, परमप्रभु, परमप्रभु यावेमी एदोम आ पर्बम लोव़ पाप्‍तु। गोपुकीमी परमप्रभु यावे रे लोव़ का नेंतक। मेकोम रागी रागीम लोव़ कुरब मुर का सोइक्‍ताक्‍व। मेकोमी “बोक्‍कीन। गो मेको नु लडाइ पथ लय।

ओबदिया 1:10

गे इ लोक्‍ब याकूब कली हुश ख्राक्‍श पोक्‍शो आ पर्बम इ कली मुनेम सुम्‍ब। मिनु गे गेना हना यो कली जाम्‍शा लाइनेवे। योएल ४:१९

मलाकी 1:3

तन्‍न एसाव कली काइ मदाक्‍तु। मोपतीके मेको आ बाक्‍तीक पहाड कली गोरशो रागी सेल्‍ता। आ थेरशो रू सिवार आन बाक्‍तीक दुम्‍पाइक्‍ता” देंत। यसैया ३४:१३

मत्ती 12:30

गो नु मगारब आं जोरी सत्रु दुम्‍नीम। गो नु गारशा मखुप्‍बमी आं खुप्‍शो यो फ्रशा ताइक्‍ब। मर्कूस ९:४०